Hatutan.com, (23 Novembru 2022), Ataúro– Kondisaun estrada, ladún iha asesu bá bee-moos ho eletrisidade, difikulta atividade povu Ataúro nian durante ne’e.

Lee Mós : Reuniaun KM Iha Ataúro, Prezidente Repúblika “Ejize” Governu Rezolve Imediata Problema Prinsipál Iha Munisípiu Ne’e

Komunidade Ataúro simu bainaka sira iha festival muzika no kultura. Foto/SEII

Liuhosi festival múzika no kultura iha Munisípiu Ataúro  hosi loron 21 to’o loron 23 fulan-Novembru ne’e, bainaka sira, kompostu hosi membru Governu Prezidente Repúblika, korpu diplomátiku sira no bainaka espesiál hosi nasaun viziñu Indonézia, liuliu hosi Timor Osidentál sira, sente kondisaun ida mínimu ne’e hodi kontribui ba imajen lad’iak kona-bá dezenvolvimentu Munisípiu Ataúro nian durante ne’e.    

Administradór Munisípiu Ataúro, Domingos Soares, rekoñese problema estrada, bee-moos ho eletrisidade sai difikuldade boot bá povu Ataúro enfrenta durante preparasaun durante ne’e no durante ámbitu festival Múzika no Kultura.

Advertisement

Domingos Soares, rekoñese katak situasaun hotu-hotu iha ámbitu festival múzika no kultura iha Ataúro la’o di’ak, nune’e lori Ataúro-oan tomak nia naran hakarak agradese bá Prezidente Repúblika no Primeiru-Ministru ne’ebé deside hodi realiza eventu festival múzika no kultura iha Ataúro.

Mézmu Ataúro foin sai munisípiu, maibé kaer metin lema ne’ebé haktuir “hahú ho halai, halai ho fuan kaer liman hamutuk to’o tutun sion, rezultadu sira prodús hamutuk”.

Preokupasaun komunidade kona-bá bee-moos no eletrisidade konserteza ne’e la’ós tanba de’it eventu festival múzika no kultura ne’ebé realiza iha Munisípiu Ataúro, maibé ida ne’e hanesan direitu fundamentál komunidade sira nian atu asesu bá bee-moos no eletrisidade.

Autoridade ne’e mós rekoñese katak eletrisidade iha Munisípiu Atauro lakan durante oras-ualu  (8) de’it; dadeer oras haat no lokraik oras haat.

“Ba eventu ida ne’e parte autoridade halo esforsu hotu-hotu atu bele iha asesibilidade di’ak ba bee, eletrisidade tuir nesesidade ne’ebé partisipante sira nesesita, maibé rekoñese katak sei iha difikuldade balun ne’ebé hotu-hotu enfrenta,” Administradór Munisípiu Ataúro, Domingos Soares ba jornalista sira iha Suku Beloi, Ataúro,  Kuarta (23/11/2022).

Advertisement

Munisípiu Atauro iha bee-matan  boot iha Berau, maibé difikuldade ne’ebé iha mak terrenu ka kondisaun jeografiakamente hosi bee-matan mai suku sira iha villa, kanu bee-moos liu de’it husi foho lolon.

Kona-bá eletrisidade iha futuru parte autoridade hanoin katak sei iha mudansa hodi atinje eletrisidade lakan 24 oras, no la’ós de’it ho jeradór maibé hanoin mós atu fornese enerjia renovavel ba komunidade sira tuir kondisaun klimátika Munisípiu Ataúro nian.

Nia esplika Suku Makadadi mak maioria populasaun seidauk asesu ba eletrisidade, tanba suku refere lokaliza iha foho leten.

Suku Makili prosesu konstrusaun ba besi-riin sira kuaze remata no hela de’it instalasaun, tanba ne’e bele remata iha tinan ne’e ka tinan oin.

Estrada ba suku sira Munisípiu Ataúro nian kuaze hotu-hotu iha asesu ho kondisaun ne’ebé komunidade iha, parte kotu mak estrada foin to’o Arlo foho no tun ba tasi ne’e seidauk, Bikeli parte Fatu’u husi tasi-ibun mak seidauk no área barak liu ne’ebé seidauk asesu estrada  ho di’ak mak Suku Beloi.

Advertisement

“Suku Makadadi estrada labele ba mak Berau tanba lokaliza iha tasi ibun, maibé parte autoridade sei halo esforsu atu estrada bele ba to’o iha Sede Suku hodi halo ligasaun mai iha Sentru Administrasaun Munisipál,” Nia dehan.

Munisípiu Ataúro kompostu husi Suku lima, hanesan Suku Belio, Bikeli, Makadede, Villa Maumeta ho Maquili ho  populasaun  Sensus tinan 2015 nian hamutuk 11.744, ho nia  kompozisaun feto 5.509 no mane 115 horik  iha aldeia 19 nia laran.

Jornalista : Vito Salvadór

Advertisement