Connect with us
Pakote Ahi

Lautem

Preparasaun bá Eleisaun Parlamentár 2023, CNE Sensibiliza Eleitór Sira Iha Lore II

Published

on

Hatutan.com, (25 Novembru 2022), Díli—Comissão Nacional de Eleições (CNE) realiza programa edukasaun sívika ba eleitór sira iha Suku Lore II, Postu Administrativu Lore, Munisípiu Lautém iha 23 Novembru 2022, iha ámbitu preparasaun bá Eleisaun Parlamentár 2023.

Comissão Nacional de Eleições (CNE) realiza programa edukasaun sívika ba eleitór sira iha Suku Lore II, Postu Administrativu Lore, Munisípiu Lautém iha 23 Novembru 2022, iha ámbitu preparasaun bá Eleisaun Parlamentár 2023. Foto/CNE.

Prezidente CNE, José Agostinho da Costa Belo Pereira louva kontribuisaun komunidade Lore II ne’ebé  hamutuk ho Governu hodi sai ona Postu Administrativu Lore no apela atu ema hotu iha postu foun ne’e hola parte iha eleisaun Parlamentár tinan oin.

Lee Mós: Ramos-Horta “Bolu” CNE ho STAE Konfirma Preparasaun Eleisaun Parlamentár 2023

“Ita halo edukasaun sívika atu sensibiliza komunidade ba iha realizasaun eleisaun ne’ebé pasífiku ba susesu eleisaun ne’ebé evita konflitu interese ka polítika no ema hotu-hotu tenke hola parte,” Hatutan.com sita deklarasaun Prezidente CNE iha komunikadu.

Advertisement

CNE konsidera demokrasia mosu atu defende valór sira hosi prinsípiu tradisaun no iha kontestu modernu atu hala’o ukun iha nasaun tuir prinsípiu Estadu no nasaun nian.

Tanba iha demokrasia, sistema kaer ukun no hala’o ukun tenke liu hosi eleisaun. Nune’e, Timor-Leste nia sistema eleitorál hatu’ur iha Lei sira, prinsípiu votu la’ós obrigatóriu tanba ne’e Prezidente CNE ne’e dehan importante tebes halo sensibilizasaun ba eleitór sira atu hatene ho di’ak prosesu eleisaun.

“Iha votasaun mak ita hili sala ita sei arrepende durante tinan lima. Iha tinan sira oin mai ita sei hasoru eleisaun ba Parlamentu Nasional no Eleisaun Suku, iha posibilidade atu realiza mós eleisaun ba Presidente Kámara no Asembleia Munisipál,” nia hateten.

Nune’e mós reprezentante Komandante PNTL Munisípiu Lautém, Xefe Administrasaun Inspetór Xefe, Gil Viana da Cruz hateten, programa eduka ne’udár membru PNTL prontu nafatin, atu asegura prosesu tomak eleisaun nian.

“Ita hotu-hotu nu’udár sidadaun iha responsabilidade hanesan atu halo susesu realizasaun eleisaun, liu-liu ba Eleisaun Parlamentár ne’ebé sei realiza iha tinan 2023,” nia hateten.

Advertisement

Husu ba joven sira tenke sai forsa, matadalan no fini ba inan aman sira hosi nível Suku ba nasaun ida ne’e.

Iha fatin hanesan Komisáriu CNE, responsável bá CNE no aktu eleitorál iha Munisípiu Lautém Olávio da Costa Monteiro Almeida, hateten ohin loron ho proximidade no esforsu hosi komunidade tomak no Guvernu, estabelese tán Postu Administrativu rua iha nasaun ida ne’e mak Postu Administrativu Lore iha Munisípiu Lautem no ida Postu Hatulia B, iha Munisípiu Ermera.

CNE nu’udár Órgaun Administrasaun Eleitorál (OAE) ne’ebé ho knaar atu tau-matan ba prosesu eleisaun hotu iha Timor-Leste ho natureza independente tuir Lei.

STAE nu’udar OAE ida ho knár atu halo administrasaun no jestaun ba organizasaun eleisaun. CNE nia natureza hanesan organizasaun, komposizaun, nomeasaun ho mandatu sira relasiona ho papel no funsionamentu CNE nu’udár OAE independente atu tau matan ba prosesu eleitorál.

Knár importante haktuir Lei hamutuk iha sanulu resin-rua, hosi knár sira ne’e importante no funsaun prinsipál liu maka tau-matan ka halo supervizaun ba aktu eleitorál iha Timor-Leste inklui referendáriu.

Advertisement

Alem informasaun kona-bá papel no kompeténsia servisu CNE, Komisariu mós hato’o informasaun ba eleitór sira iha Suku Lore II kona-bá prosesu Resenseamentu Eleitorál no Atualizasaun Baze de Dadus (RE-ABD) relasiona ho preparasaun ba Eleisaun Parlamentar 2023.

Aktu sira ne’e, realiza haktuir atribuisaun iha Konstituisaun Repúblika Demokrátika de Timor-Leste (C-RDTL) artigu 65 ho nia Lei sira.

Tuir Lei, Resenseamentu Eleitorál laiha mak eleisaun labele realiza. Tanba ne’e husu ba sidadaun sira atu partisipa iha prosesu RE-ABD hodi prepara atu vota iha eleisaun ne’e.

Reprezentante Administradór Munisípiu Lautém, Administradór Postu Lore, Carolino da Silva nu’udár Administradór Postu lori komunidade Lore I no II husu komunidade atu partisipa ho didi’ak no rona informasaun sira relasiona ho direitu sira atu partisipa iha eleisaun.

Programa edukasaun sívika ne’e hetan partisipante hosi komunidade, lideransa komunitária hosi Postu Administrativu Lore, Suku Lore I no II.

Advertisement

Totál partisipante ba atividade ne’e hamutuk na’in 165 kompostu hosi feto na’in 98 no mane na’in 67.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Lautem

Sentru Saúde Iliomar Presiza Tebes Rekursu Umanu

Published

on

Hatutan.com (5 Dezembru 2023), Lautém—Sentru Saúde iha Postu Administrativu Iliomar, Munisípiu Lautém presiza tebes rekursu umanu hodi bele funsiona ho di’ak.

(more…)

Kontinua Le'e

Lautem

Programa Integradu Saúde To’o Ona Lautém

Published

on

Hatutan.com, (04 Dezembru 2023), Lautem—Programa Integradu Saúde hosi Ministériu Saúde (MS) ne’eb’e ho nia konteúdu atu halo akvokasia no lori informasaun kle’an bá komunidade iha baze hodi prevene moras da’et, la hada’et, tuberkoluze, dengue no mos moras sira seluk, to’o ona munisípiu Lautém.

(more…)

Kontinua Le'e

Lautem

Rede Telekomunikasaun ho Bee-Moos Sai Beibeik Preokupasaun Turista Sira bá Illa Jaco

Published

on

Hatutan.com (06 Outubru 2023), Lospalos-Turista sira; lokál no estranjeiru, preokupa tebes kona-bá rede telekomunikasaun ho asesu bee-moos ne’ebé difisil tebetebes iha fatin turizmu Illa Jaco, Postu Administrativu Tutuala, Munisípiu Lautem.

(more…)

Kontinua Le'e

Trending