Connect with us
Pakote Ahi

Lautem

Xanana Apela bá Simpatizante CNRT Tau Ás Interese Nasionál

Published

on

Hatutan.com, (31 Jullu 2022), Lautem-Prezidente partidu Congresso Nacional de Reconstrução de Timor (CNRT), Kay Rala Xanana Gusmão, apela bá kuadru, militante no simpatizante partidu CNRT nian iha territóriu nasionál atu kontinua hadomi pás, hodi hametin estabilidad, no halo servisu ne’ebé tenke tau ás interese nasionál, nune’e bele serbí partidu ho di’ak, no lori moris di’ak bá povu ho nasaun.

Lee Mós : Lori Tiha Horta bá PR, CNRT Kompromete Lori Tan Xanana bá PM

Prezidente partidu CNRT, Kay Rala Xanana Gusmão. Foto/Hatutan.com

Xanana nia apelu ne’e haklaken tutan husi Sekretáriu Jerál partidu CNRT, Francisco Kalbuadi Lay, iha ámbitu seremónia agradesimentu bá vitória eleisaun prezidensiál no abertura konsolidasaun partidu CNRT nian ne’ebé hala’o iha salaun Jináziu Aldeia Nakroma, Suku Fuiluro, Postu Administrativu Lospalos Vila, Munisípiu Lautem, Domingu (31/07/2022).

“Maun-boot Xanana hato’o hela nia mensajen katak, ita tenke hametin estabilidade, hakmatek, dame, hadomi malu, hadomi ita iha pás, hadomi ema hothotu, hadomi povu, sé-sé de’it. CNRT mak partidu ne’ebé avó Nana hanorin katak, bele servisu ho ema hothotu, bele servisu ho sé de’it, mais maka ne’e, ita-boot sira tau interese nasionál iha leten, ami prontu servisu ho ita-boot sira,” Francisco Kalbuadi Lay  haktuir.

Advertisement

Francisco Kalbuadi Lay, reafirma katak, atu hadi’a rai ida ne’e, Timor-Leste presiza lider ida ne’ebé mak forte hanesan lider nasionál Kay Rala Xanana Gusmão ho José Ramos-Horta, atuál Prezidente Repúblika.

Iha biban ida ne’e, Francisco Kalbuadi Lay, lori prezidente partidu CNRT, Kay Rala Xanana Gusmão, inklui kuadru no militante sira tomak, agradese bá partidu aliadu sira hanesan Partidu Demokrátiku (PD), FRENTE-MUDANÇA, Partidu Sosialista  Timor (PST), União Democratica de Timorense (UDT), nune’e mós ba lider movimentu sira hotu ne’ebé mak apoia ona bá susesu lori Ramos-Horta sai Prezidente Repúblika 2022-2027.

Iha rezultadu eleisaun primeiru volta, kandidatu PR José Ramos-Horta, hetan totál votu hamutuk rihun 8. Maibé, iha eleisaun bá segunda volta, populasaun iha Munisípiu Lautem, deside aumenta sira nia votu ho totál h rihun 17.

 Veteranu Alin-Laek ‘Hakarak’ Xanana ho Horta Ukun

Liuhusi  intervensaun hosi veteranu Custódio Belo “Alin-Laek”,  hateten  nia ‘hakarak’ lori fila-fali lider nasionál na’in-rua, eis komandante ein-Xefe Frente Armadas da Libertação Nacional (FALINTIL), Kay Xanana Gusmão ho funu-na’in no antigu diplomata José Ramos-Horta,  fila bá kaer ukun, hodi serbí povu no nasaun Timor-Leste.

Advertisement

Veteranu Alin-Laek afirma, nia ema ida ne’ebé ‘simples’ bá-loos, mai-loos, no sei la tuir ema sé de’it. To’o oras bala-musan (kartus) sei belit iha nia isin-lolon ne’e, tanba nia mai kedan ho prinsípiu rasik.

Alin-Laek fó nia razaun hodi apoia kandidatura José Ramos-Horta bá PR, iha eleisaun prezidensiál primeira to’o segunda volta ne’e, tanba hahú kedan situasaun impase polítika iha 2017 mai to’o 2022, internasionalmente TL ninia kredibilidade monu.      

“Ita povu Timor hotu nia votu foti fila fali kredibilidade Timor-Leste nian iha mundudu internasionál,” Alin-Laek, hateten.

Veteranu tinan 24 ne’e haktuir, durante sei iha rai-laran, Xanana tun-sa’e foho, hosi loro-monu to’o loro-sa’e, hodi halibur funu-na’in FALINTIL sira atu bele hamutuk hodi kontinua obra ne’ebé komandante saudozu Nicolau dos Reis Lobato nian, ho razaun katak, nia mate la’ós defende nia aan maibé tanba TL.

Liuhosi Xanana maka organiza fila-fali FALINTIL sira hosi fatin keta-ketak, tanba balu manda nia aan rasik, laiha ligasaun ba malu, balu ba duni karau iha vila, lori mai hatama iha luhan laran, oho, depois han.

Advertisement

Durante funu, Xanana iha rai-laran, Ramos-Horta iha rai-li’ur, hodi mobiliza mundu ninia ema sira rona no hateke mai Timor-Leste to’o iha Konsulta Populár 1999, timoroan sira hotu ne’ebé apoia independénsia, tuu bá iha bandeira CNRT nian, ikus mai atinje duni vitória bá ukun rasik-aan.

Konsulta Populár 30 Agostu 1999 ne’e akontese tanba, rezultadu hosi tun-sa’e foho durante tinan-tolu nia laran, hodi fó garantia bá populasaun hotu-hotu katak, mate ka moris ukun-rasik aan.

Bainhira iha uma-kain ida nia laran, oan-mane ho oan-feto, labele hadau malu ho funsaun aman nian. Hosi komparasaun ida ne’e, hakarak la lakohi, aman mak sai lia-na’in. Maibé, sé oan-feto no oan-mane hakarak hadau malu ho kolxaun aman ninian iha uma-lisan ida, maka sei la fó dalan ona ba ninia oan sira, no sei hasoru dezafiu.

“Ne’ebé ita timor ne’e rai lulik, sira ne’ebé mak mate maka fila ba rai, fó ba ita moris iha rai leten, servisu iha leten, goza iha leten. Sira ne’ebé mate ne’e, sira nia rán no isin, tama bá iha rai ida ne’e nia laran, kahur ho bee, ai-han loroloron fó han ba ita povu. Ne’ebé ita sira ne’e kontinua sira nia obra,” veteranu Alin-Laek, hateten.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Lautem

Sentru Saúde Iliomar Presiza Tebes Rekursu Umanu

Published

on

Hatutan.com (5 Dezembru 2023), Lautém—Sentru Saúde iha Postu Administrativu Iliomar, Munisípiu Lautém presiza tebes rekursu umanu hodi bele funsiona ho di’ak.

(more…)

Kontinua Le'e

Lautem

Programa Integradu Saúde To’o Ona Lautém

Published

on

Hatutan.com, (04 Dezembru 2023), Lautem—Programa Integradu Saúde hosi Ministériu Saúde (MS) ne’eb’e ho nia konteúdu atu halo akvokasia no lori informasaun kle’an bá komunidade iha baze hodi prevene moras da’et, la hada’et, tuberkoluze, dengue no mos moras sira seluk, to’o ona munisípiu Lautém.

(more…)

Kontinua Le'e

Lautem

Rede Telekomunikasaun ho Bee-Moos Sai Beibeik Preokupasaun Turista Sira bá Illa Jaco

Published

on

Hatutan.com (06 Outubru 2023), Lospalos-Turista sira; lokál no estranjeiru, preokupa tebes kona-bá rede telekomunikasaun ho asesu bee-moos ne’ebé difisil tebetebes iha fatin turizmu Illa Jaco, Postu Administrativu Tutuala, Munisípiu Lautem.

(more…)

Kontinua Le'e

Trending