Hatutan.com, (02 Dezembru 2022), Díli– Tribunál Kontas deskobre  iha nia auditoria  katak, hosi  tinan 2014 to’o 2018, Timor-Leste gasta ona millaun $24,5 bá konstrusaun ró Haksolok.

Lee Mós : Arsénio Bano Husu-tán Millaun $1,3 Hosi OJE 2023 Hodi Finaliza Konstrusaun Ró Haksolok

Prezidente Autoridade RAEOA Mari Alkatiri, tempu ne’ebá akompaña hosi Bispu Eméritu Dom Carlos Filipe Ximenes Belo, SDB ho Madre Guilhermina Marçal FdCC, hala’o lansamentu ba ró Haksolok iha Portugál, Sesta (26/05/2017). Foto/Dok. ISQ.

Sita hosi  Ajensia notisioza Portugés  Lusa  haktuir relatoriu Tribunál Kontas bá Rejiaun Administrativu Espesiál Oé-Coisse Ambeno (RAEOA) ho total pajina 50 realiza bazeia bá autoria entre tinan 2016 to’o 2018, ne’ebe sita ho detallu polemiku ró Haksolok ne’ebé to’o agora seidauk finaliza.

“Iha projektu ida-ne’e, assina ona pelu menus kontratu 23, markadu no akordu, hodi halo ona pagamentu ho valor millaun $24,5 porsentu 94,1 hosi RAEOA durante tinan lima nia laran,” sita relatoriu ne’ebe haktuir hosi Ajensia Lusa.

Advertisement

Valor ne’e, selu ona millaun $21,38 bá Atlantic Eagle, hodi kanaliza millaun $18,29 ba konstrusaun ró Haksolok no millaun $3,1 bá pontaun no passadisu ba embarkasaun.

Iha fatura ne’e inklui mós pagamentu kuaze millaun $1,1 bá Institutu Soldadura no Kualidade (ISQ), millaun $1,44 bá Estaleiros Navais de Viana do Castelo no rihun $154 bá Luis Pite, identifikadu hanesan reprezentante kompaña.

Notísia hosi Ajensia Lusa sita ne’e mós katak  iha relatoriu ne’e la haruka dokumentu ligadu ho despeza ne’ebé suporta hosi RAEOA bá prosesu ne’ebé relasiona ho ró Haksolok entre tinan 2019 – 2021.

Lee Mós : Alkatiri Konsidera Investigasaun Bá Ró Haksolok Aktu Persegisaun

Ró Haksolok hanesan projektu ne’ebe polemiku liu iha tinan ikus ne’e, hodi hamosu debate no kritika forte bá Mari Alkatiri ne’ebé hanesan primeiru prezidente RAEOA.

Advertisement

Kamara Kontas aponta falla desijaun iha fulan-Agostu tinan 2014, hodi ajudika direta konstrusuan bá Atlantic Eagle, tanba razaun sira deskoñese no prosesu ida-ne’e karakteriza hanesan falta transparánsia no la iha ema ida mak assume responsailidade.

Kontratu bá konstrusaun RoóHaksolok ho Atlantic Eagle assina iha fulan-Setembru tinan 2014 no komesa iha tinan 2015, maibe paradu tinan barak nia laran, hafoin empreza sofre bankorota.

Hafoin ne’e, Atlantic Eagle Shipbuilding aseita planu espesiál rekuperasaun no iha tinan 2021 Timor-Leste anunsia investimentu ho valor millaun $11,8 bá Estaleiru Naval hosi Mondeigu – EMN iha Figuiera da Foz no dadaun ne’e sosiu maioritariu hosi Atlantic Eagle Shipbuilding mak sosidade ne’ebe kria hosi RAEOA.

Lee Mós : Alkatiri Promete Tán 2023 Ró Haksolok To’o Timor

Fontes             : Lusa/Pájina Facebook Talin  

Advertisement