Connect with us
Pakote Ahi

Baucau

Governu Lansa Projetu Reabilitasaun Estrada Quelicai-Ossú ho Kustu $16.547,661,76

Published

on

Hatutan.com, (09 Dezembru 2022), Baucau-Primeiru-Ministru (PM), Taur Matan Ruak, akompaña hosi membru Governu balun, membru Parlamentu Nasionál balun, Prezidente Autoridade Munisípiu Baucau,  Olívio “Bou Lesa” Freitas, ho autoridade komunitáriu sira, Sesta (09/12/2022), iha Postu Administrativu Quilicai, Munisípiu Baucau, ofisiálmente lansa projetu reabilitasaun estrada hosi Aldeia Uaiaca, Suku Abafala, Postu Administrativu Quelicai bá Suku Nahareka, Postu Administrativu Ossu, Munisípiu Viqueque.

Lee Mós : PM Taur Husu IGE.IP Tenke Kee Estrada Ba Populasaun Iha Área Rurál

Primeiru-Ministru (PM), Taur Matan Ruak, Sesta (09/12/2022), ofisiálmente lansa projetu reabilitasaun estrada hosi Aldeia Uaiaca, Suku Abafala, Postu Administrativu Quelicai-Baucau bá Suku Nahareka, Postu Administrativu Ossu, Munisípiu Viqueque. Foto/Rogério Pereira Cárceres

Obra boot ho kustu orsamentu  $16.547,661,76 ne’e ezekuta hosi empreza internasionál Chonqing International Construction Corporation (CICO). Projetu reabilitasaun estrada ne’e ho ninia distánsia kilómetru  22,7 ne’ebé mak kompostu hosi asphalt metru 4, alargamentu metru  ida (1), no ninia ombru metru rua (2).

Hahú hosi 2020, halo ona preparasaun bá iha estudu ne’ebé mak hanaran Detail Engineering Design. Manán na’in ne’ebé mak halo estudu, hosi konsultór Níceles, liuhosi konkursu públiku, no hetan kontratu ho kustu orsamentu $499,65.

Advertisement

Iha fulan-setembru 2021 hetan verifikasaun hosi Ajénsia Dezenvolvimentu Nasionál (ADN), hetan aprovasaun hosi Concelho Administração do Fundo da Infra-estrutura (CAFI).

Hafoin aprovasaun hosi Konsellu Ministrus, kontinua kedan lori bá iha Komisaun Nasionál bá Aprovizionamentu (CAN) hodi halo konkursu públiku no konkursu ne’e remata iha fulan-Setembru 2022.

Kustu projetu reabilitasaun ho montante  $16.547,661,76 ne’e .hetan vistu hosi Tribunál  Kontas.

Obra ida-ne’e, sei hetan supervizaun hosi konsultór internasionál, ne’ebé mak liuhosi prosesu konkursu hosi Malázia, Konsep Perondi, no ninia kustu supervizaun $452,122.

Projetu reabilitasaun estrada ne’e oinsá mak atu mellora asesu rodoviáriu, no seguransa rodoviáriu iha korredór Uaiaca-Quelicai, kobre hosi munisipiu, postu administrativu, to’o iha aldeia no mós bele atria turista sira bele hakat liubá foho Matebian.

Advertisement

Tuir kontratu ne’ebé Governu selebra ho kompañia kontraktor katak, durasaun tempu bá projetu reabilitasaun estrada ne’e, sei lori tempu durante fulan-18, katak tinan ida, fulan-neen (6), tenke finaliza.

Primeiru-Ministru (PM), Taur Matan Ruak, husu bá komunidade sira atu koopera ho kompañia kontraktor, hodi nune’e, bele konklui tuir tempu ne’ebé determinadu, no kontribui bá prosesu dezenvolvimentu nasionál Timor-Leste nian.

Taur Matan Ruak kontente tebes, tanba bele hamutuk ho komunidade sira hodi halo lansamentu bá kontinuasaun estrada Uaiaca bá Nahareka. Ne’ebé,  Taur  rasik konsidera, lansamentu bá projetu reabilitasaun ne’e hanesan pasu ida importante bá populasaun Quelicai.

“Mais importante liu, ha’u hakarak ita boot sira hotu kontribui. Ai-horis oan ruma, fatuk kona to’os, kona bee-dalan ruma, favór ida, kontribui,” Primeiru Ministru (PM), Taur Matan Ruak, hateten durante diskursu serimónia lansamentu projetu reabilitasaun estrada ne’e.

Taur dehan, iha Timor, eziste totál suku 452. Estrada ida-ne’e, kona de’it suku hira. Signifika iha fatin seluk, populasaun sei hamriik hein, bainhira mak to’o bá sira. Ezemplu, estrada iha Ermera bá Hatubuilico, to’o agora seidauk hadi’a.

Advertisement

Taur Matan Ruak haktuir, bainhira nia seidauk sai primeiru-ministru, nia ko’alia ona kona-bá estrada ne’e, maibé, to’o agora la halo, tanba komunidade balu mosu bá, dehan nia kafé iha ne’ebá, iha toos.

Ho lansamentu bá projetu rehabilitasaun estrada diresaun ne’e, Taur  hatene no fiar katak, komunidade sira mós hein kleur ona, hein baruk ona, entaun, sei ajuda. Buat ruma, labele haluha, ko’alia administradór postu administrativu, no mós ho prezidente autoridade Munisípiu Baucau hodi buka solusaun.

PM Taur husu dala-ida tán bá komunidade sira hothotu feto-mate, inan-aman sira, atu unidade hodi ajuda hotu.

Xefe Governu Taur Matan Ruak, dehan, iha Timor, iha postu administrativu rua de’it mak riku liu. Ida mak Suku Atara, lokaliza iha Postu Administrativu Atsábe, Munisipiu Ermera. Sira iha karerta kuaje rihun ida. Ida seluk maka, Maluro, Quelicai, Baucau, eziste mós karreta ne’ebé barak tebes. Maibé, kondisaun estrada iha fatin rua ne’e, to’o agora seidauk di’ak.

“Imi nian, uluk, ha’u prezidente, haruka dudu tiha de’it, mais seidauk di’ak. Imi nian, espera katak, di’ak uluk. Entaun, pergunta mak ida-ne’e, sé estrada la di’ak, imi bele dezenvolve imi nia moris, imi hanoin took, kuandu estrada di’ak. Ne’e halai maka’as liután. Tanba ne’e, parabéns bá ita boot sira,” Taur hateten.

Advertisement

PM Taur fiar katak, kompañia Chonqing International Construction Corporation (CICO), hosi Xina sei konklui estrada ne’e tuir tempu ne’ebé mak iha, tanba kompañia internasionál ida-ne’e rasik, molok ne’e halo ona, estrada hosi kapitál Dili bá Ainaro, halo mós eskola Politéknika Betano, agora nia mai halo tán ida-ne’e.

Jornalista: Rogério Pereira Cárceres

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Baucau

Komunidade Uma-Kain 60 iha Uma-Ana-Iku Triste ho Atitude Autoridade BTL,E.P Baucau Tesi-Kotu Kanu Distribuisaun Bee-Moos bá Sira

Published

on

Hatutan.com, (23 Janeiru 2024), Baucau-Komunidade uma-kain 60 ne’ebé horik iha área Uma-Ana-Iku, Suku Bahu, Postu Administrativu Baucau Vila, Munisípiu Baucau, lamenta no triste ho atitude Diretora Bee Timor-Leste, Empreza Publika (BTL,E.P) Munisípiu Baucau, ne’ebé ho ‘arrogánsia’ tesi-kotu kanu distribuisaun bee-moos bá sira-nia horik fatin, Segunda (22/01/2024).

(more…)

Kontinua Le'e

Baucau

MS Kontinua Implementa Servisu Integradu Saúde Iha Baucau

Published

on

Hatutan.com (24 Novembru 2023), Baucau—Ministeriu Saúde (MS) liu hosi programa servisu integradu saúde kontinua koordena ho liña sektorais iha sentru saúde sia (9)  iha munisipu Baucau.

(more…)

Kontinua Le'e

Baucau

Sentru Saúde Quelicai Enfrenta Problema Barak-liu

Published

on

Hatutan.com (24 Novembru 2023), Baucau— Sentru Saúde iha Postu Admistrativu Quelicai, munisípiu Baucau enfrenta problema barak liu.

(more…)

Kontinua Le'e

Trending