Hatutan.com, (15 Dezembru 2022), Díli—Laboratóriu Nasionál Saúde (LNS), aumenta konstantamente kapasidade bá teste mikrobiolojia diagnóstika, diagnóstiku klíniku no mós vijilánsia bá moras infesaun oin-oin.

Laboratóriu Nasionál Saúde (LNS), aumenta konstantamente kapasidade bá teste mikrobiolojia diagnóstika, diagnóstiku klíniku no mós vijilánsia bá moras infesaun oin-oin. Ministra Saúde, Odete Maria Freitas Belo rasik mak halo duni inagurasaun bá Genomics Sequencing Laboratory iha Laboratóriu Nasionál Saúde, Bidau, Díli, iha Kinta (15/12/2022). Foto/MS.

Ministra Saúde, Odete Maria Freitas Belo rasik mak halo duni inagurasaun bá Genomics Sequencing Laboratory iha Laboratóriu Nasionál Saúde, Bidau, Díli, iha Kinta (15/12/2022).

Lee Mós: Ermera iha Ona Mini Laboratóriu no Sala Emerjénsia

“Ha’u fó parabéns ba Diretora Ezekutiva Laboratóriu Nasionál Saúde ne’ebé hamutuk ho Diresaun Nasionál Aprovizionamentu Ministériu Saúde konsegue kompleta prosesu aprovizionamentu ka akizasaun ba ekipamentu no reajente sira,” Hatutan.com sita deklarasaun Ministra Saúde iha komunikadu.

Advertisement

Tuir Ministra ne’e katak, progresu signifikativu ba área tolu ne’e durante tinan lima nia laran. LNS simu suporta hosi Organizasaun Mundiál Saúde, Fundu Globál, Koperasaun Internasional Ajénsia sira hanesan Koreia (KOICA), USAID no Menzies School of Health Research, hamutuk ho parseira sira seluk.

Iha tinan rua ikus liubá, LNS hetan apoiu hosi Menzies School no foka ba hasa’e kapasidade diagnóstiku no vijilánsia ba rezisténsia antimikróbiu, além de fornese suporta hodi melhora teste mikrobiologia molekular.

Diagnostiku ba virus hanesan ida ne’ebé kauza COVID-19, depende ba teste mikrobiolojia molekular, uza téknika ne’ebé hanaran Polymerase Chain Reaction (PCR).

Teste PCR maka teste ne’ebé akuradu (Lolos) ba COVID-19, tanba nia deteta RNA, ida ne’ebé hanesan materiál jenétiku ba virus ne’e rasik no teste determinante ba tipu variante, hanesan sekuensia jenómica.

LNS iha nia unidade mikrobiologia molecular hahú halo teste ba COVID-19 iha Marsu 2020. Durante ne’e LNS kolabora hamutuk ho Peter Doherty Institute hodi halo teste Sekuensia Jenómica.

Advertisement

OMS fornese Kits teste nian ba LNS hodi uza ba teste PCR ba COVID-19, no Menzies suporta liu hosi DFAT hala’o reparasaun gabinete esensiál ba bioseguransa no fornese treinamentu ba pesoál LNS sira atu ekipadu di’ak liu tán hodi hala’o teste.

Ohin loron ofisialmente, LNS liu hosi inagurasaun ida ne’e sei hahú hala’o teste  sequencia jeonómica ba Covid-19 hodi deteta tipu variante ne’ebé sirkula iha rai laran. Kapasidade atuál bele halo teste 24 to’o másimu 96 sampel.

Planu implementasaun jenomika sekuensiasaun aprovadu liu hosi MoU ne’ebé estabelese entre LNS ho Peter Doherty Institute – University of Melbourne no bazeia ba Akordu Tékniko entre Ministériu Saude no Peter Doherty Institute.

Jornalista: Elio dos Santos da Costa

Advertisement