Oe-Cusse
ChildFund ho Ministériu Justisa no UNICEF Ensera Projetu Rejistu Móvel Iha RAEOA
Hatutan.com, (21 Dezembru 2022), Díli—ChildFund hamutuk ho Ministériu Justiça no UNICEF hala’o enseramentu ba projetu Rejistu Móvel iha Rejiaun Administrativa Espesiál Oecusse Ambeno (RAEOA).
Populasaun iha RAEOA simu sertidaun moris, 19 Dezembru 2022. Foto/ChildFund Timor-Leste.
Projetu Rejistu Móvel ne’e hala’o ona desde setembru 2020 to’o Dezembru 2022 iha Munisípiu Lautém, Manatuto, Ermera, Manufahi, Covalima, Bobonaro no RAEOA ho totál suku 114 no aldeia 490.
Projetu ida ne’e ho objetivu atu garante identidade ba rejistrasaun no sertidaun moris labarik sira iha área rurál ho otas 0 – 5 anos no ema defisiente sira ne’ebé susar atu asesu ba sentru rejistu sivíl munisipál.
“Ha’u haksolok haree timoroan barak iha oportunidade hodi hetan sertidaun moris tanba labarik hotu, inklui ema defisiente sira, iha direitu atu hetan sira nia identidade,” Hatutan.com sita deklarasaun Delegadu Adjuntu iha UNICEF, Ainhoa Jaureguibeitia iha komunikadu.
Programa rejistu móvel ne’e nia mekanizmu atu rejista no sertifika direita benefisiáriu sira iha fatin atendimentu rejistu nian iha nível postu administrativu.
Durante ne’e, ekipa Rejistu Móvel rejista ona labarik no ema defisiente hamutuk 33.282 iha munisípiu 6 la inklui RAEOA.
Delegadu Adjuntu iha UNICEF, Ainhoa Jaureguibeitia entrega sertidaun moris ba populasaun iha RAEOA, 19 Dezembru 2022. Foto/ ChildFund Timor-Leste.
ChildFund Timor-Leste no Ministériu Justisa mós sai hanesan implementadór ba projetu ida-ne’e haksolok tanba iha koordenasaun no parseria di’ak hamutuk ho Ministériu Administrasaun Estatál liu hosi Diresaun Nasionál Apoiu Administrativu Suku (DNAAS).
“Ami kontente tanba projetu ida-ne’e la’o ho di’ak konta ho apoiu másimu hosi ChildFund no UNICEF. Espera projetu ida-ne’e bele kontinua fó apoiu ba munisípiu sira ne’ebé seidauk hetan oportunidade ida ne’e,” Diretór Nasionál Registu no Notariadu, João Martins Borges hateten.
Koordernadór ba Rejistu Móvel iha ChildFund, António da Silva hateten, rejistu moris ne’e atu tulun benfisiáriu sira hetan sertidaun moris nu’udár dokumentu primeiru hodi garante sira nia identidade no nasionalidade no bele asesu ba servisu sosiál sira seluk hanesan edukasaun, saúde, subsídiu familiár no seluk tán.
UNICEF ho ChildFund mós halo ona asesmentu ba eskritóriu rejistu sivíl iha munisípiu 13 no bazeia ba rezultadu asesmentu ne’e, sosa ona ekipamentu elektróniku no mobília sira ba kada eskritóriu.
Ohin loron, sasan hirak ne’e entrega ona iha eskritóriu Rejistu Oecusse no munisípiu sira seluk sei hetan ekipamentu hirak ne’e iha tempu badak nia laran.
Projetu ida-ne’e hetan fundus hosi governu Japaun ne’ebé distribui liu hosi UNICEF ho montante $150.000 no projetu ne’e implementa hosi ChildFund no Ministériu Justisa.
Jornalista: Rogério Pereira Cárceres
Arguidu sira Ba Kazu Jogu Online Na’in-11 Tenta Halai Husi Teritóriu Timor-Leste
Kazu Droga Sabu-Sabu, Tribunál Aplika Prizaun Preventiva Bá Arguidu CF
Autoridade Indonézia ho Konsuladu Timor-Leste iha Bali Repatria Estudante Timoroan Nicodemos da Costa
Politizasaun, Profisionalizmu no Meritokrasia: Reforma Timor-Leste nia Instituisaun Seguransa hodi Promove Paz, Estabilidade no Dezenvolvimentu
Opozisaun Alega SEKOMS Simu Subornu iha Projetu Tolu, Expedito Ximenes: Ne’e La Loos no Bosok
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoRekrutamentu Foun Ba Kadetas PNTL Posibilidade iha Fulan-Maiu
-
Nasionál1 week agoPM Xanana La Husu SEKOMS Expedito Tenke Akompaña Nia Viajen sira iha Rai-Laran no Rai-Li’ur
-
Nasionál6 days agoSEKOMS Expedito La Akompaña Ona PM Xanana Ba Singapura, Iha Malázia Deskonfia Xanana “Duni” Expedito
-
Nasionál1 week agoAJTL Preokupa no Kondena Aktu Sensura Ba Notísia RTTL “PM Xanana La Husu SEKOMS Akompañia Nia Viajen Sira iha Rai-Laran no Rai-Li’ur”
-
Dili1 week agoPrezidente Repúblika Hakfodak no Triste ho Novidade Ministru José Honório Jerónimo Nia Mate
-
Defeza & Seguransa3 days agoPNTL Detein Suspitu Na’in-Lima Ba Kazu Droga
-
Justisa & Krime1 week agoPGR Avoka Inkéritu Kazu Korrupsaun iha CAC, Prosesu Investigasaun Ba Jerente TIMOR GAP,E.P La Kontínua
-
Nasionál1 week agoSEFOPE Propoin Hasa’e Saláriu Minimu husi $115 Ba $160x