Connect with us
Pakote Ahi

Oe-Cusse

CAC Deskobre Populasaun Seidauk Goza Orsamentu Boot Ne’ebé Aloka ba RAEOA

Published

on

Hatutan.com, (05 Jullu 2022), Díli—Komisáriu Comissão Anti-Corrupção (CAC) Sérgio Hornai akompaña hosi Komisáru Adjuntu ba Asuntu Prevensaun no Sensibilizasaun Luis de Oliveira Sampaio ho estrutura Espesialista Anti-Korrupsaun (EAK) Unidade DRBI nian, iha loron daruak vizita ofisiál iha Rejiaun Administrativa Espesiál Oecusse Ambeno (RAEOA), Tersa-feira (05/07/2022) ba vizita mós Sub Rejiaun Pasabe.

Senior Management CAC ho delegasaun hala’o sorumutu ho Koordenadór Sub Rejiaun Passabe, Antão Ulan ho reprezentante liñas ministeriais ne’ebé haknar an iha sub Rejiaun Pasabe no Oesilo. Foto/CAC.

Iha vizita ne’e, Komisáriu CAC ho delegasaun akompaña hosi Sekretáriu Rejionál ba Asuntu Administrasaun, Martinho Abani Elu durante loron tomak, hala’o sorumutu ho estrutura Sub Rejiaun Pasabe no Oesilo ne’ebé iha ninian fronteira rai maran ho Repúblika Indonézia.

Lee Mós:Kazu Abuzu Podér iha RAEOA Iha Faze Relatóriu Finál

Iha parte dadersan delegasaun hala’o sorumutu ho Koordenadór Sub Rejiaun Passabe Antão Ulan ho reprezentante liñas ministeriais ne’ebé haknar an iha sub Rejiaun Pasabe no Oesilo.

Advertisement

Iha enkontru ne’e revela mai iha CAC kondisaun reál iha terrenu ne’ebé hatudu orsamentu ne’ebé boot governu sentrál aloka mai iha RAEOA durante tinan ualu (8) nian laran halo nabilan de’it Suku haat iha Sub Rejiaun Pante Makassar no Sub Rejiaun tolu (3) seluk dezenvolvimentu fiziku sei hakdasak. 

Prezensa Komisáriu no Komisariu Adjuntu CAC nian iha Passabe ho objetivu atu lori instituisaun CAC besik liu ba komunidade RAEOA liu-liu atu hakbesik an ba autoridade iha nível baze nian nune’e bele hatene lala’ok servisu instituisaun CAC nian di’ak liu tán.

Ho prezensa ofisiál Seniór Management CAC Dahuluk liu nian iha Pasabe bele loke servidór povu iha nível sub Rejiaun nian no lider komunitáriu sira iha baze ninia horizonte.

Oportunidade mós hodi fanun servidór Estadu sira atu servi povu ho onestu no didi’ak ba povu RAEOA nian prosperiedade iha luta kolektiva ba prevene no kombate korrupsaun.

Delegasaun CAC mai iha RAEOA alem de hakbesik an ba autoridade RAEOA ho estrutura tomak, lori CAC ba iha baze atu nune’e bele loke hanoin servidór Estadu nian kona-bá responsabilidade, transparánsia, akuntabilidade, integridade ho vizaun klaru iha boa-governasaun.

Advertisement

Prezensa CAC nian PA Passabe laos hanesan “sandiwara” maibe atu haree ho matan rasik ho dadus primer iha Senior Management Terseira Mandatu Komisáriu CAC nian liman kona-bá kondisaun reál povu Pasabe nian.

“CAC nia interse mai iha RAEOA elem de atu ko’alia ba malu hosi fuan ba fuan ho servidór povu, Hakarak atu hare’e ho matan rasik kondisaun reál povu nian iha goza orsamentu boot aloka mai iha RAEOA, iha tinan 8 nian laran. Ha’u hare’e ho matan mudansa fíziku infra-estrutura konsentra de’it iha Pante Makassar maibé Estrada mai iha Pasabe aat tebes. Tanba sa la iha mudansa estrada enkuantu orsamentu mai iha RAEOA boot tebes kompara ho munisipius seluk. Ahi mós ohin ha’u hare’e sei piska-piska iha Pasabe,” Hatutan.com sita komunikadu CAC nian ne’ebe hakerek kona-ba preokupasaun Komisáriu Sérgio Hornai durante sorumutu.

RAEOA ne’ebé hetan tratamentu espesiál hosi governu sentrál hahú hosi tinan 2015 to’o tinan 2022, progresu infra-estrutura fiziku iha de’it progresu iha kapitál RAEOA Pante Makassar maibé ho OJE montante boot kada tinan, RAEOA goza seidauk ba to’o iha Sub Rejiaun Oesilo, Pasabe no Nitibe.

Komisáriu Sérgio afirma ba líder prinsipál Sub Rejiaun Pasabe durante sorumutu ne’e katak, Senior Management CAC ho estrutura Espesialista Anti-Korrupsaun (EAK) iha RAEOA mai to’o nivel sub Rejiaun atu haree ho matan rasik hodi hetan verdade no faktus ne’ebé RAEOA goza nu’udár Rejiaun espesiál.

Nu’udár Rejiaun espesiál tuir Konstituisaun RDTL ne’ebé governu sentrál aloka $80 miliaun annualmente maibé sei iha realidade ne’ebé ekipa CAC hetan sei iha injustisa kompara ho munisipiu 12 seluk.

Advertisement

Orsamentu boot governu sentral aloka mai iha RAEOA hahú iha tinan 2015 maibé povu Oecusse foin goza eletrisidade maibé ba estrada no dezenvolvimentu ekonomia povu nian barak mak sei moris mizéria laran tanba estrada seidauk di’ak atu fasilita populasaun Pasabe bele faan sira ninian produtu agrikola ba iha kapital RAEOA ne’ebé hetan dezenvolvimentu fiziku signifikativu.

“Ohin ha’u mai iha Oecusse no la’o to’o mai iha Sub Rejiaun Pasabe hodi hemu kafé hamutuk ho autoridade sira maibé bainhira jere povu nian osan ha’u ta’u aas liu ha’u ninian sentimentu nasionalizmu hodi defende buat ne’ebé ba povu nian prosperiedade iha jestaun orsamentu povu nian. Se Senhor Administradór Pasabe mak komete irregularidades iha jestaun orsamentu povu nian! CAC sei firmi kriminaliza senhor maske ohin loron ita hemu kafé hamutuk,” Komisáriu hateten.

Iha fatin hanesan Komisáriu Adjuntu Luis de Oliveira Sampaio hateten orsamentu boot ne’ebé governu sentrál aloka mai iha RAEOA boot tebes, maibé populasaun Oecusse seidauk goza orsamentu boot ne’ebé aloka mai iha RAEOA kompara ho munisipiu seluk.

Faktus ne’ebé delegasaun hetan iha terrenu liu-liu kondisaun estrada hosi Pasabe ba Pante Makassar aat tebes la iha mudansa hafoin tinan 22 Timor-Leste ukun rasik-an.

“Ida ne’e la refleta realidade orsamentu boot tebes ne’ebé governu aloka mai iha RAEOA iha tinan ualu (8) nian laran,” Komisáriu Adjuntu Luis Sampaio, afirma.

Advertisement

Jornalista: Carmelita Isaac

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Oe-Cusse

Ponte Bitopa “Lori Dezastre” bá Komunidade Hau-ana

Published

on

Hatutan.com, (12 Marsu 2024), Díli—Ponte Bitopa ne’ebé konstrui hosi autoridade Rejiaun Administrativa Espesiál Oecusse Ambeno (RAEAO) iha tinan 2023, lori dezastre bá komunidade bairru Hau-ana, aldeia Buqui, suku Usitasa’e, sub rejiaun Oesilo iha tempu udan.

(more…)

Kontinua Le'e

Oe-Cusse

Estaka Foun La’ós Markasaun Finál, Xanana-Roberto Husu Populasaun Naktuka Kontinua Halo To’os no Lalika Konsumu Hoax

Published

on

Hatutan.com, (01 Fevereiru 2024), RAEOAKoordenador ekipa téknika Negosiasaun Fronteira Terrestre, Roberto Soares esplika kona-bá estaka foun ne’ebé sai preokupasaun bá komunidade Naktuka, aldeia Manan, suku Bene-Ufe, sub rejiaun Nitibe, Rejiaun Administrativa Espesiál Oecusse Ambeno (RAEOA),  la’ós markasaun finál bá baliza entre rai rua nian maibé hanesan pontu koordenasaun atu lori parte rua bele to’o iha konkluzaun ikus.

(more…)

Kontinua Le'e

Oe-Cusse

João Gonçalves Prioritiza Povu Atoni Sai Na’in bá Dezenvolvimentu ho Planu Integradu

Published

on

Hatutan.com, (31 Janeiru 2024), RAEOA—Koordenadór Zona Ekonomia Espesiál Sosiál no Merkadu (ZEESM), João Mendes Gonçalves sei halo planu integradu hodi fó prioridade bá povu Rejiaun Administrativa Espesiál Oecusse Ambeno (RAEOA) sai na’in bá dezenvolvimentu.

(more…)

Kontinua Le'e
Advertisement

Trending