Connect with us
Pakote Ahi

Dili

Prezidente Repúblika Festa Natal ho Povu

Published

on

Hatutan.com, (21 Dezembru 2022), Díli- Prezidente Repúblika (PR), José Ramos-Horta, Kuarta loro-kraik (21/12/2022),  organiza festa natal hamutuk ho populasaun, grupu sosiedade sivíl, asosiasaun no organizasaun ema ho defisiénsia sira atu bele haksolok hamutuk molok tama bá festa natal, 25 Dezembru 2022.

Lee Mós : Primeira iha Istória, Ramos-Horta Halibur Labarik Besik 300 iha Palásiu Prezidensiál

Maluk sira difisiénsia ho ksolok hamutuk ho Prezidente Repúblika, José Ramos-horta festa natal hamutuk iha Palásiu Prezidensiál, 21 Dezembru 2022. Foto/Elio dos Santos da Costa

Iha ámbitu selebrasaun natal hamutuk ne’ebé Prezidénsia Repúblika hanaran “Natal do Povu 2022” ne’e, populasaun, foin-sa’e, labarik no ema adolexente no foin-sa’e ho defisiénsia sira haksolok tamba Xefe Estadu oferese han kalan no iha mós animasaun banda múzika inklui oferese  prenda  natal nian bá família kbiit-laek sira ne’ebé marka prezensa iha selebrasaun natal hamutuk ne’e.

Xefe Kaza Sivíl Prezidénsia Repúblika, Bendito Freitas hateten, Prezidente Repúblika organiza natál hamutuk bá povu hotu-hotu órgaun estadu, órgaun judisiáriu, ferik-katuas, bá maluk sira defisiénsia, atu halibur hamutuk iha Palásiu Prezidensiál hodi festeja natál hamutuk.

Advertisement

Ida ne’e nu’udar kompromisu Xefe Estadu nian atu loke odamatan boot Palásiu Prezidensiál nian bá povu durante ezerse nia mandatu ka kna’ar  ne’ebé povu maioria hatuur sira-nia konfiansa liuhosi eleisaun prezidensiál liubá.

“Prezidente Repúblika halibur povu iha natál ida ne’e ho aktu simples hodi agradese bá Maromak bá buat di’ak hotu hodi hametin unidade no estabilidade nu’udar kna’ar ne’ebé sai duni mandatu Xefe Estadu nian. Natál lori dame no domin ba povu, nune’e atividade ida ne’e bele ajuda fó sentidu no valór bá natál istóriku ne’ebé selebra ona kada tinan ho mensajen oi-oin, liuhosi natál ita haksolok bá malu, liu husi hananu múzika hodi loke konsiénsia nu’udár sidadaun no ema fiar na’in no nu’udar ser umanu hodi valoriza sentidu natál bá ita-nia moris no bá ita-nia saseluk nia moris,” Bendito Freitas iha nia liafuan bem-vindo ba populasaun sira iha ámbitu selebrasaun festa natál hamutuk ne’e.

Xefe Kaza Sivíl ne’e mós agradese bá ema hotu nia kontribuisaun atu Xefe Estadu servi povu nu’udár objetivu Supremu iha mandatu Prezidente Repúblika nian atu garante unidade, koezaun sosiál, harmonia, pás, no fraternidade umana entre Timoroan hotu iha sosiedade Timor-Leste no ba mundu.

Iha fatin hanesan inan faluk Olinda Pereira Aleixo husi Aldeia Fatumeta, Suku Bairro Pité,  Postu Administrativu Dom Aleixo, Munisípiu Díli, haktuir nia la’ós foin bá dala uluk koñese Ramos-Horta, maibé desde uluk kedas iha primeira mandatu Xefe Estadu fó ona apoiu bá nia hodi hetan uma ida ne’ebé too oras ne’e nia sei utiliza hodi hela bá.

Nia afirma, natal hamutuk ne’e foin mak iha fali no kontente tamba nafatin hetan konvite hosi Xefe Estadu atu partisipa hodi haksolok hamutuk ho maluk sira seluk.

Advertisement

PR Ramos-Horta entrega prenda natal bá povu ne’ebé hola parte iha festa “natal do povu” 2022 iha Palásiu Prezidensiál, 21 Dezembru 2022. Foto/Elio dos Santos da Costa

Ami kontente mai tuir natal hamutuk ho Prezidente Repúblika José Ramos-Horta. Ha’u mai ho ha’u nia oan no bei-oan, ami kontente loos tinan ne’e bele selebra fali natál hamutuk iha Palásiu Prezidente Repúblika,” Olinda Pereira Aleixo hateten.

Komunidade suku Tibar, Julião da Silva ne’ebé ho kondisaun defisiénsia hateten foin bá dala uluk festeja natál hamutuk Prezidente Repúblika iha Palásiu Prezidensiál, tamba hanesan ema ne’ebé ho kondisaun defisiénsia dalaruma susar loos atu hetan oportunidade sira hanesan ne’e.

Nia haktuir mai hosi tibar hamutuk ho nia pai no asosiasaun Klibur Domin ne’ebé durante ne’e tau matan bá sira.

Domingas de Jesus, komunidade Aldeia Rai Nain, Suku Bairro Pité, hateten Prezidente Repúblika José Ramos-Horta uluk mós fó uma ba nia, nune’e nia kontente tamba tinan ne’e bele selebra natál hamutuk.

“Agradese tamba Prezidente Repúblika José Ramos-Horta nunka haluhan ami, sasan ruma sempre ajuda ami tamba ne’e kontente no agradese,” Domingas de Jesus hatete.

Advertisement

Leopoldino Correia Mesquita, hosi Aldeia Mame Mesak, Suku Manleuana, hateten Prezidente Repúblika José Ramos-Horta desde uluk kedas iha nia mandatu dahuluk sempre tau matan bá ema kiak, kbiit-laek, no oan kuak sira.

Nia afirma iha mandatu bá daruak nian, Prezidente Repúblika kontinua fó prioridade bá ema kiak sira liuliu kontinua loke odamatan boot Palásiu Prezidensiál bá povu hotu atu mai halibur no haksolok hamutuk.

“Ho natál ida ne’e, Prezidente Repúblika halo buat ne’ebé espesiál tebes mai ami povu, agradese bá Prezidente Repúblika nia laran luak ida-ne’e,” Leopoldino Correia Mesquita hateten.

Leopoldino mós husu atu selebrasaun natal hamutuk nune’e labele iha deit Palásiu Prezidensiál maibé husu atu Xefe Estadu lori mós selebrasaun sira nune’e bá to’o iha suku no aldeia sira atu povu hotu bele sente hanesan mós saida mak povu iha sidade sente.

PR Ramos-Horta natal ho povu iha Palásiu Prezidensiál, 21 Dezembru 2022. Foto/Elio dos Santos da Costa

Natalino Alexandre, komunidade Aldeia São José, Suku Comoro,  hateten sente kontente ho inisiativa Prezidente Repúblika hodi halibur ema hotu-hotu iha Palásiu Prezidensiál liuliu bá maluk sira ho defisiénsia hodi mai haksolok hamutuk iha ne’e.

Iha mensajen Natál, Prezidente Repúblika José Ramos-Horta hato’o agradesimentu bá povu doben ne’ebé  marka prezensa iha Palásiu prezidensiál  bá membru governu sira, bá korpu diplomátiku, reprezenta husi Núnsiu Apostóliku iha Timo- Leste no liuliu bá kosok oan sira, labarik no foin-sa’e sira inklui mós maluk sira ne’ebé ho nesesidade espesiál ka defisiénsia.

Advertisement

“Obrigadu ba imi hotu ne’ebé mai iha ne’e selebra natál hamutuk, klaru katak barak liu tan sei iha uma, suku, aldeia no iha Timor laran tomak ne’ebé la konsege festeja natál hamutuk ida nune’e,” Ramos-Horta tenik.

Mensajen importante ne’ebé Xefe Estadu husik hela mak mensajen domin, liuliu bá kiak sira, bá kosok oan sira no domin liuliu bá sira ne’ebé vulneravel tebes.

“Ha’u hakarak dehan ba imi natal mak momentu di’ak, momentu kmanek atu simu malu, hakuak malu maibé la’ós hakuak de’it iha 25 ka 31 Dezembru  2022 ka 1 Janeiru 2023 maibé hakuak bá tinan tomak atu rai ne’e kontinua moris iha dame nia laran tanba ho dame mak buat hotu-hotu bele la’o ba oin,” Prezidente Repúblika José Ramos-Horta hateten.

Xefe Estadu hatutan Governu bele halo nia servisu di’ak, setór privadu bele dezenvolve negósiu di’ak bainhira ema hotu hatene hakuak malu, hadomi malu, tanba ne’e mensajen natál mak hadomi malu permanente tinan tomak la’ós loron ida ka rua de’it.

Lee Mós : Ramos-Horta Hatán Kritika Hosi Deputadu Sira Kona-bá Muda Palásiu PR Bá Aviaun Laran

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Laiha Resibu, Fulan-Rua Ona Munisípiu Díli La Rekolla Reseita hosi Estasionamentu Sira

Published

on

Hatutan.com, (12 Abríl 2024), Díli—Autoridade Munisípiu Díli liuhosi Diresaun Servisu Obras Públiku, fulan-rua (2) ona, la rekolla reseita hosi pagamentu estasionamentu nian iha Dili laran tanba la iha resibu ka billete.

(more…)

Kontinua Le'e

Dili

Munisípiu Díli Prepara Rekursu Superviziona Regra Soe Fo’er iha Kada Aldeia To’o Bairru Sira

Published

on

Hatutan.com, (09 Abríl 2024), Díli—Autoridade Munisípiu Díli prepara daudaun rekursu hodi halo supervizaun no monitorizasaun bá regra soe fo’er hosi kedas aldeia to’o bairru sira iha Dili laran.

(more…)

Kontinua Le'e

Dili

Dom Virgílio Husu Devotu Jesus Divina Mizerikórdia Aplika Obra Mizerikórdia iha Moris Loron-Loron

Published

on

Hatutan.com, (07 Abríl 2024), Díli—Iha selebrasaun Domingu dahuluk bá Domingu Paskua nian Domingu Divina Mizerikórdia, Dom Virgílio Kardeál do Carmo da Silva, SDB  husu bá sarani sira liu-liu Devotu Jesus Divina Misericordia atu aplika obra misericordia iha moris loron-loron.

(more…)

Kontinua Le'e
Advertisement

Trending