Connect with us
Pakote Ahi

Dili

Ahi Han Uma 53 Iha Merkadu Taibesi, Vítima 356 Okupa Eis Kuartél Militár Portugés

Published

on

Hatutan.com (23 Dezembru 2022), Díli—Ahi han mutuk uma 53 iha Merkadu Taibesi no membru família 356 ne’ebé sai vítima, oras-ne’e muda bá hela provizóriu iha eis edifísiu Kuartél Jerál Militár Portugés, hodi hetan apoiu umanitária.

Ahi han mutuk uma 53 iha Merkadu Taibesi no membru família 356 ne’ebé sai vítima, oras-ne’e muda bá hela provizóriu iha eis edifísiu Kuartél Jerál Militár Portugés, hodi hetan apoiu umanitária. Kazu insidente inséndiu ne’e akontese iha Kinta (22/12/2022), maizumenus tuku 23:00 kalan otl.

Kazu insidente inséndiu ne’e akontese iha Kinta (22/12/2022), maizumenus tuku 23:00 kalan otl.

Lee Mós: Hafoin Inséndiu, MJ Orienta Dirijente Prizaun Becora Haketak Prezu Ho Moras Mentál

Koordenadór bá jestaun merkadu Taibesi, António Manuel de Araújo informa, bainhira akontese ekipa jestaun merkadu komunika direta bá ekipa Bombeirus atu halo atuasaun hodi hamate ahi, inklui kontakta mós bá autoridade Polísia Nasionál Timor-Leste (PNTL), Komandu Munisípiu Díli, hodi asegura lokál inséndiu, inklui salva vítima sira bá fatin seguru.

Advertisement

“Ita nia komunidade ne’ebé hela iha-ne’e hodi halo negósiu, horkalan ami muda kedan ba fatin seguru. Vítima sira iha xefe familia 53 ho totál ema 356,” António Manuel de Araújo hateten iha eis Kuartél militár Portugés, Taibesi, Sesta (23/12/2022).

To’o oras ne’e seidauk hatene motivu loloos hosi akontesimentu ne’e tanba presiza liuhosi prosesu investigasaun mak bele deskobre no investigasaun ida-ne’e, polísia mak iha kompeténsia.

Iha fatin hanesan, Octávio Malu Oliveira hateten inséndiu ne’e mosu primeiru hosi señora ida nia uma iha parte merkadu nian kraik liu bá área loron-monu, maibé odamatan iha ninia uma, taka metin hela.

Ahi han mutuk uma 53 iha Merkadu Taibesi no membru família 356 ne’ebé sai vítima, oras-ne’e muda bá hela provizóriu iha eis edifísiu Kuartél Jerál Militár Portugés, hodi hetan apoiu umanitária. Kazu insidente inséndiu ne’e akontese iha Kinta (22/12/2022), maizumenus tuku 23:00 kalan otl.

“Ahi ne’e mosu primeiru hosi kuartu laran, mana ne’e kala nono hela bee ka tein hela buat ruma, ami la hatene. Mosu derrepente de’it iha laran ami hakfodak,” Octávio hateten.

Nai konta tuir katak, ahi han uluk mak kulxaun boot liu odamatan nune’e família sira esforsu atu foti sai maibé la di’ak no uma mós rabat malu entaun salva labele.

Ekipa Bombeirus konsege to’o duni iha fatin inséndiu maibé tarde, depois dalan ida atu asesu tam aba ahin han nee mós susar tebes tanba uma rabat malu.

Advertisement

Ho situasaun ne’e komunidade negosiante sira halai sai ho liman mamuk tanba ahi ho volume boot.

Alende ne’e, Vítima Luis de Jesus Moniz informa, nia sasan uma-laran labele salva inklui nia osan ne’ebé durante rai hamutuk $1.000, ahi han mutuk.

“Ha’u nia sasán ho $1.000 maka ahi han hotu. Ha’u sai ne’e ho kalsa badak ida de’it,” nia hateten.

Iha merkadu Taibessi, vitima hamutuk ho familia halo atividade negósiu hansan fa’an modo, ho sasán hanesan lafatik no bote sira. Durante inséndiu ne’e, vitima toba hela no nia oan sira haree hela televizaun, hakfodak mai ema hakilar dehan ahi han uma.

Prezidente Autoridade Munisipiu Dili, Guilhermina Saldanha.

Iha fatin hanesan, Prezidente Autoridade Munisipiu Dili, Guilhermina Saldanha hateten, akontesimentu iha kalan ne’e nia ekipa munisipiu Dili tun direta hodi observa no foti dadus vitima sira nian iha terrenu.

Ekipa kompostu hosi ekipa autoridade munisipiu Dili, Sekretáriu jerál Munisípal, konjunta ho diretór jerál hosi dezenvolvimentu rurál, Ministériu Administrasaun Estatál (MAE) Protesaun Sívil nian, sira halo duni atendimentu bá vitima sira.

Advertisement

“Hosi vítimas ne’ebé maka horkalan foti dadus provizóriu hamutuk xefe familia 53. Ekipa sira tenke apura fila-fali dadus sira ne’e atu  bele hetan apoiu hosi ministériu. Ami mós hetan dadauk ona apoiu hosi sentru lojístika nasionál fos 50 sakas. Bá apoiu sira seluk hein protesuan sívil, saida maka sira bele halo, intermus de apoiu hosi dezastre ne’e,” Guilermina Saldanha hateten.

Vitima sira hetan observasaun direta hosi membru Governu sira mak hanesan, Ministru Administrasaun Estatál (MAE), Miguel Pereira de Carvalho, ho Vise MAE, Lino de Jesus Torrezão, Vise Ministru Turizmu Komérsiu no Indústria (MTKI), Domingos Antunes Lopes, inklui autoridade lokál sira.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Governu Sei Sobu Loja no Konstrusaun sira Ne’ebé Okupa Espasu Públiku

Published

on

Hatutan.com, (19 Fevereiru 2024), Díli- Governu liuhosi Sekretária Estadu Toponímia no Organizasaun Urbana (SEATOU) hamutuk ho ekipa konjuntu Ministériu Obras Públikas (MOP), Sekretáriu Estadu Protesaun Sivíl (SEPS), Sekretáriu Estadu Teras (SET), Autoridade Munisípiu Dili, no Polísia Nasionál Timor-Leste (PNTL) sei sobu obrigatóriu loja sira ne’ebé taka valeta no konstrusaun seluk ne’ebé okupa espasu públiku iha Dili.

(more…)

Kontinua Le'e

Dili

Ramos-Horta Ucapkan Selamat dan Undang Prabowo Kunjungi Timor Leste

Published

on

Hatutan.com, (19 Februari 2024), Dili—Presiden Timor Leste, José Ramos-Horta mengucapkan selamat atas terpilihnya Prabowo Subianto sebagi Presiden Republik Indonesia untuk masa jabatan 2024-2029.

(more…)

Kontinua Le'e

Dili

Inundasaun Díli, SEPS Evakua Família Uma-Kain 22

Published

on

Hatutan.com, (17 Fevereiru 2024), Díli-Sekretária Estadu Protesaun Sívil (SEPS) liuhosi Autoridade Protesaun Sívil (APC-sigla portugés) hamutuk ho ekipa Bombeiru, Sesta (16/02/2024), hale’u tuku 16:00 Otl, evakua família afetadu indunsaun hamutuk uma-kain 22 bá sentru evakuasaun Caicoli, Díli.

(more…)

Kontinua Le'e
Advertisement

Trending