Connect with us
Pakote Ahi

Desportu

LFTL “Laran Susar” Tanba FFTL Seidauk Transfere Subsídiu Hosi Governu

Published

on

Hatutan.com, (10 Janeiru 2023), Díli—Órgaun Liga Futeból Timor-Leste (LFTL) preokupa ho impedimentu ne’ebé Federsaun Futeból Timor Leste (FFTL) halo hodi trava subsídiu hosi governu no la aprezenta razaun ruma hodi la transfere ba konta bankária LFTL atu organiza Liga Époka 2022-2023.

Diretór Relasaun Públika Liga Futeból Timor-Leste (LFTL), Diego Neto Fraga hateten, órgaun Liga iha ona koñesimentu katak orsamentu subsídiu hosi governu ba Liga époka 2022-2023, governu halo ona transferênsia ba konta FFTL, maibé to’o agora FFTL la fó razaun impedimentu ka trava hela subsídiu ne’e.

Diretór Relasaun Públika Liga Futeból Timor-Leste (LFTL), Diogo Neto Fraga.

Lee Mós: To’o Marsu 2023 Laiha Liga Futeból, SEJD Foti Hikas Osan Ne’ebé Aloka Bá FFTL

Iha fulan Dezembru 2022, liu hosi enkontru entre LFTL ho FFTL, órgaun liga iha ona informasaun katak governu liu hosi Sekretáriu Estadu Juventude no Desportu (SEJD) halo tiha ona transferênsia osan ba konta bankária FFTL tuir promesa ne’ebé iha ho montante $240.000 atu bele apoia órgaun liga hodi hahú organiza liga époka 2022-2023.

Advertisement

To’o oras-ne’e FFTL seidauk halo transferénsia osan ruma no tuir akordu ne’ebé iha loloos ne’e FFTL tenke halo ona transferénsia  40% ba konta LFTL nian nune’e bele hahu hala’o atividade sira ligadu ho servisu administrativu, tanba LFTL nia funsionamentu depende ba orsamentu Estadu ne’ebé mai hosi Governu.

“Naturalmente ami seidauk iha informasaun tanba saida mak sira FFTL impede ka trava hela orsamentu ne’e, até agora ami seidauk hetan informasaun,” Diego Neto Fraga hateten iha edifísiu LFTL, estádiu munisipál Díli, Segunda (09/01/2023).

Ajenda atu halo sorumutu ho FFTL iha ona hodi husu klareza kona-bá finasiál support ba klubu sira hosi FFTL nune’e klube sira bele informadu no serteza hodi partisipa iha liga époka ne’e.

Iha tinan kotuk, LFTL konsege halo duni abertura janela transferénsia ba Jogadór nasionál no internasionál iha fulan Novembru, maibé infelizmente klubu sira hosi primeira no segunda divizaun la halo rejistrasaun tanba iha difikuldade liuliu tanba laiha serteza finanseiru liga ho finansial support.

Nune’e klubu haat de’it mak halo rejistrasaun, tolu hosi segunda divizaun hanesan Lica-Lica Lemorai Fc, DIT Fc no Fitun Estudante, enkuantu primeira divizaun maka klubu Coração Fc ne’ebé merjer hosi Atlântico Ultramar Fc.

Advertisement

“LFTL em prinsipiu desde hahú katak iha komitmentu atu organiza kompetisaun liga ba iha époka 2022-2023. Tanba ne’e liga husu nafatin klubu sira hosi primeira no segunda divizaun atu mai rejista hodi kompleta rekezitu sira ne’ebé iha nune’e bele partisipa iha liga époka 2022-2023,” nia hateten.

Iha semana kotuk, órgaun liga liu hosi estrutura iha ona desizaun lubuk ida liu hosi enkontru ne’ebé iha atu bolu dirijentes liuliu Prezidente klubu sira atu bele rona preokupasaun saida mak klubu sira enfrenta nune’e sira to’o agora seidauk bele ba halo rejistrasaun iha órgaun liga.

Liu hosi kontaktu informál ne’ebé LFTL halo ho klubu sira, maioria preokupa ho finansial support ne’ebé kabe ba iha FFTL nia kompeténsia no klubu sira ezize atu iha klareza molok Liga Timorense époka 2022-2023 hahú.

Kona-bá ezekusaun orsamentu ne’ebé apoiu hosi Estadu ba iha órgaun liga, diretór ne’e hateten Governu iha nia regras rasik, katak bainhira la ezekuta osan ne’ebé iha, governu tenke foti medidas no ezekusaun ba orsamentu ne’ebé iha kabe ba atividade la’o ka la la’o, se la’o presiza relatóriu no la la’o mós Governu iha podér tomak atu foti hikas osan ne’ebé iha.

Sekretáriu Jerál FFTL, Gregório Correia.

FFTL Hein Realiza Liga

Kona-bá preokupasaun ne’e, Sekretáriu Jerál FFTL, Gregório Correia hateten orsamentu hosi Governu, FFTL seidauk halo transferénsia bá LFTL tanba sei hein órgaun liga halo lai atividade mak foin bele halo transferénsia tanba osan ne’ebé iha  mai hosi governu.

Advertisement

Tanba ne’e, bainhira atividade liga seidauk la’o maka FFTL mós seidauk bele halo transferénsia ba konta bankária LFTL.

Bainhira liga kumpri ona nia dever maka FFTL mós iha obrigasaun atu halo transferénsia tuir akordu ne’ebé iha.

“Ohin ami konkorda malu ona, bainhira LFTL hahú atividade, Federasaun prontu atu hala’o transferénsia 40% uluk, nune’e LFTL bele hahú servisu atu liga mós bele la’o tuir akordu ne’ebé iha,” Gregório Correia hateten iha edifísiu SEJD, Lecidere, Tersa (10/01/2023).

FFTL garante liga époka 2022-2023 sei iha no sei la’o tuir konkordénsia ne’ebé órgaun liga, federasaun no klubu sira iha.

Loloos ne’e Liga Timorense hahú ona iha tinan kotuk, maibé tanba Prezidente LFTL rejigna an no primeiru vise LFTL mate, nune’e prosesu ne’e la’o lentu oitoan maibé nafatin garantia atu liga époka 2022-2023 realiza molok kalendáriu époka 2022-2023 termina tuir oráriu FIFA nian.

Advertisement

II Vise-Presidente LFTL, Octávio da Conceição.

Iha fatin hansan, II vise-Presidente LFTL, Octávio da Conceição hateten kona-bá lideransa órgaun ezekutivu LFTL nian, Sekretáriu Estadu Juventude no Desportu fó solusaun atu FFTL hanesan na’in ba Futeból iha Timor-Leste sei nomeia ekipa jestór rua, ida kontinua organiza liga époka 2022-2023 no ekipa ida seluk lidera assembleia jerál LFTL hodi bele hetan lideransa ba orgaun liga.

“Ekipa jestaun ne’ebé sei kria mak sei deskute ho órgaun assembleia jerál LFTL nian atu haree nia natureza jurídika loloos ne’e oinsa hodi bele hetan lideransa ba órgaun liga ne’ebé elejível tuir estatutu LFTL nian,” Octávio da Conceição hateten.

Antes ne’e Sekretáriu Estadu Juventude no Desportu (SEJD), Abrão Saldanha, hateten to’o fulan-Marsu 2023, Federasaun Futeból Timor Leste (FFTL)  ho Liga Futeból Timor-Leste (LFTL) la realiza liga futeból époka 2022-2023, SEJD sei foti hikas osan $200,000 ne’ebé transfere bá FFTL hodi devolve bá kofre Estadu.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e
Advertisement

Trending