Hatutan.com, (21 Janeiru 2023), Díli—Sidadaun ho naran Ana Gomes manán jogu iha Lotaria Grand Dragon ho montante $300.000 no kontribui taxa direta ba Estadu ho montante 10%.

Sidadaun ho naran Ana Gomes manán jogu iha Lotaria Grand Dragon ho montante $300.000 no kontribui taxa direta ba Estadu ho montante 10%, Sábadu (21/01/2023).

Ezekutivu Empreza Red Star Global Timor Lda, Maximiliano F. M. Piedade hateten Bazeia ba Lei ne’ebé vigora ona, kona-bá taxa, operadór hotu-hotu obrigatoriamente tenki la’o tuir regras ne’ebé iha.

Lee Mós: Grand Dragon Lotaria Sei Loke Jogu Dijitál iha RAEOA

Ba manan na’in ne’ebé mak manan ho montante $100.000, kompañia mak sei selu taxa 10% maibé ba ida ne’ebé mak manán liu $100.000 sei selu rasik hosi manan na’in bazeia ba montante osan.

“Ohin ita iha kliente Grand Dragon Lotaria ne’ebé konsege sai ona manán na’in ba Lotaria Singapura ho montante mais de $300.000 ho númeru ne’ebé hola ka joga maka SS 4592 x 50. Manán na’in ne’e rasik hakarak foti osan cash fisik. Taxa 10% ne’e rasik selu hosi manan na’in no hetan aseitasaun,” Diretór ezekutivu Empreza Red Star Global Timor Lda, Maximiliano F. M. Piedade hateten ba Hatutan.com iha servisu fatin Pantai Kelapa, Sábadu (21/01/2023).

Bazeia bá orientasaun Governu no Leis do Jogus númeru 6/2016 orienta operadór hotu-hotu instala sistema dijitalizasaun nune’e bele kontrola taxa ba Finansas no mós kombate Jogus ilisitos ka ilegal sira.

Agora daudauk Grand Dragon Lotaria Implementa ona, bainhira klientis ka komsumidor sira manan prémiu, sei simu direita mensajen huoi empreza refere tanba bainhira sira hola prienxe kedan ona sira nia númeru telemóvel, automatikamente sira sei hetan rasik informasaun hosi empreza no empreza rasik sei labele halo manipulasaun ba Jogus Lotaria tanba totalmente uza sistema dijitalizasaun no kontrolu mós husi Menistériu MTKI liu husi IJE no mós Ministériu Finansas.

Manan na’in naran Ana Gomes orgullu tanba bele manan prémiu ne’ebé boot no bele mós fó kontribuisaun liu hosi selu taxa ba Estadu.

“Há’u kontente tamba ohin kona, maibé mós orgullu tamba bele kontribui ba taxa tuir Lei ne’ebé iha,” Ana Gomes hateten.

Nia agradese ba Grand Dragon Lotaria tanba fasilita ona jogu online ne’ebé bele konvense kliente sira sosa tanba laiha manipulasaun no sistema hotu iha kontrolu ne’ebé rigorozu.

Serimónia entrega osan ba manán-na’in akompaña hosi parte Minintériu Finansas, Diretór Reseitas Doméstika, Komandante PNSIK, Diretór Ezekutivu Grand Dragon Lotaria no Ajentes Grand Dragon Lotaria.

Jornalista: Vito Salvadór