Connect with us
Pakote Ahi

Ermera

Mariano Martins Iha Sare Presiza Kadeira Roda

Published

on

Hatutan.com, (11 Marsu 2023), Ermera— Mariano Martins ne’ebé moris ho kondisaun defisiente fíziku, presiza tebes ajuda kadeira roda atu bele utiliza iha uma.

Kadeira roda ne’ebé uluk Mariano Martins uza, maibé aat tinan barak ona no nia tenke tuur de’it iha rai. Foto/Cipriano Colo.

Mariano hela iha aldeia Sare, suku Asulau, postu administrativu Hatolia Zona B, munisipiu Ermera, ne’ebé fronteira direta ho aldeia Semdo, Suku Guiço, Postu Administrativu Maubara, Munisípiu Liquiça.

Lee Mós: Prezidénsia Repúblika Tulun Família Vulnerável Iha Viqueque, Defisiente Joaninha Husu Uma

Desde nia moris mai iha tinan 1982 ho kondisaun ida-ne’e, hela ho nia inan-aman iha uma de’it tanba labele la’o.

Advertisement

Oras-ne’e daudaun Mariano hela de’it ho nia aman-kiik ka nia aman nia alin, ho nia avô feto tanba ninia aman rasik mate ona iha tinan 2011 no mós ninia inan foin mate iha tinan 2020.

Nia mós iha maun alin, maibé mate hotu ona, tanba ne’e avô feto ho aman kiik mak tenke sustenta Mariano lorloron.

Abrão Martins hanesan ninia aman kiik ne’ebé durante ne’e tau-matan ba Mariano Martins ba Hatutan.com hateten, desde moris mai Mariano ho kedan kondisaun hanesan ne’e.

“Lorloron Mariano tuur de’it hanesan ne’e, no iha tinan hirak ba kotuk, kleur ona ha’u la lembra sira hosi parte Ministériu Saúde lori hela kadeira roda ida mai entrega iha-ne’e. Kadeira ne’e di’ak loos, nia bele uza ba iha hariis fatin. Maibé kadeira ne’e mós aat kleur ona, nune’e nia tenke dolar de’it. Nia presiza tebes kadeira hanesan ne’e, maibé ita buka la hetan. Modelu kadeira hanesan ne’e mak di’ak, kadeira roda ho modelu seluk ne’e nia uza la di’ak ida,” Abrão Martins hateten ba Hatuta.com iha nia rezidénsia Sare, Domingu (05/03/2023).

Mariano Martins ne’ebé moris ho kondisaun defisiente fíziku, iha aldeia Sare, suku Asulau, postu administrativu Hatolia Zona B, munisipiu Ermera. Foto/Cipriano Colo.

Atualmente, Mariano Martins tuur de’it iha fatin no bainhira atu ba haris fatin nia tenke dolar de’it, tanba ne’e presiza tebes kadeira roda atu bele movimentu ka tuur iha uma.

Mariano mós hanesan oan ki’ak, maski nune’e nia hetan ona subsídiu defisiensia fiziku nian hosi Ministériu Solidariedade Sosiál no Inkluzaun (MSSI) desde tinan rua ba kotuk.

Advertisement

Ho Situasaun Mariano Martins nian ne’e, Hatutan.com koko halo aprosimasaun ba Gabinete Assesoria Apoiu Sosiedade Sivíl no Apoiu Sosiál Gabinete Prezidénsia Repúblika, atu bele hetan apoiu ruma, liu liu kadeira roda tuir nesesidade ne’ebé iha.

Iha aprosimasaun ne’e hetan duni resposta pozitivu, no Assesór Apoiu Sosiedade Sivíl no Apoiu Sosiál Gabinete Prezidénsia Repúblika, Quintiliano Moniz Carvalho hateten, sei arranja kadeira roda ho sasan nesesidade bázika balun ba maluk Mariano Martins.

Maski aprosimasaun ne’e liu de’it hosi kontaktu, maibé  Assesór Quintiliano Moniz Carvalho fó resposta katak, oras-ne’e daudaun nia iha hela viajen hosi Maliana mai Díli, tanba ba entrega mós apoiu ba maluk  sira ne’ebé foin lalais sofre ka sai vítima ba dezastre naturál ka rai halai iha Bobonaro maibé anota hela pedidu ida-ne’e.

Tanba ne’e, Assesór Quintiliano Moniz Carvalho tau ona iha ajenda atu bele hatama iha pakote viajen semana oin nian mai Munisípiu Liquiça, no aproveita entrega mós kadeira roda bá Mariano Martins iha aldeia Sare, Suku Asulau.

“Gabinete iha ona programa ida atu ba entrega apoiu ba maluk feto ida ho kondisaun defisiensia fizika iha área Guiço, iha semana oin. Tanba ne’e ita rejista hela mós ita nia maluk Mariano Martins nian, no sei aproveita atu ba to’o iha ne’ebá hodi entrega,” Quintiliano Moniz Carvalho hateten bá Hatutan.com via telefónika, Sábadu (11/03/2023).

Advertisement

Assesór ne’e esplika kritéria distribuisaun kadeira roda ne’e katak, maluk sira ho kondisaun defisiente fíziku ne’e bele hetan kadeira roda, maibé molok hetan primeiru presiza haree uluk lai ka halo uluk peskiza ida hodi identifika nia fatin ne’e.

Katak, fatin ne’e iha posibilidade ka merese atu bele uza kadeira roda ka la’e. Ninia kondisaun ne’e tuur de’it iha fatin ka halo nusa. Se ida ne’ebé mak nia sei bele la’o la presiza atu entrega kadeira roda, maibé nia bele halo terapia rasik ba nia an no ikus mai bele rekopera saúde.

“Maibé kategoria ida Mariano Martins nian ne’e merese duni atu hetan kadeira roda no ita sei lori ba entrega iha semana oin,” Quintiliano Moniz Carvalho hateten tán.

Durante ne’e, Gabinete Assesoria Apoiu Sosiedade Sivíl no Apoiu Sosiál Gabinete Prezidénsia Repúblika identifika no oferese ona apoiu bá família vulnerável sira liuliu oferese mós kadeira roda bá maluk defisiente sira iha fatin oioin, iha Timor laran tomak.

Jornalista: Cipriano Colo

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ermera

“Tara Bandu” bá Redusaun Lia Mate-Lia Moris Iha Ermera Sei Implementa ho Rigór

Published

on

Hatutan.com, (30 Dezembru 2023), Ermera—Prezidente Autoridade Munisípiu (PAM) Ermera, Eusebio Salsinha akomapaña husi autoridade Igreja, Governu, Polísia Nasionál Timor Leste (PNTL), veteranus no Autoridade lokál, lansa regulamentu tara bandu redusaun lia mate-lia moris hodi lori esperansa no futuru ne’ebé próspero bá povu Ermera.

(more…)

Kontinua Le'e

Ermera

Servisu Sex Komersiál, Governu Sei Kontrola De’it Autór Sira

Published

on

Hatutan.com, (04 Dezembru 2023), Ermera— Governu liu hosi Ministériu Saúde (MS) esforsu hela atu halo de’it kontrolu bá autór sira ne’ebé involve iha Servisu Sex Komersiál iha Timor-Leste (TL).

(more…)

Kontinua Le'e

Ermera

Autoridade Lokál Ermera Ezije PN-Governu Regula Lia-Mate no Lia-Moris

Published

on

Hatutan.com, (04 Novembru 2023), Ermera—Autoridade lokál no mós estudante sira hosi munisípiu Ermera husu no ezije bá Parlamentu Nasionál (PN) ho Governu atu interven lalais hodi halo Regulamentu no Dekretu Governu nian ou prodús Lei ruma atu bele regula lia-mate no lia-moris tanba fó impaktu negativu boot liuliu trava dezenvolvimentu área hotu-hotu iha munisípiu ne’e.

(more…)

Kontinua Le'e
Advertisement

Trending