Connect with us
Pakote Ahi

Dili

2021-2023, Abitante Sira Kontinua Forma Naruk Trata BI ho Sertidaun RDTL

Published

on

Hatutan.com (13 Marsu 2023), Díli-Fenómena abitante sira forma naruk iha arredores Edifísiu Diresaun Munisipál Konservatóriu Servisu Rejistu Notariadu Díli kontinua dezde tinan 2021 mai to’o ohin loron 2023.

Lee Mós : Sidadaun Sira Kontinua Forma no Sena-Malu iha Resintu Notariadu Díli

Abitante sira kontinua forma hodi trata sira-nia dokumentu komprovativu sira. Foto/Dirce Sandra da Costa Gomes

Abitante sira  iha Dili laran ne’ebé iha interese trata dokumentu hanesan Billete Identidade (BI), Sertidaun Repúblika Demokrátiku Timor Leste (RDTL), Sertidaun Kazamentu no Sertidaun Óbitu (mate)  iha Edifísiu Diresaun Munisipál Konservatóriu Servisu Rejistu Notariadu Díli tenke pasiénsia forma iha liña no balun tenke halo sakrifisiu mai sedu molok funsionáriu sira tama edifísiu atu bele hetan fatin.

Tuir observasaun Hatutan.com nian iha Edifísiu Diresaun Munisipál Konservatóriu Servisu Rejistu Notariadu Díli, Segunda (13/3/2023), hatudu katak abitante sira kontinua forma naruk molok funsionáriu sira tama edifísiu iha tuku 8.00 Otl.

Maske forma tiha hodi han tempu naruk trata dokumentu sira-ne’e, maibé la sertamente tenke foti kedas rezultadu ka dokumentu sira ne’ebé mak trata. Maibé tenke hein to’o loron rua ka tolu atu  bele hetan sira-nia dokumentu orijinál hanesan BI, Sertidaun RDTL, Sertidaun Kazamntu no Sertidaun Óbitu.

Advertisement

“Ha’u sente triste tamba ami mai desde hosi dader to’o agora maibe sedauk iha atendementu ne’ebe di’ak ba ami. Dalaruma ami mai hatama tiha dokumentu hotu no funsionáriu  sira haruka ami mai tuir data ne’ebe sira fó, maibe   baihira ami mai to’o tiha ne’e sira haruka fali ami fila e dehan aban mak ami mai fali. Nune’e, aban fali ami mai  sira dehan aban tan. Triste tebes tanba ami mai forma habai an deit iha loron laran no dalaruma ami tahan kabun hodi hein to’o lokraik maibe la iha  rezultadu,” Petronila dos Reis,  abitante ida ne’ebé trata nia dokumentu iha Edifísiu Diresaun Munisipál Konservatóriu Servisu Rejistu Notariadu Díli haktuir bá Hatutan.com. 

Lee Mós : Abitante Sira Forma Naruk no Hein Kleur Trata BI ho Sertidaun RDTL

Iha fatin hanesan  Marcelina José  Ximenes, hato’o mós nia laran susar tanba dalaruma mai forma de’it no hein de’it iha loron manas  laran dalaruma to’o loron rua tolu hanesan ne’e maibe rezultadu laiha.

“Dalaruma funsionáriu sira haruka ami hein,  maibe ami hein  to’o lokraik nafatin nia resultadu laiha, no ami mai sira haruka fila dehan, aban mak ami bele mai fali,  maibe nafatin hanesan ne’e de’it no la iha nia rezultadu,” Marcelina José  Ximenes haktuir.

Forma hodi trata dokumentu hanesna BI ho Sertidaun RDTL ho Sertidaun óbito. Foto/Dirce Sandra da Costa Gomes

Marcelina José  Ximenes nu’udár estudante ida e husu ba parte kompetente  atu haree no rezolve lalais problema sira hanesan ne’e tanba difikulta  tebes povu atu bele trata sira-nia dokumentu sira.

Iha tinan 2021, problema ne’ebé prezudika atendimentu tarde no halo abitante sira ofrma naruk tanba mákina Fargo ne’ebé prodús no imprime BI seluk avaria hotu no hela ida de’it mak funsiona hodi fasilita atendimentu.

Advertisement

Bainhira mákina ne’e manas, maka  atendimentu tenke pauza (deskansa) oras balun atu la bele evita mákina ne’e avaria total no ema hotu iha Díli laran labele trata ona BI tanba susar tebes atu halo manutensaun.

Relasiona ho situasaun ne’e, Konservatóriu Servisu Rejistu Notariadu Díli hato’o ona pedidu bá Ministériu Justisa liuhusi Servisu Notariadu Nasionál, maibé seidauk iha solusaun tanba osan bá kapitál menór laiha. 

Lee Mós : Ministru Justisa Sei Hadi’a Mákina Produsaun BI Ne’ebé Avaria ho OJE 2023

Iha Sesta, 13 fulan-Maiu 2022, Hatutan.com halo konfirmasaun ho Ministru Justisa (MJ), Tiágo Amaral Sarmento, atu bele rezolve situasaun ne’e no iha loron ne’ebá duni, Ministru Justisa fó ona orientasaun bá kargu xefia iha diresaun sira, hodi buka tuir fatór saida mak prejudika bá mákina prodús ho ekipamentu sira servisu imprime ba Sertidaun RDTL  ne’e avaria.

“Ha’u bolu ona sira, ami reuniaun tiha mak foin fó hatene. Ohin ha’u halo alerta kedas, bolu sira, reuniaun tiha mak foin hatene, problema nia hun ne’e saida,” Ministru Justisa, Tiágo Sarmento hateten hateten iha momentu ne’ebá.

Advertisement

Tuir dadus husi Diresaun Munisipál Konservatóriu Servisu  Rejistu Notariadu Díli iha tinan 2021 atribui ona Sertidaun Moris nian, Sertidaun Kazamentu, Sertidaun Óbitu no ratifikasaun bá ema hamutuk 4.214 no iha tinan 2022 iha primeiru trimester atribui bá ema hamutuk 2.086.

Atribuisaun BI iha tinan 2021 bá ema hamutuk 12.780 no iha tinan 2022 hahú iha fulan-Janeiru to’o fulan Marsu  ne’e, atribui ona bá ema hamutuk 9.902.

Iha fali tinan 2022, Ministru Justisa (MJ), Tiago Amaral Sarmento, promete katak, iha semana balun nia laran sei kompleta ekipamentu iha Konservatóriu Sevisu Rejistu Notariadu Díli hanesan mákina impresora, komputadór no skan hodi halo atendimentu públiku liu-liu iha prosesu produsaun sertidaun RDTL, BI, Sertidaun Kazamentu, Sertidaun óbitu (mate) inklui ratifikasaun.

Governu iha kompromisu atu kompleta tanba Konservatóriu Sevisu Rejistu Notariadu Díli enfrenta situasaun ne’e durante tinan barak ona, liu-liu fatin no ekipamentu ne’ebé la sufisiente ikus mai afeita ba sidadaun sira nia direitu hodi asesu ba dokumentu hanesan sertidaun RDTL, BI, Sertidaun Kazamentu no Sertidaun óbitu.

Orsamentu bá MJ iha tinan 2022 laiha fundus bá kapital menór, maibé MJ sei hato’o pedidu bá Ministériu Finansas (MF) karik iha posibilidade halo transferénsia hosi orsamentu ne’ebé alokadu bá MJ nian hodi rezolve lalais problema refere.

Advertisement

Jornalista Hatutan.com halo esforsu ona atu konfirma asuntu ne’e direta ho parte kompetente sira iha edifísiu Diresaun Munisipál Konservatóriu Servisu  Rejistu Notariadu Díli, maibé sira lakohi fó entrevista tanba Deirce relasaun ho kestaun ne’e mídia barak hakarak halo entrevista maibé sira labele fó entrevista.

Jornalista Estajiária : Dirce Sandra da Costa Gomes

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Laiha Resibu, Fulan-Rua Ona Munisípiu Díli La Rekolla Reseita hosi Estasionamentu Sira

Published

on

Hatutan.com, (12 Abríl 2024), Díli—Autoridade Munisípiu Díli liuhosi Diresaun Servisu Obras Públiku, fulan-rua (2) ona, la rekolla reseita hosi pagamentu estasionamentu nian iha Dili laran tanba la iha resibu ka billete.

(more…)

Kontinua Le'e

Dili

Munisípiu Díli Prepara Rekursu Superviziona Regra Soe Fo’er iha Kada Aldeia To’o Bairru Sira

Published

on

Hatutan.com, (09 Abríl 2024), Díli—Autoridade Munisípiu Díli prepara daudaun rekursu hodi halo supervizaun no monitorizasaun bá regra soe fo’er hosi kedas aldeia to’o bairru sira iha Dili laran.

(more…)

Kontinua Le'e

Dili

Dom Virgílio Husu Devotu Jesus Divina Mizerikórdia Aplika Obra Mizerikórdia iha Moris Loron-Loron

Published

on

Hatutan.com, (07 Abríl 2024), Díli—Iha selebrasaun Domingu dahuluk bá Domingu Paskua nian Domingu Divina Mizerikórdia, Dom Virgílio Kardeál do Carmo da Silva, SDB  husu bá sarani sira liu-liu Devotu Jesus Divina Misericordia atu aplika obra misericordia iha moris loron-loron.

(more…)

Kontinua Le'e
Advertisement

Trending