Connect with us
Pakote Ahi

Justisa & Krime

Kazu Set-top Box RTTL,E.P, Ministériu Públiku Sei Prosesa Tuir Regra Prosesuál

Published

on

Hatutan.com, (27 Marsu 2023), Díli-Ministériu Públiku (MP) hanesan na’in bá asaun penál iha ona koñesimentu  kona-bá kazu projetu instalasaun Set-top Box Rádiu Televizaun Timor-Leste, Empreza Públiku (RTTL,E.P). Nune’e, Ministériu Públiku sei atua ka prosesa kazu ne’e tuir regra prosesuál.  

Lee Mós : CAC Sei Submete Kazu Set-top Box RTTL,E.P bá Ministériu Públiku

Prokuradór Jerál Repúblika, Alfonso Lopez. Foto/Dok.Hatutan.com

“Kazu Set-top Box RTTL. E.P ne’e fazeadamente ne’e tenke lao tuir tramitas legais ne’ebé iha, no ikus liu kuandu Ministériu Públiku remata ona investigasaun mak prokuradór bele halo desizaun,” Prokuradór Jerál Repúblika (PGR, sigla portugés), Alfonso Lopez hateten hodi responde Hatutan.com iha Kuartél Unidade Espasiál Polísia (UEP) iha Bairru-Pité, Díli, Segunda (27/3/2023).  

Prokuradór Jerál Repúblika (PJR), Alfonso Lopez, informa kazu projetu instalasaun  Set-top Box RTTL. E.P ne’ebé Comissão Anti Corrupção (CAC, sigla portugés) haruka ona bá Ministériu Públiku sei prosesa tuir tramitas legal ka regra prosesuál ne’ebé iha.

Advertisement

Nia hatutan, bainhira  kazu tama iha Ministériu Públiku, iha kódigu prosesu penál no kódigu penál atu rezolve iha ne’ebá no hotu-hotu tenke tuir tramitasaun legál no regra prosesuál ne’ebé  iha.

Prokuradór Jerál ne’e nafatin subliña katak bá kazu hotu-hotu inklui Kazu projetu instalasaun Set-top Box RTTL. E.P ne’ebé tama ona bá Ministériu Públiku sempre lao tuir tramitas legais ne’ebé iha no uainhira Ministériu Públiku remata ona nia investigasaun mak prokuradór foin bele halo desizaun atu akuza ka arkiva parsial katak arkiva ho kondisaun.

Lee Mós : HAK Sujere Ba PDHJ Atu Ajuda MP Aselera Kazu Set-top Box RTTL,E.P

Bá kazu projetu instalasaun Set-top Box RTTL,E.P ne’e, CAC konsege identifika prejuizu direta bá Estadu ho montante $7,680.00 ne’ebé identifikadu liuhosi Set Top Box hamutuk 256 ne’ebé kompañia indikadu DILI ETERNAL INNOVATION INFORMATION, Lda, seidauk halo instalasaun, maibé prejuizu ne’e sei aumenta makas bainhira kontinua halo inspesaun no kontinuasaun bá benefisiáriu hirak ne’ebé simu ona STB iha suku besik atus ida resin iha munisípiu lima, hanesan Díli, Aileu, Ermera, Liquiça no Bobonaro, tanba STB barak maka seidauk halo instalasaun no benefisiáriu rasik maka halo instalasaun la’ós kompañia no prejuizu indireta seluk ne’ebé Estadu sofre hamutuk $674,581.7 no prejuizu ida-ne’e hetan bainhira halo komparasaun entre estimasaun kustu ba instalasaun STB ne’ebé halo hosi RTTL.EP ho valor $225.400 ho valor kontratu ba projetu ne’ebé maka asina husi MAPCOMS no kompañia DILI ETERNAL INNOVATION INFORMATION (DEII) Lda ho valor $899.981.70.

Projetu instalasaun Set-top Box/dexodificador RTTL,E.P ne’e ho nia kustu $900,000.00, deskonfia Ministru Asuntu Parlamentár no Komunikasaun Sosiál (MAPKOMS), Francisco Martins da Costa  Pereira Jerónimo, nu’udár mós Prezidente Federasaun Futeból Timor Leste (FFTL) estabelese kontratu ho empreza   DILI ETERNAL INNOVATION INFORMATION, Lda, nu’udár sósiu hosi Melánia da Silva Fernandes Capela, ne’ebé tempu ne’ebá asume knaar Sekretaria iha Gabinete Prezidente FFTL.

Advertisement

Lee Mós : Kazu Instalasaun Set-Top Box RTTL,E.P, CAC Notifika MAPKOMS Nia Oan-mane Hanesan Sasin

Jornalista: Vito Salvadór

Justisa & Krime

Claudio Ximenes Reforsa Ekipa Reforma Justisa, Marsu Aprezenta Rezultadu bá Xefe Estadu

Published

on

Hatutan.com, (21 Fevereiru 2024), Díli—Eis Prezidente Tribunál Rekursu (PTR), juis Claudio Ximenes interga hodi fó apoiu bá Grupu Traballu Reforma Justisa ne’ebé oras-ne’e daudaun halo hela diagnóstika nasionál no iha fulan Marsu sei aprezenta rezultadu bá Prezidente Repúblika (PR), José Ramos-Horta.

(more…)

Kontinua Le'e

Justisa & Krime

Kazu Tiru iha Likintae, AM Kumpre Aprezentasaun Periódika

Published

on

Hatutan.com, (21 Fevereiru 2024), Díli—Tribunál Judisiál Primeira Instánsia Díli (TJPID), deside aplika medida koasaun Aprezentasaun Periódika (AP) semana rua dala ida bá arguidu LS ne’ebé koñesidu ho naran AM tanba komete krime omesídiu ho forma tentadu.

(more…)

Kontinua Le'e

Justisa & Krime

Artigu Sira Hosi Lei Indultu Ne’ebé Tribunál Rekursu Konsidera Inkonstitusionál

Published

on

Hatutan.com, (20 Fevereiru 2024), DíliTribunál Rekursu (TR), liu hosi plenáriu juis sira nian iha 19 Fevereiru 2024 kompostu hosi Prezidente TR, Deolindo dos Santos, relatór sira mak hanesan Duarte Tilman Soares, Jacinta Coreia da Costa no António José Fonseca Monteiro de Jesus, notifika deputadu sira, Prezidente Parlamentu Nasionál no Prokuradór-Jerál Republika katak, Lei Komutasaun Pena ne’ebé fó dalan bá Prezidente Repúblika (PR) hola desizaun fó indultu bá korruptór sira ne’e inkonstitusionál. 

(more…)

Kontinua Le'e
Advertisement

Trending