Connect with us
Pakote Ahi

Desportu

Laiha Kaderneta Pasaporte, Atleta Taekwondo Timor-Leste Labele Partisipa SEA GAMES Kambodia

Published

on

Hatutan.com, (03 Abríl 2023), Díli- Atleta nasionál hosi modalidade Taekwondo, Abriana Abílio da Silva, tenke “haloot” nia mehi no hela ho mehi de’it atu partisipa iha eventu internasionál SEA GAMES Kambodia 2023 tanba nia pasaporte ko’ak kauza hosi bee kona no la bele halo foun tanba to’o agora Timor-Leste rasik seidauk iha kaderneta pasaporte.

Lee Mós : Kona-bá Kaderneta Passaporte Rihun 150 Lakon, DJSRN Prontu bá Investigasaun

Atleta nasionál Taekwondo. Foto/Dok. Taekwondo

Atleta Abriana Abílio da Silva, hamutuk ho nia ternador sira hosi Federasaun Taekwondo  Timor-Leste halo preparasaun dezde 2022 to’o Janeiru 2023, maibé nia labele reprezenta Timor-Leste iha SEA GAMES bá Dala-XXXII iha Kambodia, tanba nia pasaporte kondisaun ladi’ak no nia la bele hlao fali pasaporte foun iha momentu ida-ne’e tanba Timor-Leste nia kaderneta pasaporte laiha ona.  

Prezidente Federasaun Taekwondo Timor-Leste (FTTL), Gabriel da Costa, hateten iha 2022 Federasaun Taekwondo organiza kompetisaun nasionál hodi halo selesaun bá atleta sira ne’ebé hetan primeiru lugar tama direitamente bá ekipa nasionál hodi halo tan selesaun hosi treinadór selesaun nasionál Taekwondo nian atu sira bele reprezenta Timor-Leste iha jogu SEA GAMES Kambodia. Nune’e, Federasaun akompaña atleta Taekwondo sira no treinadór sira hala’o preparasaun ida máximu tebes no espera katak atleta selesaun nasionál sira hetan matéria no tékniku ne’ebé di’ak husi treinadór nasionál no mós internasionál ne’ebé iha ho diak nune’e partisipasaun modalidade Taekwondo iha SEA GAMES Kambodia bele lori rezultadu pozitivu bá  Timor-Leste.

Advertisement

“Alimentasaun bá atleta sira hetan apoiu hosi Governu liu husi Sekretáriu Estadu Juventude no Desportu (SEJD) ne’ebé óo apoiu ba Konfederasaun Desportiva Timor-Leste (CDTL) atu bele apoiu alimentasaun di’ak no nutritivu bá atleta sira. Iha fulan rua ikus molok aranka ba Kambodia hodi partisipa iha SAEA GAMES atleta sira tama iha kazerna Polísia Militár nian iha Quintal-Bo’ot no modalidade Taekwondo kona-bá alimentasaun laiha problema tamba too’ agora federasaun seidauk simu keixa ruma husi atleta, Treinadór no ofisiál sira kona-bá hahan ne’ebé atleta sira konsumu durante preparasaun no treinu,” Gabriel da Costa hateten bá Hatutan.com iha nia kna’ar fatin Ministériu Turizmu, Komérsiu no Industria, Díli, Segunda (03/04/2023).

Prezidente Federasaun ne’e esplika kona-bá atleta Abriana Abílio da Silva ne’ebé liu tiha selesaun iha under-53 depois labele partisipa iha SEA GAMES ho razaun iha momentu tuir selesaun iha under-53 atleta Abriana Abílio da Silva mak selesionadu no sei reprezenta Timor-Leste iha jogu SEA GAMES no atu klarifika mós katak fundu ne’ebé fó apoiu bá atleta sira mai hosi Komité Olimpiku Timor-Leste (CONTL) no la’ós husi governu no atleta Abriana Abílio da Silva iha prosesu selesaun ne’e manan no bainhira CDTL no CONTL husu bá atleta selesionadu sira ne’ebé sei partisipa iha SEA GAMES atu kompleta dokumentu sira hanesan Pasaporte, Sertifikadu Vasina no dokumentu seluk ne’ebé nesesita.

Prezidente Federasaun Taekwondo Timor-Leste (FTTL), Gabriel da Costa

“Federasaun iha responsabilidade bá ida ne’e no husu atu treinadór sira atu anúnsiu bá atleta sira hodi submete dokumentu sira ne’e no iha momentu ne’eba atleta Abriana Abílio da Silva rasik nia pasaporte iha, maibé udan ka bee kona nune’e kuak ka nakles tiha no ida-ne’e mak difikulta tebes atleta ne’e no bainhira treinador informa bá federasaun ami halo kedas karta akompañamentu ida hodi lori ba iha Ministériu Justisa, Diresaun Nasionál Notariadu para bele halo renovasaun ba pasaporte no to’o iha ne’eba Notariadu husu tan konvite ne’ebé mak federasaun iha atu partisipa iha SEA GAMES Kambodia no federasaun halo kontaktu ho CONTL hodi copy konvite ne’ebé iha no lori ba maibé labele nafatin atu trata ho razaun blanku ka kaderneta bá pasaporte laiha,” Nia informa.

Gabriel da Costa informa iha loron tuir mai federasaun nafatin halo esforsu hodi lori ho atleta Abriana Abílio da Silva ba hasoru Diretór Notariadu hodi husu permisaun atu bele halo renovasaun ba pasaporte, maibé tamba sistema aprovizonamentu foun nune’e labele dunik ho razaun katak blanku mak laiha.

Ho blanku laiha atu trata ka renova pasaporte ida ne’e mak difikulta atleta Abriana Abílio da Silva labele partisipa iha SEA GAMES no federasaun halo esforsu hotu, maibé labele rezolve no mosu polémika katak federasaun mak halo selesaun lalos ne’e sala tamba atleta ne’ebé selesionadu mak Abriana Abílio da Silva bá under-53, maibé nia labele partisipa tamba razaun dokumentu importante hanesan pasaporte ladiak ka aat kauza husi bee kona no nakles ka kuak.

Federasaun halo ona esplikasaun bá iha SEJD hamutuk ho atleta ne’ebé nia dokumentu hetan problema no treinadór sira rasik akompaña no iha konkluzaun ida katak atleta Abriana Abílio da Silva labele partisipa iha SEA GAMES Kambodia tamba nia dokumentu hetan problema liu-liu iha pasaporte no under-53 ne’e atleta Abriana Abílio da Silva nia klase no bainhira la partisipa sei la joga tamba Timor-Leste nia atleta bá under-53 laiha.

Advertisement

Prezidente Federasaun Taekwondo ne’e klarifika liutan katak atleta Imbrolia Amorin nia partisipasaun iha SEA GAMES  Kambodia tamba hetan konvite direta husi Komité Olímpiku Internasionál bá iha klase under-67 no federasaun halo fali selesaun no atleta Imbrolia Amorin mak liu no apoiu finanseiru ba atleta Imbrolia Amorin mai husi Prezidente CONTL Timor-Leste.

Atleta sira husi modalidade desportiva ne’ebé sei partisipa iha SEA GAMES Kambodia lista tama ona iha Enter by name no sistema taka ona ho nune’e atleta sira ne’ebé hasoru problema labele partisipa tanba CONTL labele ona halo rejistrasaun bá sira tamba sistema taka.

Segundu Vise Prezidente Komité Olímpiku Timor-Leste (CONTL) atual Xefe Misaun ba Jogu SEA GAMES iha Kambodia, Vicente Carvalho hateten, kona-bá preparasaun tratamentu dokumentu agora ne’e hotu-hotu kuaze 99% ona atu ba partisipa SEa GAMES Kambodia.

“Kona-ba modalidade Taekwondo ne’ebé iha naksala, maibé ne’e problema internal federasaun nian no konsege sira rasik rezolve tiha ona, ne’ebé ida ne’e laiha problema,” nia hateten.

Nia haktuir, sira ne’ebé rejistu ne’e sira bá hotu ona, iha adisionál balun ne’ebé komisaun SEA GAMES husu atu tau hanesan suplente maibé tenke konsege trata hotu antes fulan-Abríl agora hein de’it pasaporte, balun sei hein to’o fulan-Abríl no laiha ne’e labele bá tanba kaderneta  pasaporte laiha.

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending