Connect with us
Pakote Ahi

Desportu

Manán Aitana FC 4-3, AD SLB Laulara Mantein Iha Primeira Klasifikasaun LFTL

Published

on

Hatutan.com, (02 Abril 2023), Díli—Klubu Primeira divizaun AD SLB Laulara kontinua hatudu nia superioridade no mantein okupa pozisaun iha primeira klasifikasaun Liga Futeból Timor-Leste (LFTL), hafoin halakon Aitana FC ho skoree 4-3 iha jogu kontinuasaun ne’ebé hala’o iha estadiu munisipál Díli.

Klubu Primeira divizaun AD SLB Laulara kontinua hatudu nia superioridade no mantein okupa pozisaun iha primeira klasifikasaun Liga Futeból Timor-Leste (LFTL), hafoin halakon Aitana FC ho skore 4-3 iha jogu kontinuasaun ne’ebé hala’o iha estádiu munisipál Díli, Domingu (02/04/2023). Foto/Elio dos Santos da Costa.

Ekipa AD SLB Laulara no Aitana FC hatudu jogu ida atrativu hodi anima adeptus sira ne’ebé asiste ekipa rua iha jogu kontinuasaun LFTL époka 2022-2023 iha estadiu munisipál Díli.

Lee Mós: Emanuel FC Rekolla-tán Pontu Tolu Hafoin Manán Academica FC 4-0

Maski bee nakonu iha kampu laran kauza hosi udan maibé ekipa rua nafatin iha ânimu atu hatudu jogu hodi hadau pontu tolu hodi muda pozisaun iha tabela klasifikasaun.

Advertisement

Jogu foin la’o de’it minutu tolu, AD SLB Laulara lidera uluk 1-0 hafoin Jogadór Alexandre Ima Kefi (21) marka golu ida hafoin simu asisténsia hosi nia maluk Jogadór Jeremias Baptista (69) hosi liña  direita.

Ho golu ne’e halo ekipa rua hasae liutan intensidade jogu, no bee ne’ebé nalihun iha kampu laran dalaruma difikulta tebes jogu ekipa rua nian tanba baibhira halo pasajen bola rai, bola sempre belit no dalaruma la to’o tarjetu.

Ekipa rua mantein halo esforsu no Aitana FC sempre halo kontra atake liu hosi bola as hodi aproveita oportunidade atu halo golu.

Tama ba minutu 30, kapitaun ekipa Aitana FC Jilson dos Reis (10) marka golu ida liu hosi bola kabesada hafoin simu asisténsia hosi Jogadór Rivaldo Martins (13) hodi muda skore ba 1-1. Rezultadu empata ne’ebé iha lakleur tanba liu deit minutu 6, AD SLB Laulara konsege lidera hikas jogu ne’e hafoin Jogadór John Frith de Oliveira (6) marka golu ida ba nia ekipa hodi muda skore ba 2-1.

Jogadór Aitana FC Rigerberd Lay (7) simu kartaun kinor hafoin halo falta hasoru Jogadór adversáriu iha liña  klaran.

Advertisement

Ekipa Aitana FC nafatin halo kontra atake ba adversáriu liu hosi bola as maibé defeza adversáriu sei bele antesipa ho diak no too primeira parte termina ekipa rua mantein ho skore 2-1 no AD SLB Laulara lidera provizoriu.

Tama ba segunda parte, ekipa Aitana FC hasae kedas intensidade jogu no hola kedas inisiativa halo atake ba ekipa AD SLB Laulara atu bele duni atrazu ne’ebé iha.

Aitana FC hahú halo tranjisaun ba taktika no hola inisiativa halo jogu ho bola long katak kada Jogadór sira ne’ebé hetan bola sempre direitamente soe bola ba oin atu avansadu sira bele hetan oportunidade no marka golu.

Tama ba minutu 58, Jogadór estranjeiru Mamoudou Conde (27) marka golu ida ba nia ekipa liu hosi bola ulun hodi halo impata ba jogu no skore muda ba 2-2.

Hafoin golu ne’e ekipa Aitana FC iha liu tan motivasaun atu hatudu jogu hodi konkista vitóri. Tama ba minutu 59 AD SLB Laulara halo substituisaun ba Jogadór hodi hasai Michel Hutabarat (26) no hatama Zenivio Mota (7).

Advertisement

Aitana FC mos hola inisiativa halo substituisaun iha minutu 60 hodi hasai Emiliano Parada (5) no hatama Hermínio Moníz (31).

Ho substituisaun ne’e Aitana FC halo tranjisaun ba Jogadór iha liña  defeza atu bele asegura adversáriu nia jogu. Jogadór Aitana FC Roberto Maia (28) simu kartaun kinor hafoin halo falta.

AD SLB Laulara kontinua halo jogu hosi ain ba ain maske bee ne’ebé sei nalihun iha kampu laran difikulta bola ne’ebé Jogadór sira passa ba malu.

Kapitaun ekipa Aitana FC, Jilson dos Reis (10) simu kartaun kinor iha minutu 67 hafoin halo protestu hasoru arbitu.

Iha minutu 69, AD SLB Laulara halo tan substituisaun ba Jogadór iha liña  avansadu hodi hasai Alexandre Ima Kefi (21) no hatama Alexandre Lemos (9).

Advertisement

Tama ba minutu 75, Jogadór AD SLB Laulara Zenivio Mota (7) marka golu ida hodi muda skore ba 3-2. Hafoin golu ne’e ekipa Aitana FC halo sentru ba bola remata no falla iha pasajen nune’e Jogadór estrela AD SLB Laulara  Mouzinho de Lima (10) aproveita oportunidade ne’e hodi lansa tan atake ida no muda skore ba 4-2 iha minutu 77.

Ekipa Aitana FC kontinua halo esforsu atu bele hadia jogu hodi buka atu bele duni atrazu ne’ebé iha. Tama ba minutu 79 Aitana FC halo tan substituisaun ba Jogadór Rivaldo Martins (13) ne’ebé sofre aleiza hodi hatama Rivaldo Correia (77) ne’ebé joga iha avansadu atu bele hasae intensidade iha liña  oin.

Ekipa Aitana FC kontinua halo substituisaun iha minutu 84 hodi hasai Gabriel da Costa (14) no hatama Angelo Freitas (4) hodi hasae intensidade jogu iha liña  klaran hodi bele halo jogu atu nune’e avansadu sira bele hetan bola hodi hatama golu.

Ekipa AD SLB Laulara mos hola inisiativa hodi halo substituisaun ba Jogadór iha liña  klaran hodi hasai Jogadór prinsipál John Frith de Oliveira (6) no hatama Natalino da Costa (8) iha minutu 84.

Aitana FC kontinua halo esforsu no ikus mai hetan penalidade ida hafoin bola kona Jogadór adversáriu nia liman iha area grandeal laran.

Advertisement

Jogadór Mamoudou Conde (27) ne’ebé ezekuta penalidade ne’e konsege marka tan golu ida hodi muda skore ba 4-3. Hafoin golu ne’e ekipa rua nia tensi jogu sae makas no Aitana FC halo esforsu máximu atu halo impata ba jogu ne’e maibé falla.

Jogadór defeza sentral AD SLB Laulara Gumario Moreira (4) simu kartaun kinor hafoin halo falta hasoru Jogadór adversáriu.

Tama ba minutu 90+1 Jogadór Natalino da Costa (8) simu tan kartaun kinor hafoin kobtra regra Fair Play iha kampu laran no baliza AD SLB Laulara Andrew Mensah (13) simu kartaun kinor hafoi komete erru tanba dada oras. Too tempu termina ekipa rua mantein ho skore 4-3 no vitóri ba AD SLB Laulara.

Jornalista: Vito Salvadór  

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending