Connect with us
Pakote Ahi

Dili

Reflesaun Kinta-Feira Santa, “Halo Ida-Ne’e Hodi Hanoin Ha’u”

Published

on

Hatutan.com, (06 Abríl 2023), Díli—Selebrasaun misa Kinta-feira Santa nu’udár momentu ida hanoin hikas “Jesus han kalan ikus  ho Nia eskolante sira”.

Lee Mós : Santa Kreda Bolu Ema Hotu Hanoin Kristu Nia Mate ho Domin

Foto/Foti hosi Google

Eukaristia misa Finta-Feira Santa ne’ebé prezide hosi Padre Jojo, SDB iha Kapela Nossa Señora de Lourdes, Ospitál Nasionál Guido Valadares (HNGV) foku ho tema reflesaun “Halo Ida-Ne’e Hodi Hanoin Ha’u”.

Iha nia omilia Padre Jojo SDB haktuir katak liafuan “Halo Ida-Ne’e Hodi Hanoin Ha’u” ne’e lia-fuan hosi Jesus Kristu rasik ho mensajen ida kle’an oinsá sarani sira hanoin hikas bá Jesus nia domin boot molok ema atu saran Nia bá mate.

Advertisement

Amu Jojo hateten, Jesus Nia han kalan ikus ho apostulu sira molok atu mate iha krús. Ida-ne’e hanesan han despedida nian ho nia eskolante sira. Nune’e, Jesus dehan, atu labele haluha Nia, sarani sira kada tinan selebra festa ida-ne’e, Festa Paskua to’o baihira Jesus atu mate sira selebra ida-ne’e maibe Jesus halo foun Nia dehan, la’ós ona ran animal sei salva imi tomak, maibé ran Maromak Nia Oan nian.

Jesus Nia tusan bá emar sira hotu  ne’ebe Nia fakar ran no iha Segunda Leitura Nia han dala ikus, hatudu hela ka fundamenta hela Sakramentu rua; ida mak sakramentu misa, no ida seluk  (rua) mak  Sakramentu Ordem.

Sakramentu misa nian, tuir Padre Jojo, buat ne’ebé rona tutan hosi Santu João  konta fali kona-bá fase-ain.  Nia dehan sakramentu misa iha ne’ebé Jesus foti paun no tua fó bensa  ka transforma bá Nia futar isin no ran.

“Ida-ne’e halo ita ho nia kominiaun ho Kristu tamba Jesus Kristu fó han, fó hemu mai ita ho  Nia isin no Nia ran atu ita bele hamoos ita-nia sala, ita-nia an no Jesus hela ho ita  liu sakramentu Eukaristia ne’ebe ita simu Jesus Kristu Nia isin no Nia ran,” Padre Jojo hateten.

Bá sarani sira hotu ne’ebé halo tratamentu saúde iha HNGV, Amu Jojo dehan, kontinua reza no halo sakrifísiu, hanesan ezemplu Jesus Kristu halo bá ema sira molok Nia atu mate. Ezemplu, imi serbí malu, oinsá la’en serbí fen  sira no fen serbí la’en sira. Oinsá oan sira serbí inan-aman.

Advertisement

“Ohin ne’e nia mensajen mak ne’e ha’u konvida ita-boot sira hakarak hadomi serbí malu no reza bá malu, reza Amu-lulik sira, Parku sira atu sira  nafatin fiel  no obedese bá buat ne’ebe Jesus haruka, “Halo ida ne’e hodi hanoin hau”. Padre Jojo SDB hateten hodi termina nia omilia.

Jornalista Estajiária : Dirce Sandra da Costa Gomes

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Gregório Saldanha Identifika Kauza bá Problema no Solusaun 12 iha Díli

Published

on

Hatutan.com, (01 Marsu 2024), Díli—Prezidente Autoridade Munisipiu (PAM) Díli, Gregório Saldanha “Mouris” identifika ona kauza bá problema iha sidade Dili hamutuk 12 no rekomenda mós ninia solusaun sira.

(more…)

Kontinua Le'e

Dili

Austrália Komprometidu Kontinua Promove Pás no Prosperidade iha Sudeste Aziátiku no Timor-Leste

Published

on

Hatutan.com, (26 Fevereiru 2024), Díli- Embaixadóra Austrália mai Timor-Leste, Caitlin Wilson hateten Austrália iha kompromisu  atu hametin kooperasaun no promove pás no prosperidade ho nasaun sira Sudeste Aziátiku no Timor-Leste.

(more…)

Kontinua Le'e

Dili

PN husu Governu Kriá Kondisaun bá Vendedór Roupa Obralan Ai-mutin

Published

on

Hatutan.com, (22 Fevereiru 2024), Díli– Reprezentante povu iha Parlamentu Nasionál liuhosi Bankada n FRETILIN husu Governu kriá uluk kondizaun molok muda  vendedór obralan Ai-mutin.

(more…)

Kontinua Le'e

Trending