Connect with us
Pakote Ahi

Nasionál

Páskua Fó Bá Sarani Sira Moris Foun

Published

on

Hatutan.com, (09 Abríl 2023), Díli—Páskua mak ksolok fó bá sarani moris foun, esperansa foun, hodi lori sarani sira bá orientasaun foun hodi la ta’uk no laran metin bá Maromak.  

Lee Mós : Jesus Nia Moris Hias Lori Naroman

Lia hirak-ne’e hato’o hosi Padre Evaristo F. da C. Soares, bainhira prezide misa Domingu Resurreisaun iha Kapela Nossa Señora de Lourdes,   Ospitál Nasionál Guido Valadares (HNGV), Díli, Domingu (09/4/2023).  

Advertisement

Jesus moris hias hosi mate. 

“Moris kristaun ne’ebé loloos mak, Sábadu kalan santu, ita renova batizmu ne’ebé mak ita halo atu ita moris hodi rejeita hodi hakribit satanás nia hahalok sira hotu no buka moris tuir dalan Maromak nian, atu fiar metin nafatin iha Maromak atu ita mós bele fo sasin hanesan Pedro ho Apóstolu sira seluk ne’ebé Jesus hatudu nia an ba sira,” Amu Evaristo F. da C. Soares hateten iha omilia.

Grasa Páskua nian, tuir Amu Evaristo katak domin miserikordia rohan laek bá sarani sira, katak maske loron ida hanesan ema sei mate, maibé sie moris ihas hamutuk iha Nai Nia Gloria.

“Maluk sarani doben sira, liuliu belun sira ne’ebé moras iha ospitál ida-ne’e mak ha’u hadomi iha Kristu domin halo ema la tuur hakmatek, la tuur metin, domin halo ema la ta’uk, domin halo ema sensilla kuandu ema sensilla fasil atu fó lalais reasaun ida-ne’e mak akontese ba Maria Madalena, tamba domin halo nia hadeer sedu tamba hakarak haree ida ne’ebé nia hadomi ne’e nia kondisaun oinsá, tan domin nia la ta’uk maske nakukun la ta’uk mate-klamar, nia bá rate tamba domin haree de’it kondisaun rate nian iha mudansa, nia halai kedan  bá fó hatene bá sira ne’ebé iha podér atu haree tanbasá ne’e akontese,” Amu Evaristo haktuir.

Maria Madalena la’o ho lalais hodi bá fó hatene, nia halo espekulasaun, nia dehan ema lori ona Jesus Nia isin mate, nia la hatene tau iha ne’ebé, ema na’ok ona Jesus Nia isin mate.  afinál nia seidauk haree ba laran saida mak akontese, maibé tamba domin halo nia sensivel nia bá fó hatene bá Pedro ho Apóstolu ida ne’ebé Jesus hadomi.

Jesus Nia apóstolu na’in-rua  (2) ne’e mós tamba buat ida ne’e sei manas hela iha sira nia ulun kalan kala sente rai mamuk tamba ema ida ne’ebé sira hadomi mate no sira hakoi tiha, maibé notísia ida ne’e halo sira hamriik hosi sira nia fatin no sira halai de’it. Halai bá iha rate Jesus hakoi bá la haree ona Jesus Nia isin mate. Maibé rate ibun nakloke no hela de’it mak hena sira ne’ebé falun Jesus Nia isin mate.

 Sira rasik la hatene realidade ida katak, Jesus moris hias ona tuir Sagrada Eskritura  hakerek, katak liu loron tolu Nia sei moris hias hosi mate.

Advertisement

“Maluk doben sira hodikalan ita rona Anju dehan tamba sa imi buka ema ne’ebé moris hela iha mate sira nia leet. Páskua ne’ebé hodikalan ita selebra no ohin ita selebra Kristu ida ne’ebé mak mate no moris hias no nia mate ida ne’ebé mak atu hatudu Maromak Nia podér bá hothotu, Maromak mak Nain bá moris, ne’e duni, la iha tan kbiit seluk iha mundu ida ne’e mak atu bele asima iha Maromak Nia leten,” nia tenik.

Jornalista Estajiária : Dirce Sandra da Costa Gomes

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Prezidente Repúblika Sei Asiste Asinatura Ofisializasaun TL bá OMK

Published

on

Hatutan.com, (24 Fevereiru 2024), Díli- Prezidente Repúblika (PR), José Ramos-Horta,  halo viajen bá Emiradu Arabes Unidus (EAU) hodi partisipa iha asinatura tratadu fornalizasaun Timor-Leste nian bá Organizasaun Mundiál Komérsiu (OMK) no kontinua vizita estadu dahuluk ba Laos hodi hametin liután kooperasaun bilaterál entre país amigu rua.

(more…)

Kontinua Le'e

Nasionál

PM Xanana La iha Informasaun kona-bá SEKOMS “Hatama” Funsionáriu Kazuál 109

Published

on

Hatutan.com, (22 Fevereiru 2024), Díli—Primeiru-Ministru (PM), Kay Rala Xanana Gusmão seidauk iha informasaun kona-bá Sekretaria Estadu Komunikasaun Sosiál (SEKOMS) “hatama” de’it funsionáriu kazuál 109 laliu hosi rekrutamentu normal tuir regra funsaun públiku nian.

(more…)

Kontinua Le'e

Nasionál

Repúblika Ejitu Hakarak Apoia Dezenvolve Timor-Leste iha Setór Importante Haat

Published

on

Hatutan.com, (21 Fevereiru 2024), Díli– Embaixadór Repúblika Ejitu rezidénsia iha Jakarta-Indonézia no akreditadu mós mai Timor-Leste, Yasser Elshemy, afirma Governu Ejitu nia  hakarak  apoia dezenvolve Timor-Leste iha  setór importante haat.

(more…)

Kontinua Le'e
Advertisement

Trending