Hatutan.com, (25 Maiu 2023), Díli- Prezidente Repúblika (PR), José Ramos-Horta,  Kinta (25/05/2023), halo despedida ho atleta Paralímpiku ne’ebé  reprezenta Timor-Leste iha Cambodia ASEAN Para Games.

Lee Mós : ASEAN Para Games 2022, Atleta Timor-Leste Oferese Medalla Osan Mean Tolu

Prezidente Repúblika, José Ramos-Horta sempre hakuak no hadomi, alin sira ne’ebé iha defisiénsia halo atividade no ezije nia sakrifisiu no esforsu liután, tanba ida ne’e-duni bainhira  reprezenta Timor-Leste no iha rezultadu ne’e Estadu sempre fó parabéns liután.

Prezidente Repúblika (PR), José Ramos-Horta, Kinta (25/05/2023), halo despedida ho atleta Paralímpiku sira. Foto/Mídia PR

Ema hotu-hotu orgullu liután, la’ós Prezidénsia Repúblika nia responsabilidade nia kompeténsia iha setór Desportu, maibé halo parte mós Prezidénsia Repúblika nia preokupasaun, primeiru atu apoia maka’as ki’ikoan sira ne’ebé klasifikadu hanesan iha difisiensia.

Difisiensia signifika iha nesésidade espesiais liu atu bele lori vida ida totalmente normál la’ós fasil.

Iha fatin balun barak liu iha Timor no barak liu iha mundu asesu de’it edifísiu mós difisil, hanesan iha Palasiu Prezidensiál tanba ne’e mak halo reuniaun la konsege halo. Tanba primeiru laiha elevadór iha fatin balun mós atu hakat de’it sai mós difisil.

Sistema transporte públiku laiha fasilidade bá id- ne’e, ne’e-duni bá oin Prezidente Repúblika hamutuk ho governu tenke haree oinsá kria infraestrutura kondisaun mobilidade ho difisiensia bele fasil liu.

“Ha’u haree balun iha estrada buka moris difisiensia visual, difisiensia la’o hosi Bekora tama to’o Díli. Ha’u hatene kompriende mais menus kondisaun imi nia luta difisil liu, duké membru seluk maibé ho imi nian matenek, ho imi nia sentidu dignidade imi lakohi sai dependete, maibé hakarak de’it respeitu, oportunidade ne’ebé di’ak atu bele avansa bá oin iha estudu desportu, pintura, leiteratura. Ha’u parabens no susesu ne’ebé hetan, atividade sira seluk ne’ebé mai, ita sei haree, akompaña, imi nia partisipasaun iha eventu nasionál, rejionál no internasionál,” Prezidente Repúblika José Ramos-Horta bainhira hala’o despedida ho atleta paralimpiku Timor-Leste iha Palásiu Prezidente Nicolau Lobato, Díli.

Xefe Estadu hateten, altleta sira ho difisiensia partisipa iha atividade desportivu rejionál, internasionál bara-barak sira sempre iha rai-laran, rai-li’ur jogu ne’ebé partisipa iha rejiaun iha mundu uluk mós tama ona iha komité olimpiku internasionál difisiensia sira ne’e paralimpiku sempre ho reprezenta Timor-Leste onra no orgullu.

Dala ruma difisiensia sira mak rezultadu di’ak liu fali sira ne’ebé laiha impedimentu difisiensia fiziku hatudu kuaze laiha buat ida imposivel la konsege halo.

Nia informa kona-bá apoiu klaru tinan sira ne’e governu liu husi Sekretáriu Estadu Juventude Desportu (SEJD) ne’e mak mandatu SEJD nia apoia área desportu, juventude.

“Ha’u haree bá oin governu tenke tuur ho federasaun sira atu haree oinsá bele apoia liubá joven sira iha área desportu aumenta iha Timor tomak, ekipa desportiva oin-oin. Bainhira apoia sira tenke apoia mós ho alimentasaun ho medikal cek-up, tanba sira labele kompete ka kompete, maibé laiha vantajen bainhira ema seluk-seluk sira hetan apoia médiku n o nutrisaun maka’as no halo treinu tinan lubuk ida nia laran antes kompetisaun. Ne’eduni tenke haree didi’ak ho governu iha futuru,” nia subliña.

Sekretáriu Estadu Juventude no Desportu (SEJD), Abrão Saldanha hateten,  oportunidade ne’e hakarak relata bá Prezidente Repúblika kona-bá preparasaun bá tinan ida-ne’e, hanesan jogu desportiva iha rejiaun sudeste aziátiku tinan rua-rua iha Sea Games ne’ebé Xefe Estadu hosik tiha ona kontijente ne’e agora iha Timor sira lori medalla osan metan neen (6).

Nia afirma, tinan kotuk sira-nia prestasaun  lori modalidade tolu  ho atelta 12, primeiravez depois restaurasaun indepedénsia prestasaun as liu ne’ebé desportu di’ak mak sira difisiensia lori 12 medalla dala ida ba sira.

“Ita orgullu hatudu katak maluk sira ho difisiensia ne’e mezmu sira iha difisiensia fízika ne’ebé sira nia potesilsidade no kapasidade bo’ot tebes atu bele lori ita hotu-hotu bá oin,” Abrão Saldanha hateten.

Ho kontijente  Timor-Leste na’in-90 ne’ebé atu husik agora sei bele lori liután prestasaun di’ak liu ba ita nia rain no sai Embaixadór ida di’ak ba ita nian rain iha sudeste aziátiku liu husi Sea Games.

Preparasaun tinan ida ne’e nian, hahú di’ak liu uitoan ho tinan kotuk, hahú sedu uitoan, hein katak ho preparasaun sira ne’e sira bele di’ak liután prestasaun.

Sira hatudu tiha ona prestasaun ida bo’ot liu iha Timor nian mak tinan kotuk medalla 10 dala ida ne’ebé bo’ot liu ona istória depois ita ukun an, ita hein katak ho kontijente ne’ebé bo’ot liu tan, tinan kotuk ho modalidade tolu de’it, agora ita iha modalidade neen, espera katak bele lori prestasaun as liu tan liu-liu reprezenta Timor di’ak liu tan.

Jornalista: Vito Salvadór