Connect with us
Pakote Ahi

Polítika

CNRT Prontu Forma Governu Ho PD

Published

on

Hatutan.com, (05 Juñu 2023), Díli—Partidu Congresso Nasional Reconstrução Timorense (CNRT) hanesan partidu ne’ebé hetan votu barak liu iha eleisaun Parlamentár tinan ne’e,  hatudu ona ninia prontidaun atu halo koligasaun ho Partidu Demokrátiku (PD) hodi forma Governu da-sia.

Estrutura CNRT hasoru-malu formalmente ho estrutura PD iha ninia sede nasionál Colmera, Segunda (05/06/2023). Foto/Elio dos Santos da Costa.

Prontidaun ne’e, hatudu liu hosi Estrutura CNRT hasoru-malu formalmente ho estrutura PD iha ninia sede nasionál Colmera, Segunda (05/06/2023) ne’ebé entrega mós karta resposta ho asinatura Prezidente CNRT, Kay Rala Xanana Gusmão.

Lee Mós: PD Resmi Sampaikan Surat Koalisi dengan CNRT

“Ohin mai iha ne’e atu reafirma ho karta ne’ebé mak iha loron 30 fulan Maiu, Sekretariu Jerál PD António da Conceição lori ba iha partidu CNRT, kongratula aumezmu tempu hanoin katak partidu rua ne’ebé mak hetan fiar hosi povu Timor Leste, ohin reafirma katak partidu CNRT prontu halo koligasaun hamutuk ho Partidu Demokrátiku,” Sekretáriu Jerál CNRT, Francisco Kalbuadi Lay hateten liu hosi Konferénsia Imprensa iha Sede PD Colmera Dili.

Advertisement

Iha biban ne’e mós Sekretáriu Jerál CNRT lori Kay Rala Xanana Gusmão nia naran hanesan Prezidente Partidu no estrutura tomak mai to’o iha sede Partidu Demokartika atu felisita PD ne’ebé mak foin dadaun hetan asentu ho kadeira (6) signifika amenta tan kadeira (1).

“Karta ofisiál ami entrega ona ne’ebé mak asina hosi Prezidente Partidu CNRT Kay Rala Xanana Gusmão ho ha’u atan hanesan Sekretáriu Jerál. Klaru katak, partidu rua ne’e agora sai ida de’it prontu hamutuk servi povu iha rai ida-ne’e,” Kalbuadi hateten.

Kongratula mós partidu 15 ne’ebé mak partisipa ona iha eleisaun Parlamentar ne’ebé liu ona, ba plataforma, nune’e mós ba partidu 12 ne’ebé mak la hetan asentu, maibé festa demokrasia ida-ne’e dala ida tán povu Timor Leste no mós lider politiku sira hatudu ba mundu katak Timoroan hotu hadomi duni sira nia rai, ida hetan asentu no ida la hetan asentu, ida ne’ebé aumenta ho ida ne’ebe mak la aumenta hotu-hotu hetan grasa hosi Nai Maromak tanba eleisaun la’o di’ak tebtebes hamatek.

Kongratula povu tomak liuliu ba partidu rua ninia militante, simpatizante no estrutura tomak iha rai Timor ida-ne’e.

Kalbuadi konsidera prossesu hotu-hotu tuir Lei ohin partidu rua halo reafirmasaun maibé atu deskuti kle’an liu primeiru tenke hein desizaun hosi Tribunál Rekursu ba iha votasaun foin dadaun ne’e, depois desizaun sai sei publika iha Jornal da Republika hodi hein Xefe Estadu bolu partidu mais votadu sei hato’o katak CNRT prontu ona halo koligasaun ho PD.

Advertisement

Jornalista Estajiáriu  : Lazaro Pereira Quefi

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Presiza Konstrui Fatin Própriu Atu Fasilita Fornesimentu Kombustível iha Sentrál Elétrika Hera-Betano

Published

on

Hatutan.com, (26 Marsu 24), Díli—Deklarasaun politíka bankada KHUNTO iha Parlamentu Nasionál (PN),  rekomenda bá Governu katak, presiza duni atu investe hodi konstrui fatin própriu bá fornesimentu kombustível iha Sentrál Elétrika Hera no Betano.

(more…)

Kontinua Le'e

Polítika

Deklarasaun Polítika Bankada FRETILIN: Tanbasá TL Seidauk Bele Manan Greater Sunrise

Published

on

Hatutan.com, (25 Marsu 2024), Díli– Bankada Parlamentár FRETILIN, Segunda (25/03/2024), halo deklarasaun polítika iha plenária Parlamentu Nasionál hodi aprezenta sira-nia duvida no kestiona projetu Greater Sunrise ne’ebé to’o ohin loron seidauk iha finalidade.

(more…)

Kontinua Le'e

Polítika

20-21 Abríl, Kongresu Nasionál Partidu KHUNTO Bá Da-III

Published

on

Hatutan.com, (21 Marsu 2024), Díli- Partidu Kmanek Haburas Unidade Nasionál Timoroan (KHUNTO) iha loron 20 to’o loron 21 fulan-Abríl, tinan ne’e, sei realiza kongresu nasionál bá da-III hodi halo reestruturasaun no prepara estratéjika polítika partidu hodi enfrenta dezafiu sira iha futuru.

(more…)

Kontinua Le'e

Trending