Connect with us
Pakote Ahi

Ekonomia

Domingu, Gazolina Litru Tokon 2,7 To’o Timor

Published

on

Hatutan.com, (10 Juñu 2023), Díli—Sé la hasoru laloran boot, Domingu loro-kraik (11/06/2023),  gazolina ho kuantidade  litru tokon 2,7 to’o iha Timor-Leste atu bele halo intervensaun imediata bá situasaun atuál gazolina mamuk iha Díli laran ho munisípiu balun.

Lee Mós : Timor-Leste Enfrenta Tan Kombustivel Mamuk, Negosiante Ambulante Aproveita Hasa’e Folin

Abitante sira ho sira-nia transporte (motór no karreta) kontínua forma naruk iha postu abastesimentu kombustivel ETO nian iha Fatuhada, Díli, Sábadu (10/06/2023). Foto/Elio dos Santos da Costa

CEO empreza fornesedór kombustivel  ETO, Nilton Telmo Gusmão, bá Hatutan.com, via telefone, Sábadu (10/06/2023), hateten ró ne’ebé transporta gazolina litru tokon 2,7 iha ona tasi laran, besik tama mai tasi Timor nian. Tanba ne’e, bainhira  la hasoru laloran boot, iha Domingu loro-kraik,  atraka ona iha Jeti ETO nian iha Hera-Díli. Nune’e, Nilton Gusmão hatutan, ETO koordena kedas ho Autoridade Nasionál Petróleu no Minerál (ANPM) atu hatún imediata kalan ne’e hodi distribui bá postu abastesimentu kombustivel sira iha Díli laran hodi bele halo atendimentu bá públiku.

 “Se ró tama Domingu lokraik, ami sei kordena ANPM atu hatún imediata kalan ne’e, atu kalan ne’e kedas, ami distribui bá postu abastesimentu kombustivel sira hotu atu segunda bele normal hikas,” Nilton Telmo Gusmão hateten.

Advertisement

Ho fenómenu pániku bá gazolina mamuk iha postu abastesimentu kombustivel iha Díli laran, Nilton Gusmão dehan, gazolina iha ETO sufisiente hela, maibé kliente sira mak pániku demais hodi bá forma hadau malu to’o balun lori tan jergen sira bá forma hodi halo situasaun sai pániku liu tan.

“Husu ema hotu nia pasiénsia  no kolaborasaun atu ita bele ultrapassa situasaun pániku ne’e,” Nilton Gusmão hateten.

Hosi sorin seluk, Autoridade Nasionál  Petróleu no Minerál  (ANPM) liuhosi Diresaun Downstream, liuhosi konferénsia imprensa, foin lalais ne’e, informa bá públiku katak rezerva kombustivel liu-liu gazolina iha infraestrutura armazein rua, hanesan Esperança Timor Oan (ETO) iha Hera no Pertamina International SA (PITSA) iha Praia dos Coqueiros, sei sufisiente hodi atende konsumidór sira hotu iha teritoriu laran.

Abitante sira ho sira-nia transporte (motór no karreta) kontínua forma naruk iha postu abastesimentu kombustivel ETO nian iha Fatuhada. Balun lori nafatin jergen no masa atu bá sosa gazolina maibé la autoriza ona, Sábadu (10/06/2023). Foto/Elio dos Santos da Costa

Oras ne’e dadaun rezerva kombustivel gazolina iha armazein ETO hamutuk tonelada 205 no iha armazein PITSA hamutuk tonelada 125, no kada loron PITSA sei fa’an gazolina tonelada 25, bá postu abastesimentu kombustivel sira hodi atende nesesidade públiku. Hanesan mós ETO, sira sei jere to’o loron 11 fulan-Juñu  2023, kargu kombustivel to’o iha Timor-Leste.

Situasaun kombustivel menus liu-liu gazolina iha postu abastesimentu kombustivel ne’ebé hahú akontese iha Segunda, 05 fulan-Juñu 2-23, tanba ró ka kargu ne’ebé tula kombustivel tama tarde iha fatin ka terminal sosa kombustivel nian iha nasaun fornesedor sira hanesan Singapura no seluk tan. Enkuantu ró ne’ebé atu tula kombustivel ETO nian tenke troka tanba fallansu tekniku, ho nune’e fó impaktu tarde to’o iha Timor-Leste.

Gazolina Folin fa’an iha Aqua-boot $5,00 to’o $7,00

Advertisement

 Ho fenómena gazolina mamuk iha  postu abastesimentu kombustivel iha Díli laran fó oportunidade bá negosiante ambulante balun hasa’e gazolina nia folin maka’as tebes.

Dezde Segunda mai to’o Sábadu  (05-10/06/2023), negosiante ambulante sira ne’ebé  konsege lori masa-boot no jerigen bá sosa gazolina iha postu abastesimentu kombustivel sira fa’an fali iha aqua-boot ho medida mililitru 120 ho folin entre $4,00 sa’e bá $5,00 no sa’e to’o fali $7,00.

Maske karun tanba ho pániku, abitante sira ne’ebé utiliza motór sosa hadau-malu de’it. Nune’e, fó espasu bá negosiante ambulante sira hasa’e folin tuir sira-nia gostu.

ETO Husu Deskulpa no Promete Hadi’a

Nilton Telmo Gusmão lori empreza ETO nia naran husu deskulpa bá públiku hotu bá situasaun atuál ne’ebé halo ema tenke forma naruk atu hetan gazolina.

Advertisement

“Ami buka atende ema hotu, maibé importante tebes ita hotu nia pasiénsia no disiplina atu ita bele ultrapassa momentu pániku ne’e. Hau lori empreza ETO nia naran promete sei halo planu di’ak liu atu ajuda asegura enerjia bá ema hotu iha ita-nia rain iha futuru,” Nilton Gusmão hateten.

Jornalista : Rogério Pereira Cárceres   

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Estadus Unidus Kongratula Timor-Leste Nia Adezaun bá OMK

Published

on

Hatutan.com, (27 Fevereiru 2024), Díli– Estadus Unidus ho ksolok hato’o parabéns bá Timor-Leste ninia adezaun bá Organizasaun Mundiál Komérsiu (OMK).

(more…)

Kontinua Le'e

Ekonomia

La’o Hamutuk Rejeita Adezaun TL bá OMK, Husu Governu Proteje no Promove Ekonomia Rai-Laran

Published

on

Hatutan.com, (27 Fevereiru 2024), Díli- Organizasaun Naun Govermental (ONG), La’o Hamutuk rejeita adezaun Timor-Leste ba Organizasaun Mundiál Komérsiu (OMK) no husu atu Governu hadi’a politika proteje no promove ekonomia iha rai-laran.

(more…)

Kontinua Le'e

Ekonomia

Timor-Leste Sei Organiza Festivál Internasionál Foka bá Promosaun Arte-Kultura, Turizmu, Siénsia no Teknolojia

Published

on

Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

(more…)

Kontinua Le'e
Advertisement

Trending