Connect with us
Pakote Ahi

Nasionál

Primeiru-Ministru António Costa Konsidera Xanana Pesoa Ezemplár

Published

on

Hatutan.com, (25 Jullu 2023), Díli- Primeiru-Ministru Portugál, António Costa, konsidera lider karizmátiku Timor Leste, Kay Rala Xanana Gusmão, nu’udár figura ezemplár iha luta bá ezisténsia liberdade ne’ebé sempre inspira ema hotu.

Lee Mós : Portugál Atribui Medalla Órden de Camões ba Ramos-Horta

Primeiru-Ministru Portugál, António Costa hasoru malu ho nia omólogu Kay Rala Xanana Gusmão iha Palásiu Governu, Díli, Tersa (25/07/2023). Foto/Elio dos Santos da Costa

Primeiru-Ministru Portugál, António Costa, hateten lia-hirak ne’e bá jornalista sira hafoin hasoru malu ho nia omólogu Kay Rala Xanana Gusmão iha Palásiu Governu, Díli, Tersa (25/07/2023).

“Agradese bá Primeiru-Ministru, Xanana Gusmão  ne’ebé simu ha’u ho delegasaun ho di’ak tebes iha momentu ne’ebé sei instala hela nia Governu, no sente ornadu mós tamba hanesan Primeiru-Ministru dahuluk ne’ebé vizita iha Primeiru-Ministru nia funsaun foun iha Governu. Visita ida-ne’e atu bele identifika prioridade sira hotu ne’ebé Governu Timor-Leste iha bá kooperasaun ho forma ida naruk hahú iha 2024-2028, ne’ebé sei korresponde kooperasaun Timor-Leste ho Portugál,” Primeiru-Ministru Portugál António Costa hateten.

Advertisement

António Costa hateten, nia ondradu tebes mai iha Timor-Leste no hasoru Primeiru-Ministru Kay Rala Xanana Gusmão ne’ebé nu’udár pesoa ezemplár iha nia luta bá ezisténsia liberdade ne’ebé sempre inspira ema hotu.

Tuir nia, visita ida-ne’e hanesan momentu ida importante tebes, iha ne’ebé Governu foun Timor-Leste nian hahú daudaun nia servisu ka funsaun sira no ho vizita ne’e Portugál ho Timor-Leste bele iha preparasaun di’ak liután bá programa kooperasaun foun bá 2024-2028.

Nia subliña Visita ida ne’e hanesan mós vizita amizade, vizita traballu no mós nu’udár vizita ofisiál tamba ne’e Embaixadór no Ministru sira hotu ne’ebé akompaña bele dezenvolve servisu sira no dezeña programa estratéjika sira bá kooperasaun.

Primeiru-Ministru Kay Rala Xanana Gusmão, haktuir vizita Primeiru-Ministru Portugál hanesan vizita ida espesiál, tanba akontese loos iha inísiu mandatu IX Governu Konstitusionál, no hanesan hotu-hotu rona ona, Primeiru-Ministru Portugál ohin ko’alia kona-bá planu kooperasaun bá 2024-2028, no ida ne’e sai hanesan prióridade ne’ebé governu rejista.

“Ha’u la ko’alia tan, agora bá oin ita sei estuda kle’an liután kona-bá planu kooperasaun, halo kontaktu intensivu liután atu loron ida bele asina akordu no planu ne’e,” Xanana hateten.

Advertisement

Tuir Xanana, demonstrasaun amizade entre Timor-Leste ho povu Portugés no Governu Portugés sei prova iha prátika sira no apoiu Portugál nian bá nasaun joven Timor-Leste ne’ebé sei dezenvolve an di’ak liután atu povu bele sente rezultadu lolos husi ukun an ida-ne’e.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending