Connect with us
Pakote Ahi

Polítika

Xanana ho Lú-Olo Hasoru-malu iha Konsellu Estadu

Published

on

Hatutan.com, (11 Setembru 2023), DíliDesde impase polítika iha tinan 2019, líder nasionál Kay Rala Xanana Gusmão ho Francisco Guterres Lú-Olo la hasoru-malu hodi tuur hamutuk iha meza ida atu tau hanoin hamutuk bá destinu nasaun ne’e nian, ohin Prezidente Repúblika (PR), José Ramos-Horta konsege halibur hikas líder na’in-rua ne’e inklui Eis Xefe Estadu Taur Matan Ruak no sira seluk hodi tuur hamutuk iha meza ida liu hosi Reuniaun Konsellu Estadu (KE).

Primeira Reuniaun no Serimónia Posse Membru Foun Konsellu Estadu (KE) no Konsellu Superiór Defeza no Seguransa nian (KSDS), iha Palásiu Prezidente Repúblika Bairru-Pité, Segunda (11/09/23). Foto: Elio dos Santos da Costa/Hatutan.com.

Iha okazisaun ne’e Xefe Estadu fó pose bá líder nasionál hirak ne’e hanesan Membru Foun Konsellu Estadu (KE) no Konsellu Superioó Defeza no Seguransa nian (KSDS), iha Palásiu Prezidente Repúblika Bairru-Pité, Segunda (11/09/23).

Lee Mós: Ramos-Horta: Xanana-Taur Hamutuk La Presiza Mediadór

Konsellu  Estadu  hanesan  órgaun  konsultivu  Prezidente  Repúblika  nian  ba  assuntu  polítika,  bazeia  ba  Konstituisaun  RDTL  artigu  90  no  91. 

Advertisement

Alende ne’e Konsellu Superiór Defeza no Seguransa  hanesan  órgaun  konsultivu  Prezidente  Repúblika  nian  ba  assuntu  defeza,  seguransa  no  soberania,  bazeia  ba  Konstituisaun RDTL artigu 148.

Primeira Reuniaun no Serimónia Posse Membru Foun Konsellu Superiór Defeza no Seguransa nian (KSDS), iha Palásiu Prezidente Repúblika Bairru-Pité, Segunda (11/09/23). Foto: Elio dos Santos da Costa/Hatutan.com.

Membru foun  Konsellu  Estadu (KE)  nian  hamutuk  sanulu  resin  haat  mak  hanesan  Prezidente  Parlamentu  Nasionál,  Maria  Fernanda  Lay, Primeiru-Ministru,  Kay  Rala  Xanana  Gusmão,  Eis-Prezidente  Repúblika,  Maijór-Jenerál  Taur  Matan  Ruak,  Eis-Prezidente  Repúblika, Francisco  Guterres  Lú Olo. 

Membru  na’in  lima  nomeadu  hosi  Prezidente  Repúblika  mak  hanesan Abilio  da  Conceição  de  Araujo, Maria  Domingas  Fernandes  Alves  “Mikato”,  Tenente-Jenerál  Tito  da  Costa  Cristovão  “Lere  Anan  Timur”,  Madre  Guilhermina  Marçal  no  Milena  Pires. 

Membru  na’in  lima  seluk  nomeadu  hosi  Parlamentu  Nasionál  (PN) mak  hanesan Virgílio  Smith  “Cranek”,  Jacinto  Viegas  Vicente  “Roke”,  Numinando  S.  Martins “Buras”, Ricardo da Costa Ribeiro no Josefa Alves Pereira Soares.

Primeira Reuniaun no Serimónia Posse Membru Foun Konsellu Estadu, iha Palásiu Prezidente Repúblika Bairru-Pité, Segunda (11/09/23). Foto: Elio dos Santos da Costa/Hatutan.com.

Membru foun  bá  Konsellu  Superiór  Defeza  no  Seguransa  hamutuk  na’in sanulu  resin  tolu  (13) mak  hanesan Primeiru-Ministru,  Kay  Rala  Xanana  Gusmão,  Ministru  Negósiu  Estranjeiru no  Kooperasaun (MNEK), Bendito  dos  Santos  Freitas,  Ministru  Defeza (MD),  Contra-Almirante  Donaciano  do  Rosário  Gomes, Ministru  Interiór (MI),  Francisco  da  Costa  Guterres,  Ministru  Justisa (MJ),  Amândio  de  Sá  Benevides,  Reprezentante  Parlamentu  Nasionál  Deputada  Maria  Terezinha  da  Silva  Viegas,  Deputadu  David  Mandati  Dias  Ximenes  no  Deputadu  Duarte  Nunes,  Chefe  Estado  Maiór  Jenerál  das  F-FDTL, Tenente-Jenerál  Falur  Rate  Laek,  Komandante  Jerál  PNTL,  Komisáriu  Jerál  Henrique  da  Costa, Diretór  Jerál  Servisu  Nasionál  Intelijénsia,  Longuinhos  Monteiro,  Júlio  Tomás  Pinto  no  Nuno  Manuel  Corvelo  de Andrade  Sarmento (Nomeadu hosi  Prezidente  Repúblika).

“Reuniaun  Konsellu  Estadu  no  Konsellu  Superiór  Defeza  no  Seguransa  prezide  hosi  Prezidente  Repúblika,” Hatutan.com sita komunikadu.

Prezidente Repúblika, José Ramos-Horta kaer liman ho Eis Prezidente Repúblika, Francisco Guterres Lú Olo, iha Primeira Reuniaun no Serimónia Posse Membru Foun Konsellu Estadu, iha Palásiu Prezidente Repúblika Bairru-Pité, Segunda (11/09/23). Foto: Elio dos Santos da Costa/Hatutan.com.

Hafoin  fó  pose  ba  membru  foun  sira,  Prezidente  Repúblika  kontinua  kedan    lidera  reuniaun  ba  dahuluk  hamutuk  ho  Membru  Konsellu  rua  hodi  ko’alia  kona-bá  funsaun  membru  sira  nian bazeia ba Lei no Rejimentu.

Membru Konsellu Estadu hamutuk na’in sanulu resin haat no  Konsellu Superiór Defeza no  Seguransa hamutuk na’in sanulu resin tolu sei hala’o sira nia mandatu durante tinan lima.

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

FRETILIN Kestiona Diskursu Prezidente Repúblika iha 20 Maiu La Hato’o Realidade Timor-Leste

Published

on

Hatutan.com, (21 Maiu 2024), Díli— Xefe Bankada FRETILIN, Aniceto Longuinhos Guterres Lopes, kestiona diskursu Prezidente Repúblika, José Ramos-Horta iha ámbitu komemorasaun loron  restaurasaun independénsia bá dala-XXII (20 Maiu 2002-20 Maiu 2024) tanba la refleta situasaun rai-laran.

(more…)

Kontinua Le'e

Polítika

Restaurasaun Independénsia bá Dala-22, PN Husu Timoroan Tomak Halo Reflesaun

Published

on

Hatutan.com, (17 Maiu 2024), Díli—Parlamentu Nasionál (PN) liuhosi deputada bankada FRETILIN, Nurima Ribeiro Alkatiri husu timor oan tomak atu halo reflesaun bá situasaun hotu-hotu ne’ebé Timor-Leste konsege ultrapassa iha nasaun soberanu ida-ne’e.

(more…)

Kontinua Le'e

Polítika

Lider Bankada PN Deside Bolu Ministra Saúde Élia Amaral

Published

on

Hatutan.com, (16 Maiu 2024), Díli– Parlamentu Nasionál (PN) liuhusi Sekretária Meza Parlamentár, Deputada Virgina Ana Belo, informa rezultadu reuniaun bankada, deside sei halo plenária estraordinária iha  Kuarta,  22 fulan-Maiu 2024, hodi bolu Ministra Saúde (MS), Élia A.A dos Reis Amaral, atu buka solusaun bá problema saúde ne’ebé daudaun ne’e akontese iha Timor-Leste.

(more…)

Kontinua Le'e
Advertisement

Trending