Hatutan.com, (12 Setembru 2023), Díli–Senhoras e Senhores, Ilustres convidados, Bom dia, Ohin, ha’u mai hasoru ita-boot sira nu’udar representante povo Timor-Leste tomak nian, nebé simu responsabilidade atu apresenta orçamento ida nebé altera ona ba ita-nia nação. Honra boot ida mai hau bele dirigi ba ita-boot sira hotu, hodi ita discute kona-ba plano financeiro nebé se molda ita-nia país doben né nia futuro. Em primeiro lugar, ha’u hakarak hato’o ha’u-nia gratidão ba cidadãos Timor-Leste sira hotu ba imi nia contínuo apoio no resiliência. Ita-nia nação percorre ona dalan naruk ida desde que hetan nia independência no unidade ho determinação husi ita-nia povo tomak mak lori ita mai to’o iha-né. Enquanto ita hakle’an detalhes husi ita-nia orçamento, ita tenke hanoin hikas princípios orientadores sira nebé tenke molda ita-nia decisões financeiras: transparência, responsabilização, inclusão no sustentabilidade. Princípios hirak-ne’e mak hanesan núcleo husi ita-nia Governo nia esforços ba Timor-Leste ida nebé próspero no harmonioso. 3 / 6 Principal objectivo husi ita-nia orçamento mak atu aumenta crescimento económico, hodi fó prioridade ba bem-estar no ba itania povo nia desenvolvimento.

Primeiru Ministru, Xanana Gusmão. Foto/Dok. Hatutan.com

Ita-nia objetivo mak atu promove ambiente ida nebé la’ós de’it atrai investimento estrangeiro, maibé mós cria oportunidades ba ita-nia empreendedores locais no pequenas empresas sira. Bainhira ita apoia sectores hirak-né, ita bele liberta ita-nia povo nia potencial tomak no impulsiona (ka dudu ba oin) crescimento económico nebé sustentável. Ne significa impulsiona crescimento la’ós de’it tanba gastos nebé Governo halo. Desenvolvimento infra-estruturas iha importância boot tebe-tebes ba nação ida nebé iha hela crescimento hanesan ita-nian. Portanto, parte significativa (ka boot) ida husi orçamento né sei aloca ba projectos de transportes, água e saneamento, energia e telecomunicações.

Melhoria husi ita-nia redes rodoviárias no transporte sei liga comunidades isoladas sira, promove comércio no facilita circulação ba bens e serviços. Além de né, ita sei continua investe iha fontes de energia renováveis no hadi’a mos acesso ba eletricidade, hodi buka aproveita ita-nia recursos naturais ho forma amigável husi ambiente. Educação continua hanesan prioridade ida hotu ba ita-nia governo. Futuro Timor-Leste nian iha ita-nia jovens sira-nia liman, tanba né 4 / 6 mak ita-nia responsabilidade mak atu fó ba sira competências ho conhecimentos necessários atu sira bele hetan sucesso. Investimentos iha educação além de aumenta capital humano, sei contribui mos hodi reduz taxas de desemprego no pobreza. Ita sei concentra iha melhoria da qualidade de educação, iha promoção da formação profissional no iha garantia de oportunidades nebé hanesan ba ema hotu-hotu,la here ba sira-nia origem ou localização geográfica.

Cuidados de saúde hanesan aspecto crucial ida hotu ba ita-nia cidadãos sira-nia bem-estar. Ita-nia orçamento foun inclui disposições ba expansão no melhoria iha instalações de saúde, no mos recrutamento no formação ba profissionais medicos sira. Ita hotu empenhados atu harí sistema de saúde ida nebé robusto (ka forte) nebé bele proporciona acesso universal ba serviços de saúde ho qualidade ba ema hotu-hotu iha Timor-Leste. Agricultura, ita-nia setor tradicional, continua desempenha papel fundamental iha ita-nia economia. Garante segurança alimentar no apoia agricultores sira sei continua hanesan prioridade máxima. Ita sei incentiva técnicas agrícolas modernas, apoia cooperativas agrícolas no investe iha investigação no desenvolvimento hodi aumenta produtividade agrícola no competitividade. 5 / 6 Além de ne, hanesan nação rica iha recursos naturais, ita-nia dever mak atu gere recursos naturais né ho forma responsável.

Advertisement

Orçamento inclui medidas hodi hadi’a gestão de recursos, promove práticas sustentáveis no investir iha projetos de energias renováveis. Ita tenke protégé ita-nia ambiente ba gerações futuras,garante katak ita-nia recursos naturais bele utiliza ho forma nebé economicamente benéfica no ecologicamente sustentável. Hanesan conclusão,Timor-Leste nia orçamento foun né reflecte ita-nia compromisso ita-nia nação nia bem-estar no desenvolvimento.

Ho enfoque nebé forte iha crescimento económico, iha desenvolvimento infra-estruturas, iha educação, iha saúde, iha agricultura no iha gestão de recursos, ita fiar metin ita-nia capacidade atu harí futuro ida nebé próspero no sustentável ba ita-nia cidadãos sira hotu. Ita tenke hanoin katak implementação ho sucesso husi orçamento ida-né exige colaboração ho envolvimento husi partes interessadas sira hotu, inclui husi governo, sector privado, organizações husi sociedade civil no ita-nia cidadãos sira. Hamutuk, ita bele hasoru desafios sira no alcança ita-hotu nia visão kona-ba Timor-Leste ida nebé próspero. No ita hotu bele 6 / 6 continua serviço hamutuk fó liman ba malu ba futuro ida nebé nabilan liu. Obrigado.