Connect with us
Pakote Ahi

Internasionál

TL-Indonézia Asina Akordu Kona-bá Assesu Merkadu Iha Ámbitu OMK

Published

on

Hatutan.com, (24 Outubru 2023), Díli—Xefe Negosiadór Adezaun Timor-Leste (TL) bá Organizasaun  Mundiál Komérsiu (OMK),  atuál Vise-Primeiru Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay asina ona akordu bilaterál istóriku kona-bá assesu merkadu bá bens no serbisu entre TL ho Indonézia iha ámbitu OMK.

Diretora Adezaun OMK, Maika Oshikawa, Reprezentante Permanente Portugal, Embaixadór Rui Macieira ho Prezidente Grupu Traballu Timor-Leste nia Adezaun ba OMK, Embaixadora Lurdes Bessa, Embaixador Febrian A. Rudyard, Diretór Jerál Negosiasaun Komersiais Internasionál Indonézia, Djatmiko Bris Witjaksono ho Adjuntu Reprezentante Permanente Indonezia nian, Dandy Satria Iswara iha serimónia asinatura akordu asina akordu asesu merkadu iha ámbitu OMK, Jenebra (23/10/2023). Foto: Ekipa Traballu OMK.

Reprezentante Permanente iha Jenebra, Embaixadora Lurdes Bessa reprezenta Xefe Negosiadór Timor-Leste nia Adezaun bá OMK, Francisco Kalbuadi Lay, marka pasu signifikativu iha istória nasaun nian bá relasaun komersiais internasionál liu hosi assinatura akordu  bilateral ho Indonézia ne’ebé reprezenta hosi Embaixadór Febrian A. Rudyard hosi Misaun  Permanente  Indonézia nian, iha  23  Outubru  2023, iha Jenebra, Suísa.

Lee Mós: Grupu Traballu Adezaun TL bá OMK  Konklui Reuniaun Da-neen

Tuir Komunikadu ne’ebé Hatutan.com assesu, Francisco Kalbuadi Lay enfatiza kona-bá importánsia adezaun Timor-Leste ba OMK no mós ba ASEAN.

Advertisement

“Timor-Leste nia kompromissu hodi sai membru  OMK nu’udár  prioridade másima no ami mós iha komitmentu hanesan kona-bá adezaun bá ASEAN. Tanba ne’e, nu’udár ami nia parseiru prinsipál komérsiu  bilaterál nian – TL akredita ho firme katak Indonézia kontinua sai parseiru mais importante bá  tantu bá ASEAN  no OMK,” Hatutan.com sita deklarasaun Kalbuadi iha komunikadu.

Akordu bilaterál kona-bá oferta assesu bá merkadu, marka pasu signifikativu hodi hasa’e kresimentu ekonomia, relasaun komersiál no mós esforsu Timor-Leste nian hodi sai membru  ASEAN.

Ida-ne’e sei fó oportunidade bá empreza no  emprendedór sira entre nasaun rua, inklui hametin   relasaun diplomátika entre TL ho Indonézia.

Misaun Permanente TL iha Jenebra, Embaixadora Lurdes Bessa iha asinatura akordu bilaterál ho Indonézia reprezenta hosi Embaixadór Febrian A. Rudyard hosi Misaun Permanente Indonézia nian iha Jenebra, (23/10/2023). Foto: Ekipa Traballu OMK.

Durante sesaun boas-vindas, Diretór Jerál Negosiasaun Komersiál Internasionál  Indonézia, Djatmiko Bris Witjaksono, espressa satisfasaun bá parseria ne’ebé la’o hela no enfatiza kontinuidade hodi apoia Timor-Leste nia aspirasaun hodi adere bá ASEAN.

“Esforsu kolaborativu ne’e la’ós de’it bá OMK,  sei estende mós aspirasoens  Timor-Leste nian hodi adere ba  ASEAN,” sita iha Komunikadu ne’e.

Indonézia nu’udár membru fundadór ASEAN nian, dezempeña papél fundamentál kona-bá promosaun adezaun Timor-Leste nian.

Advertisement

Ho akordu ne’e sei reforsa liu tán pozisaun Indonézia nian nu’udár nasaun  apoiantes prinsipál bá kandidatura  Timor-Leste nian bá ASEAN.

Momentu istóriku ne’e afirma mós vontade no  determinasaun  Timor-Leste nian hodi kumpri kritériu sira kona-bá adezaun bá ASEAN, nu’udár pasu signifikativu bá integrasaun rejionál ne’ebé  kle’an liu ho kolaborasaun no dezenvolvimentu ne’ebé hanesan.

Akordu ne’e nu’udár esforsu krusiál bazeia bá rezultadu reuniaun ne’ebé hala’o iha loron 11  Outubru  2023, iha okaziaun Reuniaun Dane’en  Grupu Traballu kona-bá Timor-Leste nia adezaun bá OMK iha Jenebra, Suísa, lideradu hosi Francisco Kalbuadi Lay.

Marka prezensa iha momentu istóriku ne’e Embaixadór Rui Macieira, Reprezentante Permanente  Portugal no Prezidente  Grupu Traballu Timor-Leste nia Adezaun ba OMK no Diretora Adezaun OMK nian, Maika Oshikawa hamutuk ho  funsionáriu dedikadu sira hosi misaun Timor-leste no Indonézia iha Jenebra.

Jornalista: Leopoldina de Carvalho

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Peringatan 70 Tahun Keanggotaan Ukraina di UNESCO

Published

on

Hatutan.com, (22 Mei 2024), Dili–Ukraina, sebuah negara dengan sejarah lebih dari 1000 tahun dan sebagai persimpangan berbagai budaya, memiliki warisan budaya yang kaya yang menjadi sumber kebanggaan dan identitas nasional.

(more…)

Kontinua Le'e

Internasionál

Vizita Liurai Brunei Darussalam Nu’udár Fatór Importante Atu Motiva TL Adere bá ASEAN

Published

on

Hatutan.com, (20 Maiu 2024), Dili—Primeiru Ministru (PM), Kay Rala Xanana Gusmão konsidera vizita Liurai Brunei Darussalam, Sua Majestade Sultan Haji Hassanal Bolkiah Mu’izzaddin Waddaulah iha Dili, nu’udár fatór importante ida atu motiva Timor Leste hodi prepara-an di’ak liu tán, bele adere lalais bá Association of Southeast Asian Nations (ASEAN).

(more…)

Kontinua Le'e

Internasionál

Index Liberdade Imprensa, TL Hosi TOP 10 Tun bá 20

Published

on

Hatutan.com, (03 Maiu 2024), Díli— Index Liberdade imprensa mundiál bá tinan 2024 ne’ebé anunsia ofisialmente hosi RSF (Reporter Without Border), Timor-Leste (TL) tama iha ranking 20.

(more…)

Kontinua Le'e
Advertisement

Trending