Connect with us
Pakote Ahi

Oe-Cusse

Eleitór Analfabetu Sira iha Suku Usitasae La Vota no Lulun Bulletin Votu Tau Fali De’it bá Urna

Published

6 months ago

on

Hatutan.com, (28 Outubru 2023), Oé-Cusse– Abitante ka eleitór analfabetu  sira hosi Suku Usitasae, Postu Administrativu Oe-silo, Rejiaun Administrativu Espesiál Oé-cusse Ambeno (RAEOA) la uza direitu votu ho di’ak tanba bulletin votu  kandidatu xefe aldeia ho kandidatu delegadu suku nian ne’ebé hakerek ho liman (manuál) no la tau foto. Nune’e, eleitór sira-ne’e barak lulun fali de’it bulletin votu kandidatu xefe aldeia nian hodi hatama moos iha urna-laran.

Lee Mós: Mekanizmu Eleisaun Órgaun Suku La Ajuda Idozu ho Defisiénsia Sira Vota ho Di’ak

Eleitór sira iha suku Usitasae, Postu Administrativu Oe-silo, RAEOA, forma hodi partisipa iha eleisaun órgaun suku, 28 fulan-Outubru 2023. Foto/Lazaro Pereira Quefi.

Foufoun iha tuku 09:00 dadeer, abitante sira tinan to’o bá vota ho entuziazmu hakbesik hodi forma iha liña atu bá vota iha eleisaun órgaun suku ne’ebé hala’o iha loron 28 fulan-Outubru 2023, maibé tanba mekanizmu eleisaun la di’ak hodi han tempu naruk. Nune’e too fali tuku 17:00 Otl mós ema sei forma naruk no sena-malu.  

Eleitór balun deside fila de’it bá uma no la konsege vota tanba la aguenta hamlaha no hamrook tanba hamriik liu oras tolu to’o oras lima nia laran hosi tuku 09:00 to’o tuku 14.00 Otl, la han no la hemu. Sira hamriik iha loron laran no rai-manas halo sira la aguenta.   

Advertisement

Eleisaun órgaun suku 2023 ne’e la hetan apresiasaun hosi eleitór sira no  ida-ne’e eleitór sira konsidera eleisaun aat liu iha istória Timor nian.

Eleitór sira iha suku Usitasae, Postu Administrativu Oe-silo, RAEOA, forma hodi partisipa iha eleisaun órgaun suku, 28 fulan-Outubru 2023. Foto/Lazaro Pereira Quefi.

Komunidade analfabetu sira ne’ebé Hatutan.com dada-lia ho sira iha sentru votasaun Eskola Bázika Filial (EBF) Binibu Pune,  hateten, eleisaun prezidensiál ho eleisaun parlamentár sira liubá nia mekanizmu di’ak tebes no la halo ema forma naruk. Maibé eleisaun órgaun suku ne’e kala la importante tanba ne’e Governu liuhosi STAE organiza la másimu hodi hamosu lakuna barak no ema barak la vota.

Iha Suku Usitasae kompostu hosi aldeia tolu hanesan Pune, Sifin no Buki. Aldeia  Pune iha uma-kain hamutuk 396 kompostu hosi abitante nane 721, feto 678 ho total  abitante 1399. Aldeia Sifin iha uma-kain 334, mane 666 no feto 620 ho total  abitante 1286. Aldeia Buqui iha uma-kain 426, mane 850, feto 807 ho total  abitante 1657.  Total uma-kain Suku  Usitasae hamutuk 1156 ho nia abitante hamutuk 4342.

Jornalista: Lazaro Pereira Quefi

 

 

Advertisement

Tópiku Relasionadu
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Oe-Cusse

Ponte Bitopa “Lori Dezastre” bá Komunidade Hau-ana

Published

2 months ago

on

12/03/2024

By

Hatutan.com, (12 Marsu 2024), Díli—Ponte Bitopa ne’ebé konstrui hosi autoridade Rejiaun Administrativa Espesiál Oecusse Ambeno (RAEAO) iha tinan 2023, lori dezastre bá komunidade bairru Hau-ana, aldeia Buqui, suku Usitasa’e, sub rejiaun Oesilo iha tempu udan.

(more…)

Kontinua Le'e

Oe-Cusse

Estaka Foun La’ós Markasaun Finál, Xanana-Roberto Husu Populasaun Naktuka Kontinua Halo To’os no Lalika Konsumu Hoax

Published

3 months ago

on

01/02/2024

By

Hatutan.com, (01 Fevereiru 2024), RAEOA—Koordenador ekipa téknika Negosiasaun Fronteira Terrestre, Roberto Soares esplika kona-bá estaka foun ne’ebé sai preokupasaun bá komunidade Naktuka, aldeia Manan, suku Bene-Ufe, sub rejiaun Nitibe, Rejiaun Administrativa Espesiál Oecusse Ambeno (RAEOA),  la’ós markasaun finál bá baliza entre rai rua nian maibé hanesan pontu koordenasaun atu lori parte rua bele to’o iha konkluzaun ikus.

(more…)

Kontinua Le'e

Oe-Cusse

João Gonçalves Prioritiza Povu Atoni Sai Na’in bá Dezenvolvimentu ho Planu Integradu

Published

3 months ago

on

31/01/2024

By

Hatutan.com, (31 Janeiru 2024), RAEOA—Koordenadór Zona Ekonomia Espesiál Sosiál no Merkadu (ZEESM), João Mendes Gonçalves sei halo planu integradu hodi fó prioridade bá povu Rejiaun Administrativa Espesiál Oecusse Ambeno (RAEOA) sai na’in bá dezenvolvimentu.

(more…)

Kontinua Le'e
Advertisement

Trending