Hatutan.com, (30 Novembru 2023), Díli— Governu liu hosi Ministériu Edukasaun (ME) hamutuk ho Embaixada Estadus Unidus Amérika (EUA) lansa Distribusaun Ai-han bá Eskola iha Munsípiu Haat hosi Programa Edukasaun no Nutrisaun-HATUTAN ne’ebé Suporta Fundu hosi USDA, iha Armazein CARE Comoro, Díli, (29/11/2023).

Ministériu Edukasaun (ME) hamutuk ho Embaixada Estadus Unidus Amérika (EUA) lansa Distribusaun Ai-han bá Eskola iha Munsípiu Haat hosi Programa Edukasaun no Nutrisaun-HATUTAN ne’ebé Suporta Fundu hosi USDA, iha Armazein CARE Comoro, Díli, (29/11/2023). Foto: Embaixada EUA.

Reprezentante Ministra Edukasaun, Joaquim Martins, Diretór Nasionál Edukasaun Inkluziva no Asaun Sosial Eskolár no Marc Weinstock, Chargé d’Affaires, Embaixada Estadus Unidus Amérika vizita ona CARE nia armazein  iha Comoro hodi asiste karreta tula ai-han doadu no ai-han lokál ne’ebé suporta hosi Governu Estadu Unidus Amérika (EUA) hanesan suplementa bá Programa Nasionál Merenda Eskolár, sei serve besik alunu 75.000 iha Munisípiu Ainaro, Ermera, Manatuto no Autoridade Rejiaun Administrativa Espesial Oé-cusse Ambeno (RAEOA).

Lee Mós: EUA Oferese $200.000 Hodi Dezenvolve Jestaun Iha MS

“Delegasaun sira mós observa ona prátika rai ai-han durante vizita armazein,” Hatutan.com sita komunikadu.

Advertisement

Programa ida-ne’e atu alunu sira bele han ai-han nakonu ho nutrisaun iha loron primeiru eskola tinan oin 2024.

Merenda Eskolár hadi’ak ona alunu nia abilidade estuda no seguransa ai-han ho hamenus alunu nia falta eskola no taxa husik eskola, no hasa’e labarik sira nia konsentrasaun iha aula.

Programa Edukasaun no Nutrisaun-HATUTAN buka atu hadi’ak literasia alunu pré-eskolár no ensinu báziku ho hasa’e prátika di’ak iha saúde, nutrisaun no dieta iha eskola no komunidade sira iha munisípiu Ainaro, Ermera, Manatuto no RAEOA.

Ministériu Edukasaun (ME) hamutuk ho Embaixada Estadus Unidus Amérika (EUA) lansa Distribusaun Ai-han bá Eskola iha Munsípiu Haat hosi Programa Edukasaun no Nutrisaun-HATUTAN ne’ebé Suporta Fundu hosi USDA, iha Armazein CARE Comoro, Díli, (29/11/2023). Foto: Embaixada EUA.

Programa HATUTAN hetan suporta fundu hosi Governu EUA liu hosi Departamentu Agrikultura (USDA) no koordena ho Embaixada EUA iha Timor-Leste.

HATUTAN maka programa tinan-barak implementa hamutuk hosi CARE no Mercy Corps iha parseiru ho Ministériu Edukasaun, Ministériu Saúde, Ministériu Administrasaun Estatál, no Ministériu Agrikultura, Pekuária, Peska  no Florestas.

Programa HATUTAN gia hosi memorandu entendementu entre Ministériu Edukasaun no CARE. Ofisiál eskola sira asina akordu ho CARE no autoridade munisipál kona-bá oinsa maka uza ai-han doadu no ai-han lokál iha Programa Merenda Eskolár.

Advertisement

Hosi Janeiru to’o Marsu 2024, totál ai-han 910.64 metriku tonelada – kompostu hosi foos fortifikadu 400 metriku tonelada, koto-makerek 270 metriku tonelada, no mina tein hosi ai-horis (mina vegetais) hosi EUA 110 metriku tonelada, foos lokál 130 metriku tonelada no ikan-uut lokál 0.64 metriku tonelada – ai-han sira ne’e sei distribui ba eskola 376 iha munisípiu tarjetu haat ba merenda eskolár loroloron.

Rezultadu peskiza faze primeiru hosi Programa HATUTAN hatudu ona katak alunu estuda ho di’ak liu tan bainhira iha ai-han merenda eskolár ne’ebé komesa iha inisiu loron eskola tinan ida nian.

Jornalista: Zita Menezes

Advertisement