Connect with us
Pakote Ahi

Nasionál

Governu Esforsu Dezenvolve Talentu Ema ho Defisiénsia

Published

on

Hatutan.com, (01 Dezembru 2023), Díli—IX Governu Konstitusionál ne’ebé lidera hosi Primeiru-Ministru (PM), Kay Rala Xanana Gusmão sei esforsu atu dezenvolve talentu hosi ema ho defisiénsia sira iha Timor Leste iha área oioin.

Xanana Gusmão iha Centro de Convenções Díli (CCD), Sesta (01/12/2023), bainhira halo abertura semináriu ho tema ‘Únidu Iha Asaun Hodi Salva no Alkansa Objetivu Dezenvolvimentu Sustentável (ODS), Bá, Ho no Hosi Ema ho Defisiénsia’. Foto: Elio dos Santos da Costa.

“Governu liuhosi Ministériu Solidariedade Sosiál no Inkluzaun (MSSI), nomós ho ministériu sira seluk, tenke buka oinsá bele ajuda dezenvolve di’ak liután EhD sira nia kbi’it ruma ne’ebé sira iha. Kuandu temi kona-bá edukasaun, talentu, temi kbi’it, ne’e katak, ema ida-idak bele fó saida mak nia bele. Balun bele sai pintór, balun bele hakerek surat,” Xanana Gusmão hateten iha Centro de Convenções Díli (CCD), Sesta (01/12/2023), bainhira halo abertura semináriu ho tema ‘Únidu Iha Asaun Hodi Salva no Alkansa Objetivu Dezenvolvimentu Sustentável (ODS), Bá, Ho no Hosi Ema ho Defisiénsia’.

Lee Mós: PN La Aprova Proposta Aumentu Osan bá Ema ho Defisiénsia, AHDMTL Husu Prezidente Repúblika Veta OJE 2023

Semináriu ne’e hodi selebra loron mundiál ema ho defisiénsia sira nian ne’ebé sei monu iha loron 03, fulan-Dezembru tinan ne’e.

Advertisement

Xanana dehan, bá oin Governu kia ministériu ida laós atu hasai netik duit oan ruma bá EhD sira han maibé, buka oinsa dezenvolve asaun hodi bele dezenvolve kbi’it ne’ebé ema ho defisiénsia sira lori iha sira nia fuan, sira nia laran no liman.

“Governu sei esforsa aan, sosiedade sívil sira, sentru nasionais sira ho sira nia ajuda, bele dudu no lori nafatin maluk sira ne’ebé ema temi defisiénsia, sira ne’ebé iha hela kbiit, maibé, parte iha sira nia isin, la permite sira atu kontribui hanesan ema ho kondisaun fízika normál,” Xanana hateten.

Semináriu ho tema ‘Únidu Iha Asaun Hodi Salva no Alkansa Objetivu Dezenvolvimentu Sustentável (ODS), Bá, Ho no Hosi Ema ho Defisiénsia’ iha Centro de Convenções Díli (CCD), Sesta (01/12/2023), Foto: Elio dos Santos da Costa.

Iha fatin hanesan, Diretór Ezekutivu Asosiasaun Defisiénsia Timor-Leste (ADTL), Cesário da Silva observa katak, durante ne’e Primeiru-Ministru, Kay Rala Xanana Gusmão sempre fó apoiu bá assuntu ho defisiénsia no la’ós to’o bá iha ne’e de’it.

“Ami nia intensaun atu orientasaun ida ne’e bá seitór hohtotu atu asegura dezenvolvimentu iha Timor-Leste ida ne’ebé inkluzivu. Situasaun ida-ne’e pertinente tebtebes,” nia subliña.

Haree bá tema mundiál iha selebrasaun loron mundiál Ema ho Defisiénsia sira nian, ema hotu tenke iha entendimentu ida di’ak bá assuntu ida-ne’e, ema hotu nia vizaun atinje objetivu dezenvolvimentu sustentável no ho vizaun atu atinje estratejia dezenvolvimentu nasionál ne’ebé sira trasa dadauk.

Atu atinje inkluzaun defisiénsia di’ak liu, presiza duni asaun ida ne’ebé úniku entre ema hothotu, hodi garante katak, ema ho defisiénsia bele asesu ho di’ak iha setór hothotu ne’ebé mak iha territóriu rai-laran, no liu-liu iha prosesu dezenvolvimentu nasionál.

Advertisement

“Barreira ida boot liu ema ho defisiénsia enfrenta iha ita nia kontestu dadauk ne’e, ha’u asesibilidade fíziku, problema boot,” nia subliña.

Haktuir bá dadus hosi Sensu 2022 nian, totál Ema ho Defisiénsia iha Timor-Leste, hamutuk 93.000 iha territóriu nasionál.

Hosi númeru ida-ne’e, 17.000 mak presiza tebes asisténsia ida ne’ebé pozitivu atu bele hetan apoiu espesiál ruma, hodi hatán bá nesesidade ema ho defisiénsia sira nian.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Governu Sosa Ona Mákina Impresora Pasaporte Unidade Rua ho Kustu $330,000

Published

on

Hatutan.com, (21 Juñu 2024), DíliIX Governu Konstitusionál liuhusi Ministériu Justisa (MJ) sosa ona mákina impresora passaporte unidade rua (2) no oras-ne’e daudaun iha hela prosesu instalasaun sistema.

(more…)

Kontinua Le'e

Nasionál

Kandidatu Komisáriu CAC Rui Pereira La’ós Personalidade Independente

Published

on

Hatutan.com, (21 Juñu 2024), Díli—Organizasaun La’ós Governu nian ne’ebé tau matan bá setór justisa, JSMP (Programa Monitorizasaun Sistema Judisiál) kestiona personalidade independente kandidatu komisáriu foun Komisaun Anti Korrupsaun (CAC, sigla portugés), tanba deskonfia Rui Pereira pertense hela bá membru partidu polítika balun ne’ebé ukun hela no atuál sai asesór jurídiku iha ministériu balun.

(more…)

Kontinua Le'e

Nasionál

PR Husu Governu Muda Tabela Salariál no Halo Auditoria bá Servisu E.P ho I.P Sira

Published

on

Hatutan.com, (20 Juñu 2024), Díli- Prezidente Repúblika (PR), José Ramos-Horta, husu Governu halo alterasaun bá  tabela salariál lideransa sira iha Institutu Públiku (I.P) no Empreza Públiku (E.P) no halo mós auditoria  kompletu bá sira-nia servisu.

(more…)

Kontinua Le'e

Trending