Connect with us
Pakote Ahi

Nasionál

Lalika Politiza Funsionáriu Kontratadu Sira

Published

on

Hatutan.com, (01 Dezembru 2023), Díli— Asian Justice and Rights (AJAR) husu bá públiku atu labele politiza funsionáriu kontratadu sira no tenke buka atu kompriende termu kontratu ne’ebé funsionáriu kontratadu sira iha.

Diretór Ezekutivu AJAR, José Luis Oliveira. Foto: Lazaro Pereira Quefi.

Diretór Ezekutivu AJAR, José Luis Oliveira esplika, baibain iha kontratu termu sertu ne’e klaru katak nia iha data terminasaun, bainhira kontratu to’o ona data ne’e mak la estende signifika la presiza ona no ida ne’e normal iha instituisaun públiku no mós privada sira, tanba ne’e lalika atu politiza fali sasán sira ne’ebé klaru hela.

Lee Mós: Kalbuadi Sei Hapara Duni Funsionáriu Kazuál IP-EP Tuteladu Iha MKAE-MTA

José Luis Oliveira fó esepsaun bá funsionáriu permanente sira ne’e mak kontinua Governu bele troka bá mai, maibé nia servisu nafatin to’o idade reforma.

Advertisement

“Funsionáriu kontratadu ne’e bazeia bá kontratu ne’e de’it. Tenki respeita bainhira iha laran hakerek dehan tinan ida hotu, ne’e hotu ona. Iha ami sosiedade sivíl sira ne’e mós kontratu la’ós funsionáriu permanente. Ami bazeia ba kontratu tinan ida kuandu hotu mak ne’e ona. Tanba ne’e tenke komprende no ita labele politiza fali,” José Luis de Oliveira heteten bá Hatutan.com iha nia edifisiu Faról Díli, Sesta (01/12/2023).

Diretór Ezekutivu AJAR esplika assuntu ne’e bainhira jornalista husu opiniaun hanesan sosiedade sivíl kona-bá polémika karta notifikasaun ne’ebé Vise-Primeiru Ministru  no Ministériu Koordenadór bá Assuntu Ekonómiku, Ministériu Turizmu no Ambiente (MKAE-MTA), Francisco Kalbuadi Lay fó sai atu la estende funsionáriu kontratadu 300-resin iha ministériu ne’e iha 31 Dezembru tinan ne’e.

Sosiedade sivíl ne’e husu atu haree maka, bainhira hapara fali funsionáriu permanente ne’e sala no tenke lori bá Tribunál husu atu prossesa nune’e bele halo indemizasaun bazeia ba baze legál ne’ebé iha.

“Mai ha’u, bazeia bá kontratu de’it. Se natureza kontratu hanesan ne’e, ita halo tuir de’it lalika politiza” nia dehan.

Buat ne’ebé nia rekomenda maka, tuir loloos funsionáriu permanente sira ne’e mak Governu tenke investe makas liu, hodi dezenvolve sira nia kapasidade, assegura seguransa sosiál no sira seluk tán hodi sira bele sai profisionál bainhira hala’o sira nia knaar.

Advertisement

Tanba ne’e iha rejime demokrátiku, Governu mak troka bá mai kada tinan lima maibé Komisaun Funsaun Publiku la troka no tuir loloos hanesan ne’e hodi bele nafatin assegura kontinuidade, sustentabilidade bá mákina Estadu.

AJAR mós rekomenda katak, rekrutamentu bá funsionáriu ne’e tenke redús ona kontratadu sira ne’ebé laiha serteza bá mákina Estadu, tenke halo rekrutamentu  liu hosi Funsaun Publiku atu iha Kontinuasaun.

“Tanba ne’e haree bá mákina Estadu labele hanoin de’it bá Governu no fó serviu ba partidu de’it. Ne’e la dezenvolve Estadu ida-ne’e. Governu bele troka maibé mákina Estadu kontinua,” nia rekomenda.

AJAR mós dehan katak, kestaun dezempregu ne’e ema hotu preokupa, maibé tenki haree bá legalidade bainhira kontratu ne’e dehan tinan ida remata, entaun buka fali servisu seluk tanba ne’e hotu ona.

Lee Mós: Diresaun Rekursu Umanu Sei La Estende Kontratu Funsionáriu Kazuál 300-resin Tuir Notifikasaun Ministru Kalbuadi

Advertisement

Jornalista Estajiáriu: Lazaro Pereira Quefi

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Rede Bá Rai Konsidera Projetu Sistema Nasionál Kadastru Gasta Millaun $57 Laiha Rezultadu

Published

on

Hatuta.com, (12 Juñu 2024), Díli –ONG Rede ba Rai konsidera projetu  Sistema Nasionál Kadastru (SNC, sigla portugés) ne’ebé ezekuta husi  kompañia Timor-Leste GMN Holding ho kompañia Portugal ARM-Apprize ho kustu millaun $57  iha tinan 2014 to’o ohin loron la hatudu rezultadu no parsiál barak mak la publika iha mapa to’o agora.

(more…)

Kontinua Le'e

Nasionál

Horta ho Winston Piters Deskute Unidade ASEAN no Kestaun Myanmar

Published

on

Hatutan.com (12 Juñu 2024), Díli- Prezidente Repúblika (PR), José Ramos-Horta ho Vise-Primeiru-Ministru Nova Zelándia Winston Piters diskute unidade nasaun sira iha Association of Southeast Asian Nations (ASEAN) no kestaun  Myanmar.

(more…)

Kontinua Le'e

Nasionál

Sidadaun Estranjeiru Besik 1100 Sei Partisipa Vizita Papa Francisco iha Timor-Leste

Published

on

Hatutan.com, (12 Juñu 2024), Díli-Diretóra Jerál Servisu Migrasaun (SM), Adelaide da Rosa informa, posibilidade sidadaun estranjeiru hamutuk 1100 sei partisipa misa ne’ebé prezide husi Papa Francisco iha Tasi-Tolu,  Díli, Timor-Leste.

(more…)

Kontinua Le'e
Advertisement

Trending