Connect with us
Pakote Ahi

Nasionál

2024, Governu Hasa’e Saláriu Mínimu Hosi $115 bá $150

Published

on

Hatutan.com, (02 Dezembru 2023), Díli—Governu liu hosi Sekretáriu Estadu Formasaun Profisionál Empregu (SEFOPE) sei halo alterasaun bá Lei Traballu númeru 4/2012 loron 21 fulan Fevereiru hodi hasa’e saláriu mínimu hosi $115 bá $150 iha tinan 2024.

Sekretáriu Estadu Formasaun Profisionál Empregu, Rogério Araújo Mendonça informa, antes ne’e Governu anteriór submete ona Lei traballu ne’e ba iha Konsellu Ministru (KM) maibé suidauk hetan aprovasaun.

Lee Mós: Istória Esplorasaun bá Traballadora Timoroan ho Saláriu Mínimu $115

Advertisement

Tanba be’e, iha mandatu IX Governu liu hosi SEFOPE servisu hamutuk ho Konsellu Nasionál Traballu, Konfederasaun Sindikatu Timor Leste (KSTL), Kámara Komérsiu Indústria Timor Leste (CCI-TL) hodi haree fila-fali Lei ne’e atu lori bá Konsellu Ministru atu hetan aprovasaun.

Rogério Araújo Mendonça hatutan, tuir loloos Lei Saláriu mínimu ne’e avansa ona, maibé Governu ne’e foin mak servisu fulan haat, ne’ebé hahú uluk ho programa, Lei orgánika no mós Orsamentu Jerál Estadu (OJE) 2024.

“Bainhira ba iha 2024 mak Orsamentu sira ne’e normál ona ita avansa ho Lei saláriu mínimu ne’ebé mak esbosu prepara kompletu ona, hein bá aprezenta atu hetan aprovasaun iha KM.  Ita garantia katak la demora to’o 2025 maibé iha 2024 ne’e bele hasa’e saláriu mínimu bá $150 tuir proposta ne’ebé ami aprezenta,” Rogério Araújo Mendonça hateten bá jornalista Hatutan.com, iha serimónia despedida no assina deklarasaun entre traballadór bá servisu iha Austrália, Sabadu (02/12/2023).

Líder másimu iha SEFOPE ne’e mós dehan katak, molok atu hakat to’o iha ne’ebá mós Governu liu hosi Sekretáriu Estadu Formasaun Profisionál Empregu (SEFOPE) sei konsulta fila fali ho empreza sira tanba antes ne’e bainhira estabelese saláriu mínimu $115 ne’e tanba hetan korkordánsia hosi empreza sira.

Tanba ne’e, molok atu altera SEFOPE tenke halo duni konsultasaun públika liu liu ho empreza sira tanba daudaun ne’e seidauk iha indústria boot ida mak investe iha Timor, foin mak iha de’it hanesan loja no kompañia sira ne’ebé mak sei bele fó servisu bá traballadór sira.

Advertisement

“Bainhira hasa’e saláriu aas, kompañia senti katak nia la hetan lukru ruma no kompañia sei taka. Entaun, ne’e sei hamosu taxa dezempregu ne’ebé sa’e bebeik,” Rogeiro Araújo Mendonça hateten tán.

Kona-bá traballór sira ne’ebé mak enfrenta problema hosi kompañia na’in, Rogério Araújo Mendonça dehan, ne’e Inspesaun Geral Trabalho (IGT) mak iha kompeténsia atu halo inspesaun bá assuntu ida-ne’e.

Lee Mós: PN Prontu Altera Lei Traballu Hodi Hasa’e Saláriu Mínimu Bainhira Governu Propoin

Jornalista: Leopoldina de Carvalho

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Sei Foti Medida Própriu Hasoru Funsionáriu Tama Servisu Tarde

Published

on

Hatutan.com, (19 Jullu 2024), Díli – Ekipa konjunta; Komisaun Funsaun Públiku (CFP), Komisaun Anti-Korrupsaun (CAC),  Inspetór Jerál Estadu (IGE) no Diresaun Nasionál Patrimóniu Estadu  (DNPE) iha hela faze diskusaun atu foti medida própriu hasoru funsionáriu sira ne’ebe mak tama servisu tarde no sai servisu sedu.

(more…)

Kontinua Le'e

Nasionál

Ema Balun Lori Veteranu Nia Naran Impede Projetu Reabilitasaun Estrada Alas Vila Bá Wedauberek

Published

on

Hatutan.com, (19 Jullu 2024), Díli-Projetu reabilitasaun estrada husi Alas Vila bá Wedauberek, Suku Mahakidan, Munisípiu Manufahi, paradu besik fulan ona, tanba iha ema ka grupu balun lori veteranu nia naran bá halo impedimentu.

(more…)

Kontinua Le'e

Nasionál

Ramos-Horta husu Komisaun Organizadora Vizita Papa Francisco Servisu ho Másimu

Published

on

Hatutan.com, (18 Jullu 2024), Díli- Prezidente Repúblika (PR), José Ramos-Horta husu atu komisaun organizadora vizita Papa Francisco mai Timor-Leste atu halo servisu ho másimu atu lori susesu ba vizita pastorál ne’e.

(more…)

Kontinua Le'e
Advertisement

Trending