Sua Excelência 

Senhora Presidente do Parlamento Nacional 

Suas Excelências

Vice-Presidentes do Parlamento Nacional

Suas Excelências 

Senhoras e senhores Deputados

Senhoras e senhores membros do Governo

Senhoras e senhores,  

Oportunidade ida ne’e sai nudar privilégio ida, atu bele mai  apresenta Proposta de Lei de Orçamento Geral do Estado tinan 2024 nian, ba Vossas Excelências, Senhora Presidente, Senhores Vice-Presidentes no Distintos Deputados.

No, uluk laliu, hodi IX Governo Constitucional nia naran, no ho respeito tomak, ha’u hakarak agradece ba Vossas Excelências, tanba ho laran luak bele aprecia Proposta de Lei ida ne’e, ho carácter de urgência, hodi permite remata tiha processo legislativo tinan ida ne’e nian. Ida ne’e mós mak sei permite atu encerra (ka, taka) vigência OGE 2023, iha 31 de dezembro, no bele ona hahú Tinan foun 2024 ho ninia Orçamento de Estado rasik.

La-ós deit ida ne’e maka ita hakarak, mas ida ne’e mak bele beneficia ita-nia País. Ne’e hotu representa, duni, esforço nebé substancial (ka, boot) husi Parlamento Nacional no husi Governo rasik, nebé, iha fulan nen nia laran, haka’as-an no bele debate Programa do Governo, Orçamento Retificativo no, agora,  Orçamento Geral do Estado. 

Ita-nia Povo merece katak ninia Governantes sira no Instituições públicas sira hotu tenki servisu ho lalais, ho eficiência no ho responsabilidade. Povo timor merece atu prioridades nebé define ona ba próximo ano, tenki começa implementa daudauk ona iha Tinan foun nia hahú, sem duodécimos, sem incertezas ka atrasos iha implementação ba políticas sira nebé hasai tiha ona iha Programa.  

No ne’e hotu só bele acontece, bain-hira Instituições democráticas do Estado coopera ba malu, ba defesa interesses Povo-nian.

Ha’u mós sinti ksolok, tanba haré katak Ita fila fali ona ba dalan nebé diak kona-ba consolidação de exercício democrático, liu husi diálogo, cooperação no husi interação institucional, nudar princípios fundamentais atu atinge (ka, hetan) projeto ida nebé comum, maka atu promove desenvolvimento económico no social iha Timor-Leste. 

Hamutuk     ho     valores     ba     boa-governação,     transparência     no     kona-ba responsabilidade financeira no administrativa, valores nebé Governo ida ne’e incute (ka, hatama) iha processos orçamentais, ita tenki reconhece katak cooperação institucional entre Órgãos de Soberania, mak sei contribui atu Reafirma Estado de Direito Democrático, nudar lema (ka, hanoin no hakarak) boot ida ba IX Governo Constitucional.

Senhoras e senhores Deputados, 

Projeto ne’ebé Governo mai apresenta ba Tinan 2024 maka: “Atu harí ponte ba loron aban: Investe iha Setor Produtivo no iha Capital Social”. 

Ami considera no tau, iha orçamento, objetivos estratégicos husi Programa IX Governo Constitucional nian, iha pilares fundamentais rua: setor produtivo no capital social. 

Orçamento ida ne’e, nudar primeiro orçamento IX Governo nian, estabelece fundações (ka, bases) ba sá-ida mak ami hakarak concretiza (ka, hala’o) iha tinan lima mai ne’e. Oin-sá, mak sei concretiza? Liu husi promove investimentos prioritários, nebé bele contribue ba construção futuro ida nebé próspero no sustentável. 

Investimentos iha infraestruturas públicas, iha capacidade ba produção no criação de emprego, no iha setores económicos diversificados, nebé sei contribui atu impulsiona (ka, dudu) crescimento económico. 

Husi ponto de vista social, investimentos iha educação, saúde, inclusão, combate ba pobreza no iha proteção do meio ambiente terrestre no marítimo, no bele dehan, investimentos iha setores ho impacto direto ba melhoria iha qualidade de vida timoroan sira nian no ho resultados ba longo-prazo. 

Senhora Presidente

Senhores Vice-Presidentes

Distintos Deputados,

Orçamento Geral do Estado ba 2024, nebé ami  propõe, apresenta ninia valor consolidado to’o 1,95 mil milhões de dólares americanos ba Administração Central, Região Administrativa Especial de Oe-Cusse Ambeno no Segurança Social, no la hatama Fundo de Reserva da Segurança Social. 

Montante ida ne’e inclui dotação de 1,83 mil milhões de dólares americanos ba administração central no 60 milhões de dólares americanos ba deit RAEOA.

Receitas Estado-nian ba Orçamento ida ne’e hetan equilíbrio (ka, tetu ho diak) ho despesas do Estado ba Setor Público Administrativo, ba Administração Central no ba subsetor da Segurança Social no ba RAEOA. 

No entanto, atu bele implementa medidas estratégicas atu dudu setor produtivo no ba capital social precisa duni atu halo transferência husi Fundo Petrolífero ás-liu

Rendimento Sustentável Estimado, maibé halo transferência ida ne’e ho hanoin atu mós preserva nafatin integridade ba Fundo ne’e. 

Hanesan hotu-hotu hatene, Fundo ida ne’e tenki sai totalmente transparente no tenki gerido ho forma profissional, iha nebé cada dólar husi receitas nebé mai husi ita-nia recursos petrolíferos tama iha fundo ne’e, hodi nune’e hetan garantia de sustentabilidade ba gerações futuras. 

Tan ne’e, maka Rendimento Sustentável Estimado, nebé sei transfere, sei investe iha diversificação económica no la-ós atu habokur despesas correntes Estado-nian. 

Ami hatene katak levantamentos excessivos husi Fundo Petrolífero halo de’it atu taka défice orçamental, hanesan acontece iha tinan hirak kotuk ne’e, nune’e mak mosu obrigasaun atu hapára tiha tendência ida ne’e. 

Única solução ba ita-nia País, maka tenki investe ho didi’ak recursos sira ne’e, atu hakotu dependência ba Fundo nebé, ha’u dehan tiha ona, tenki investe nudar garantia segura duni ba futuras gerações, ba  futuro nebé sustentável ba País.  

Tan ne’e, atu protege Fundu ida ne’e, ita tenki investe duni. Se la iha investimento sei la iha crescimento, no sei la iha desenvolvimento económico no social. Se la iha investimento, la iha possibilidades atu dinamiza setores produtivos, nebé sei hamosu emprego, no sei labele desenvolve cidadãos nebé saudáveis, qualificados no aptos atu contribui ba diversificação iha economia, nebé necessária tebes atu bele antecipa tiha ba situasaun nebé Fundo Petrolífero sei hotu.

Nune’e maka ami aplica (ka, usa) Rendimento Sustentável Estimado ho rigor no responsabilidade, atu permite estabilidade económica ho di’ak, permite hetan rendimentos no kria emprego, no bele hetan transformação económica nebé sei promove sustentabilidade iha economia.

Iha Proposta ba Orçamento Geral do Estado tinan 2024, ami propõe atu hasai husi Fundo Petrolífero transferência ho valor de 1,38 mil milhões de dólares americanos. Transferência ida ne’e corresponde ba besik 522,1 milhões de dólares americanos husi Rendimento Sustentável Estimado no ho valor de 855,54 milhões de dólares americanos, nebé liu ona Rendimento Sustentável Estimado.  

Ita refere ba investimentos iha agricultura, pescas no pecuária, iha turismo, iha pequenas no médias indústrias no empresas no mós kona-ba apoio ba iniciativa privada. Katak, sei investe iha buat hotu nebé sei promove condições moris-nian no rendimentos ba famílias, enquanto ita buka atu reforça ita-nia soberania no independência, liu husi substitue sasán nebé ita importa ho produção rai-laran rasik.

Ba tinan 2024, ita sei aposta iha áreas tolu nebé cruciais, atu hala’o investimentos substanciais iha infraestruturas produtivas. 

Em primeiro lugar, sei haré ba setor da eletricidade, ho dotação de 165,6 milhões, nebé buka reflete importância estratégica atu garante fornecimento de energia fiável no acessível ba populações no ba empresas. Investimento ida ne’e sei contempla 20% husi população, nebé seidauk iha acesso ba rede elétrica nacional. 

Em segundo lugar, maka setor da construção de infraestruturas, ho dotação to’o 153,5 milhões, hodi reafirma kona-ba urgência iha desenvolvimento de infraestruturas, ba promoção crescimento económico. 

Ami sei reabilita no constrói infraestruturas básicas no sei moderniza sistema de água, saneamento básico no sistemas de drenagem, liuliu iha Díli. No sei instala Cabo de Fibra Ótica, atu garante acesso ba internet ho qualidade ba todos os cidadãos no, cumulativamente, atu facilita crescimento de negócios no  empreendedorismo.

No, em terceiro lugar, maka setor do Petróleo e Gás Natural, ho investimento de 104,2 milhões, hodi enfatiza visão Governo-nian, atu aproveita no otimiza recursos naturais nacionais, hodi promove desenvolvimento económico sustentável. 

IX Governo empenhado atu estabelece base de abastecimento ida no refinaria ida iha Costa Sul, atu liga ba gasoduto nebé mai husi Greater Sunrise, hodi nune’e bele desenvolve indústria petrolífera nacional ne’ebé, ho  buat selu-seluk tan, cria emprego ba timoroan sira.

Ha’u hakarak fó lembra katak objetivo husi projeto Tasi Mane maka atu contribui la-ós deit ba desenvolvimento Costa Sul nian, no ba indústria petrolífera rasik, maibé mós atu proporciona (ka, fó) impactos económicos diretos no indiretos iha País tomak, hodi kaer no haluan benefícios económicos, nebé mai husi exploração ba recursos naturais de Timor-Leste.

Iha País ida hanesan ita-nian, sei jovem no sei frágil, iha nebé besik 60% husi itania população, ho idade menos de 25 anos, precisa tebes iha coragem atu investe iha projetos, nebé sei transforma ita-nia economia no sei consolida estabilidade nacional.

Governação anterior  halo estagna (ka, hapára) tiha esforços hotu-hotu atu alcança no atu elabora acordo ida sobre desenvolvimento ba Greater Sunrise. IX Governo kaer fila fali ona esforços sira ne’e, atu lori gasoduto mai Timor-Leste. 

Excelências sira, permite ha’u atu fó lembra dala ida tan exemplo di’ak ida konaba desenvolvimento nebé ita hakarak ba Timor-Leste, nebé Darwin mak sei testemunha diak liu. Ha’u bá servisu iha Darwin iha tinan 1974, no fila bá iha nebá iha tinan 1999, no liu tiha tinan hirak ha’u bá fali Darwin no impressionado tebes ho desenvolvimento nebé lalais duni iha Território do Norte da Austrália, tanba deit sira hahú no hala’o ona exploração campo Bayu Undan, nebé lolós TimorLeste nian. 

Ita mós hakarak hetan oportunidade atu usa ita-nia recursos hodi desenvolve ita-nia Costa Sul, hodi harí cidades foun no infraestruturas de apoio. Ita hakarak cria postos de trabalho besik Rihun Limanulu, postos de trabalho diretos no indiretos, iha exploração ita-nia recursos no iha fase de construção no operação iha infraestruturas no serviços de apoio ba projeto ida ne’e.

Senhora Presidente

Senhores Vice-Presidentes

Distintos Deputados,

Hanesan Excelências sira bele haré iha documentos orçamentais, nebé Ita Boot sira halo tiha ona apreciação, Orçamento ba Tinan 2024 hatudu mós medidas estratégicas importantes seluk, kona-ba crescimento económico no desenvolvimento País-nian ba longo-prazo, hodi nune’e bele satisfaz necessidades nebé atuais no necessidades gerações futuras nian.

Atu habadak tempo, ha’u sei menciona deit medidas balun, nebé tuir atan-ha’u, relevantes liu no transversais ba governação. 

Ha’u sei hahú temi katak, iha tinan 2024, ami sei revê Plano Estratégico de Desenvolvimento 2011-2030 hodi bele adequa Plano ne’e ba atual estado Naçãonian, no mós ba dinâmicas globais, nebé fó impacto ba ita, iha tina-tinan ikus ne’e.  

Ha’u salienta, iha ne’e, katak pandemia de Covid 19, emergência climática nebé aumenta ba at liu tan, funu iha Europa,  conflito iha Médio Oriente, no mós evolução tecnológica ikus né nian, hamutuk hotu sai hanesan desafios foun nebé Timor-Leste tenki buka acompanha ho diak.

Ha’u la ko’alia deit kona-ba impactos negativos, hanesan aumento das taxas de inflação no taxas de juros, no mós flutuações ba preço do petróleo iha mercado, ho desaceleração iha economia global (katak, economia global mós la’o neineik ona) maibé mós ho possíveis oportunidades nebé mosu iha dinâmica mundial, nune’e mós ita-nia aposta iha Economia Verde no Azul ho inovação nebé tecnologias mais recentes proporciona (ka, oferece).   

Nune’e, IX Governo, iha kedas início do próximo ano, sei aprova Plano de Ação para a Economia Azul, nudar abordagem estratégica nebé buka atu promove economia ida sustentável no ligada ba oceano no ba recursos marinhos, iha nebé tenki iha equilíbrio entre atividades económicas nebé sei desenvolve ho capacidade ba longo prazo husi ecossistemas marinhos, atu suporta atividade né.

Ita finaliza daudauk ona fronteiras terrestres no sei acelera negociações kona-ba fronteiras marítimas ho Indonésia, hodi reafirma ita-nia soberania nacional, hodi dudu potencial económico iha  regiões iha fronteira.

Ha’u aproveita atu informa, ho ksolok, katak equipas técnicas de negociações de fronteiras terrestres, husi Indonésia no Timor-Leste, consegue duni taka ona segmento iha Noel-Besi–Citrana, iha Oé-kusse, nebé  lori tempu kleur tebes atu resolve. Ho conclusão ba processo segmento terrestre ikus ne’e, iha tinan mai – 2024, ita tama ona iha negociações kona-ba fronteiras marítimas ho Indonesia. 

Ohin, ha’u temi kona-ba regiões de fronteira, tanba ita fiar katak necessário duni atu garante katak ita valoriza no promove potencialidades específicas iha região ida-idak, iha município ida-idak. Dalan nebé fundamental atu ne’e bele acontece, maka processo de Descentralização, liu husi do Poder Local.

Iha fulan nen ikus né, Governo servisu maka’as tebes atu elabora quadro legislativo, ne’ebé sei apoia processo de governo local no descentralização nebé sei faseada. Orçamento de 2024 prevê atu hahú governação local, liu husi criação das infraestruturas no condições técnicas nebé necessárias, ho envolvimento husi partes hotu-hotu nebé interessadas localmente. 

Relaciona ho hanoin atu hakbesik cidadãos sira ba Estado no atu permite acesso ba serviços husi Administração Central iha País tomak laran, sei inaugura Balcões Únicos iha sedes Municípios sira hotu, iha tinan mai ne’e. 

PNUD mak ajuda atu desenvolve Balcão Único, ne’ebé ita bolu mós ho naran ‘one-stop-shop’. Programa ida ne’e halo parte ba política da Descentralização administrativa no política ba poder local, ho objetivo atu simplifica no moderniza Administração Local. 

Iha setor da Saúde, Ami compromete atu continua ho implementação ba Política Nacional de Saúde no Plano Estratégico Nacional do Setor da Saúde 2011-2030, hodi maximiza esforços hotu, atu bele garante prestação de serviços ne’ebé di’ak liu, nune’e mós atu loke no haluan acesso ba cuidados de saúde ne’ebé ho qualidade. 

Ami sei investe iha combate ba desnutrição iha país, ami sei investe iha ambulâncias no equipamentos especializados de apoio ba prestação de cuidados de saúde, no sei investe mós iha residências ba médicos no atu  recruta liu tan médicos no funcionários iha área da saúde.

Kona-ba setor da Educação, estabelece tiha ona Comissão de Coordenação de Universidades e Institutos de Ensino Superior, atu desenvolve estratégia coletiva ida hodi reforça apoio estatal no atu haré ba melhoria da qualidade académica iha instituições sira né. Nune’e mós prevê ona atu subsidia universidades privadas hodi promove educação no qualificações ba vida profissional no atu continua desenvolve esforços nebé necessários hodi implementa Escolas CAFE iha Postos Administrativos sira hotu.

Compromisso ida tan, husi compromissos nebé assumidos iha Programa do Governo, maka atu cria no apoia Associação de Arte e Cultura Timorense, atu capacita no encoraja jovens talentosos iha áreas Arte no Cultura nian, hodi promove mós identidade timorense iha plataformas internacionais. Nune’e, iha Orçamento do Estado ida ne’e aloca mós ona verbas atu concretiza objetivo ida ne’e.

Hanesan comprometido tiha ona iha Programa do Governo, ami mós sei reforma setor da Justiça ho  criação do Supremo Tribunal de Justiça no ho realiza ações de formação nebé abrangente ba juízes no procuradores.

Iha fali área relações internacionais no política externa nian, ha’u hakarak destaca atu loke Embaixada foun ida iha Índia, nudar economia no democracia boot ida mós iha mundo, no mós Consulado iha Irlanda do Norte, atu protege no presta serviços consulares ba timoroans sira nebé hela iha nebá.

Ha’u destaca mós importante papel husi diplomacia atu atrai investimento estrangeiro, nebé sei cria emprego no atu continua desenvolve programas ba trabalhadores sazonais iha países amigos.

Iha âmbito desenvolvimento ba setores económicos tradicionais, ha’u hakarak refere ba investimento iha agricultura no iha setor das pescas, inclui atu sosa barcos no equipamentos, nebé diak ba pesca iha tasi-klaran, no apoio nebé boot liu ba setor privado, hodi fó apoio ba empresas locais atu hamrik no atu buras, tuir sáida maka previsto ona iha Política Nacional da Indústria, nebé atualmente Governo sei prepara hela.

Ita sei estabelece Banco de Desenvolvimento de Timor-Leste ho objetivo atu facilita acesso ba financiamento ba longo prazo, ho taxas de juros nebé acessíveis. Hamutuk ho medida ida ne’e, ita sei combate burocratização iha processos no sei cria ambiente nebé favorável liu ba  investidores sira, hodi facilita atividades comerciais iha setor bancário, atividades iha instituições de seguros, atividades iha instituições de microcrédito no iha mercado financeiro iha Timor-Leste. 

Ikus liu, IX Governo sei haka’as-an atu contribui ba Nação nebé justa, hodi hamenus desigualdades no promove  inclusão, no cria oportunidades ba ema hotu, independentemente ba género, idade, local hela fatin, religião, condição social ka económica, ka orientação sexual.  

Atu promove inclusão, ami sei desenvolve programa hanaran “Lian ba Lian-laek”, ami sei investe iha feto no labarik sira, iha pagamento das pensões sociais no sei apoia idosos no inválidos, hodi aumenta pensão social atu assegura rendimento nebé digno ba ema sira hotu nebé precisa duni apoio ida ne’e. 

Senhora Presidente

Senhores Vice-Presidentes

Distintos Deputados,

Atu haktuir princípios transparência nian, ami labele apresenta Orçamento de Estado sem ko’alia kona-ba despesa pública.

Montante total ba despesa, nebé prevista ba Administração Central no ba Região Administrativa Especial de Oe-Cusse Ambeno fahe hanesan tuir mai:

• 468,8 milhões ba salários e vencimentos;
• 386,3 milhões ba bens e serviços;
• 589,7 milhões ba transferências públicas;
• 34,2 milhões ba capital menor;
• 411 milhões ba capital de desenvolvimento.

Ho relação ba Orçamento da Segurança Social, inclui Fundo de Reserva da Segurança Social, ita aloca 347,6 milhões de dólares americanos.

Karik ita prefere haré ba distribuição Orçamento Geral do Estado, husi termos setoriais, mak tuir mai ne’e: 

• 788,2 milhões ba assuntos económicos; 
• 389,6 milhões ba proteção ambiental;
• 467,1 milhões ba proteção social;
• 140,9 milhões ba educação;
• 66,2 milhões ba saúde;
• 45,2 milhões ba habitação no infraestruturas coletivas;
• 55,3 milhões ba segurança no ordem pública;
• 34,9 milhões ba defesa.

Ita mós tenki ko’alia kona-ba números, ho relação ba execução orçamental.

Tanba tenki responde mós ba transição husi VIII ba IX Governo, iha tinan ida ne’e,  2023, ita iha períodos distintos Rua kona-ba execução orçamental. Primeiro período, maka entre 1 de janeiro ba 30 de junho, no segundo período, husi 1 de julho to’o 31 de dezembro. Dados kona-ba execução orçamental total do IX Governo, to’o 15 de novembro, sai 34%, compara ho 29% husi execução iha anterior Governo ba  período fulan nen nian.

Em termos gerais, ami estima (ka, haré) katak sei iha execução orçamental de 85%  to’o final do ano,  compara ho execução orçamental iha tinan 2022, ho deit 79%.

Relaciona ho execução orçamental do IX Governo, ha’u tenki menciona katak, iha fulan né nia laran, equipas governamentais esforça-an atu halo levantamento exaustivo ba correções hotu-hotu nebé necessário duni atu imprime iha governação, inclui processos, sistemas no metodologias, nebé trava hela crescimento económico no desenvolvimento sustentável. 

Ne’e inclui mós prepara estrutura orgânica ba cada linha ministerial, renova quadro jurídico-administrativo iha estruturas no políticas nacionais, hodi define objetivos no prioridades ba tinan lima mai ne’e.

Ikus liu, ha’u hakarak ko’alia oitoan kona-ba cenário macroeconómico nacional.

Hanesan ha’u dehan tiha ona, Orçamento ida ne’e mak sei hatúr bases de desenvolvimento entre 2024 no 2028, ho metas ba redução da pobreza ho 10%, taxa média de crescimento económico ho 5%, melhorias iha gestão no sustentabilidade das finanças públicas, no hamutuk ho hanoin no hahalok sira ne’e, criação de campos de trabalho, pelo menos to’o 50.000 empregos.

Prevê katak PIB real não-petrolífero hamenus ba 2,2% em 2023, tanba queda iha execução da despesa pública, depois de eleições. Maibé, prevê katak sei iha aumento da despesa iha 2024 no, nudar resultado, crescimento sei sa’e ba 4,1%, nebé sei sai hanesan objetivo ba próximos anos atu mantém taxa de crescimento de 5%, iha PIB não-petrolífero.

Dotação orçamental ba tinan 2024 diminui iha 8,3%, compara ho orçamento tinan 2023, mesmo que considera katak Governo identifica ona poupanças de eficiência iha Orçamento Retificativo de 2023.

Aumento iha Orçamento de 2024 corresponde ba despesas de capital de investimento ho 144 milhões de dólares, atu impulsiona crescimento económico.

Nune’e mós, hodi aplica limite orçamental ida nebé kiik liu do que iha OGE 2022 no iha OGE original 2023 nian, ba Administração Central no RAEOA, iha duni compensação ba investimento capital.

Ha’u sinti ha’u tenki fó lembra fali ba Excelências sira katak, iha Governo anterior, limites orçamentais  ás tebe-tebes liu fali valor mais elevado de despesa, nebé executa ona iha ita-nia país no, nune’e duni, atu garante sustentabilidade orçamental, teto orçamental ba tinan 2024 besik liu capacidade atu absorve no capacidade atu executa, hodi permite mós eficácia no eficiência di’ak liu ba investimento ba tinan 2024.   

Em termos mais simples (ka, atu ko’alia liu deit), husi ponto de vista macroeconómico, IX Governo pretende (ka, hakarak), to’o final ninia mandato, aumenta ba dobro PIB real não petrolífero, aumenta  crescimento iha consumo familiar, diminui maka’as crescimento importações no atu aumenta neineik no beikeik crescimento do investimento no crescimento ba exportações. 

Kona-ba inflação, iha duni aumento iha fulan sira ikus né, tanba aumento do preço do arroz no petróleo, husi fenómenos alheios (ka, la liga ho) situação nacional. 

Maski ita prevê katak situação ida ne’e sei  continua iha fulan sira dahuluk iha 2024, revogação ba imposto ba fós no açúcar no revisão ba aumento dos direitos de importação, nebé implementa ona husi IX Governo iha Orçamento retificativo de 2023, sei provoca reduções (ka, hamenus) pressões inflacionistas iha médio prazo (depois mercados iha ona tempo atu reajusta tuir). Iha ne’e, ita ko’alia kona-ba taxa de inflação (IPC, média anual) de 7%  iha 2022, ho previsão de 8,3% iha 2023 no 2,5% iha tinan 2024.

IX Governo la pretende (ka, hakarak) sai populista, maibé sei esforça-an atu sai transparente no íntegro. Ne’e duni, ha’u hakarak klarifika iha ne’e katak, atu alcança crescimento económico não petrolífero, nebé ita buka atu sai 5%, precisa tebes atu investe ho didi’ak no ho qualidade, iha próximos cinco anos. 

Ba ne’e, ita tenki duplica crescimento agrícola, hodi reduz tiha importações; ita tenki hadi’a  conetividade ba internet hodi melhora produtividade no fó kbiit ba empresas no negócios; ita tenki investe iha turismo, no investe iha Economia Azul ne’ebé sei lori contrapartidas (ka, resultados) nebé boot; ita tenki adere ba ASEAN no Organização Mundial de Comércio, atu capitaliza oportunidades foun no lokean ba mercados foun; no ita tenki apoia crescimento setor privado nian, nebé sei contribui maka’as ba redução despesa pública. 

Senhora Presidente

Senhores Vice-Presidentes

Distintos Deputados,

Depois de apresenta tiha, em linhas gerais, Orçamento de Estado ba tinan 2024, ne’ebé hakarak implementa medidas estratégicas no indispensáveis atu responde ba necessidades geração atual nian no hodi cria mós condições ba gerações vindouras, hodi promove bem-estar atual cidadãos timoroan hotu nian, ha’u hato’o ba consideração  Distintos Deputados sira-nian, sá-ida mak atan-oan ha’u apresenta iha ne’e.

Ho haraik-an, ha’u bele dehan katak considerações hotu-hotu atu bele halo orçamento ida ne’e bele duni servi ita-nia povo, ami simu Ita-Boot sira nia considerações.

Ami-nia compromisso ba povo timorense, la-ós ba ami-nia ego ka ba ami-nia idaidak nia vaidade pessoal ka política. 

Nune’e, ami fiar katak debate ne’ebé sei tuir mai iha próximos dias, debate ida nebé sei construtivo no responsável, debate ne’e essencial tebes atu servi ita-nia nação, tuir ita hotu ninia compromisso atu defende interesse nacional no atu honra sacrifícios husi sira nebé mate atu ita bele exerce ita-nia direitos no deveres iha liberdade nia laran.

Ba bem-estar Feto hotu-hotu nian, ba Mane sira no Labarik sira iha ita-nia Raidoben, Ita hotu hetan, dala ida tan, Responsabilidade atu tau tomak ita-nia empenho, integridade no profissionalismo iha análise ba orçamento ida nebé buka atu reflete prioridades no políticas IX Governo nian ba Tinan oin ne’e, hodi usa recursos financeiros Estado-nian nebé limitados.  

Ba bem-estar no desenvolvimento iha futuro Timor-Leste nian, ha’u agradece antecipadamente Excelências sira-nia contributos no karik Ita-Boot sira nia exigência atu “ponte” nebé ita atu harí ba Loron Aban nian, bele sólida no resiliente hasoru desafios nebé ita hatene sei mosu no desafios sira nebé ita la consegue prevê. 

Obrigado wain no atan-oan ha’u nia respeito ba Excelências sira hotu.

Parlamento Nacional, Díli, 12 de dezembro de 2023. 

Kay Rala Xanana Gusmão