Hatutan.com, (12 Dezembru 2023), Díli—Ministériu Edukasaun ofisialmente anunsia rezultadu ezame nasionál tinan 2023 ne’ebé hatudu katak, totál estudante ne’ebé mak aprovadu hamutuk 52.603 no reprovadu hamutuk 2.767, mai hosi númeru estudante rejistadu hamutuk 56.218 ho númeru ne’ebé partisipa iha ezame nasionál hamutuk 55.370 no auzente na’in-484.

Estudante EBC Lafaek Mutin, aldeia Rai-mate, Suku Asulau Sare, Postu administrativu Hatulia Zona A, munisipiu Ermera. Foto/Hatutan.com.

Númeru rezultadu ezame nasionál ne’e kompostu hosi  nível Ensinu Báziku estudante ne’ebé rejistu 28.696, estudante ne’ebé prezente iha ezame nasional 28.372, estudante ne’ebé aujente iha ezame nasionál hamutuk 334 ho nia rezultadu aprovadu 26.922 ho %94,92 no reprovadu 1.440 (%5,08).

Lee Mós: Estudante 58.134, Na’in 21 “Lakon” Iha Ezame Nasionál Tinan 2022

Ensinu Sekundáriu Jerál ho númeru estudante ne’ebé rejistu 23.064, prezente iha ezame nasionál 22.700, Auzente 364, aprovadu 21.380 no reprovadu 1.320.

Hosi Ensinu Sekundáriu Tékniku Vokasionál ho nia estudante  ne’ebé rejistu 4.057, prezente iha ezame 3.964, auzente 93 rezultadu aprovadu 3.964 (%100).

Hosi Ensinu Rekorente ho ninia estudante ne’ebé rejistu 401, prezente iha ezame nasionál 344, auzente 57 ho rezultadu aprovadu 337 ( %97,97), reprovadu 7 (%2,03).

Kona-bá Rezultadu Mellór Klasifikadu mak hanesan, Ensinu Báziku

1. Ensinu Báziku Santo Inacio de Loyola Kasait, Francisca E. P Gonçalves Gomes ho valor 54,44
2. EB Santo Judas Thadeus, Moreina Quinavo Tinal Soarres ho valor 52,10
3. Eskola Cafe Díli, Zigiovanio Moniz da Silva Neto ho valor 52,03
4. Eskola Cafe Dili, Geovinio de Andrade Monteiro ho valor 50.96
5. Santo Inacio de Loyola, Lucia Apolonia Hornai Neto ho valor 50,64
6. EBC Café Covalima ho valor 50,07
7. EB Santo Inacio de Loyola, Juvilia Alma Frans Exposto, ho Valor 49, 94
8. EB Café Maliana, Grasa Estela de Deus Avi ho Valor 49,74
9. EBC Abat Oan, Fatoni F. O da Costa ho valor 49,61
10. EB Santo Inacio de Loyola, ho valor 49.50
11. EBC Cáfe Ermera, Leonia Maria Fatima dos Santos ho valor 49,50

Ensinu Sekundáriu Jerál

1. Ensinu Sekundáriu Jerál Cafe Lautem, Deonia de Jesus Moreira ho valor 61,49
2. Ensinu Sekundáriu Semináriu Menór, Jai da Silva ho valor 59,34
3. ESC Santo Inacio de Loyola, Willy Cristian Lee ho valor 58,27
4. ESC Santo Antonio Baucau, Abrão P. J. Vitor ho valor 57,80
5. ESC Santo Antonio de Loyola Leilali Daubere Gonçalves Gomez ho valor 57,30
6. Ensinu Sekundáriu Jerál Reinu Venilale, Julia G da Silva ho valor 57,14
7. Ensinu Sekundáriu São Pedro Comoro, Zenia Eva de Deus Fatima, ho valor 56,89
8. Ensinu Sekundariu Jeral Santo Inacio de Loyola, Rubin Quevin Gusmão ho valor 56,53
9. Ensinu Sekundário Jerál Colegio Maliana, Aparicio da Costa ho valor 56, 51
10. Ensinu Sekundáriu Jerál Nino Konis Santana Lautem, Bofi da Costa Correia ho valor 56,43

Ensinu Sekundáriu Tékniku Vokasionál

1. ESTV Dom Bosco Mau Mali, Fredi Rorigues Flora Pereira, Departementu Tékniku Eletrisidade ho valor 33,27
2. ESTV Dom Bosco Fatumaca, Egas da C Noronha, Departementu Tékniku de Carpintaria e Machenaria ho valor 33,10
3. ESTV Dom Bosco Fatumaca, Inacio J. F De Jesus, Departementu Elektrónika Audio Video e TV ho valor 32,03
4. ESTV Dom Bosco Fatumaca, Casiano Z. P. Rego, Departementu Tékniku Elektroniku Audio, Video e TV, ho valor 30,70
5. ESTV Dom Bosco Fatumaka, Carol. S.T J Talo, Departementu Tékniku Elektróniku Audio, Video e TV, ho valor 30,43
6. ESTV Dom Bosco Fuiloro, Elnia Auzilia Calada Sampaio dos Santos, Departementu de Produsaun Agraria ho valor 29.64
7. ESTV Dom Bosco Mau Mali, Abilio da Cunha Alen, Departementu Tékniku de Eletrisidade, ho valor 29,36
8. ESTV Santa Maria Mazarelo, Tamazia Maria Pereira, Departementu Tékniku de Alimentasaun I Bebidas ho valor 29,30
9. ETB Tastopa Hatu-udo, Krisdayanti Zyta Suriana Machedo, Departementu Tékniku de Produsaun Agraria, 28,94
10. ESTV Tastopa Hatu-do, Ervinia da Costa Neves, Departementu Tékniku de Comersiu ho valor 28,93

Ministériu Edukasaun (ME)  liu hosi Gabineti Avaliasaun Dezenvolvimentu Kurikulár organiza ona ezame nasionál  ba alunu sira iha IX anu, ensinu báziku, désimu segundu anu ba ensinu sekundáriu iha loron 16 to’o 19 fulan Outubru tinan 2023.

Ministra Edukasaun, Dulce de Jesus Soares.

Ministra Edukasaun, Dulce de Jesus Soares hateten, ezame nasionál nu’udár pasu importante tebes iha estudante sira nia moris akadémiku, tanba sai nu’udár instrumentu avaliasaun sumartivu ida ba estudante sira ne’ebé atu remata sira nia estudu iha ensinu báziku IX anu, no mós ba sira iha désimu segundu anu ne’ebé atu konklui sira nia ensinu sekundáriu.

“Tuir ezame nasionál fó oportuniadade ida atu sukat estudante sira nia dezempeñu atu avalia kualidade ensinu atu fornese informasaun bá planeamentu edukasaun iha futuru partikularmente ba ensinu sekundáriu, atu fasilita triazen bá kandidatu ne’ebé atu assesu ba ensinu superior,” Dulce de Jesus Soares hateten iha ámbitu anunsiu rezultadu ezame nasionál.

Ministra Edukasaun mós kongratula professór sira hotu ne’ebé ho profisionalizmu tomak eduka no prepara no orienta ona oan doben sira hodi to’o ona iha pontu ida-ne’e.

Rezultadu ezame nasionál aponta katak taxa aproveitamnetu escolár liu 80% ba ensinu báziku no mós ba ensinu sekundúriu iha nível nasionál.

Nun’e ME konsidera katak hosi prespetiva implementasaun pedagózika eskola balun halo ona servisu di’ak no iha esperansa katak iha tinan sira tuir-mai estudante sira atu hatudu dezempeñu di’ak liu do que tinan ida-ne’e.

Hanesan hatuur ona iha Lei, rezultadu ezame nasionál sura hamutuk ho valor eskola hodi hamosu valor final ne’ebé sei determina alunu ne’e aprovadu ka la’e.

“Iha tinan akadémiku 2023, maski taxa aproveitamentu liu 80% maibé iha grupu balun reprovadu, la konsege alkansa kompeténsia ne’ebé hatur iha padraun kurrikulu nian. Labele husik ida hapara imi nia antuziasmu atu aprende nafatin. Ami fiar katak alunu ida iha nia potensia extraordináriu no bele susesu iha future,” nia dehan.

Governu iha responsabilidade atu kria kondisaun nune’e estudante sira hotu bele hetan susesu akademiku.

Akta aprovasaun rezultadu ezame nasionál tinan 2023, konsidera diploma ministeriál númeru 19/2020,19 fulan maiu kona-bá regulamentu avaliasaun aprendizazen iha siklu  datoluk ensinu báziku.

Diploma ministeriál númeru 22/2020 19 fulan janeiru kona-bá regulamentu aprendijazen iha ensinu sekundáriu jerál, iha Dekretu Lei númeru 8 2010 kona-bá aprovasaun planu kurrikular rezime implementasaun modelu sertifikasaun no organizasaun no  avaliasaun iha ensinu tékniku vokasionál.

Jornalista: Leopoldina de Carvalho