Hatutan.com (03 Janeiru 2024), Díli—Primeiru-Ministru (PM), Kay Rala Xanana Gusmão akompaña hosi Prezidente Repúblika (PR), José Ramos-Horta fahe prémiu bá juventude kreativu sira ne’ebé reprezenta sira nia aldeia no suku iha munisípiu Díli, hodi harii prezépiu furak iha resintu Palásiu Prezidensiál, Bairru-Pité (01/01/2024).

Primeiru-Ministru (PM), Kay Rala Xanana Gusmão akompaña hosi Prezidente Repúblika (PR), José Ramos-Horta fahe prémiu bá juventude kreativu sira ne’ebé reprezenta sira nia aldeia no suku iha munisípiu Díli, hodi harii prezépiu furak iha resintu Palásiu Prezidensiál, Bairru-Pité (01/01/2024). Foto: Média PR.

Antes fahe prémiu, Lider Mundiál na’in-rua, Premiadu Nobel bá Dame, José Ramos-Horta no Lider Rezisténsia, Xanana Gusmão halo selesaun bá prezépiu sira hodi orienta ekipa halo vídeo no hasai fotografia iha tempu kalan no loron hodi fase kada prezépiu no asina kedan fotografia prezépiu nian no entrega direta bá manán-sira nu’udár rekordasaun ne’ebé kontribui harii prezépiu meninu Jesus Kristu moris iha bibi-luhan Belém ho sira nia kreatividade oioin.

Lee Mós: Prezépiu Natál Nu’udár Atrasaun Turizmu Relijiozu Úniku

Durante fulan ida prezépiu ne’e harii, ema atus resin mak vizita no liu-mai ho karreta no motór hodi haree no hasai fotografia hodi louva insiativa di’ak tebes hosi nai ulun Prezidente Repúblika no Primeiru-Ministru nian ne’e.

Prezépiu 25 ne’e, Primeiru-Ministru halo klasifikasaun tuir klase lima (5)  mak hanesan, klase 𝐀 𝐧𝐮’𝐮𝐝á𝐫 𝐩𝐫𝐢𝐦𝐞𝐢𝐫𝐨𝐬 𝐂𝐥𝐚𝐬𝐬𝐢𝐟𝐢𝐜𝐚𝐝𝐨𝐬, klase 𝐁 𝐧𝐮’𝐮𝐝á𝐫 𝐒𝐞𝐠𝐮𝐧𝐝𝐨 𝐂𝐥𝐚𝐬𝐬𝐢𝐟𝐢𝐜𝐚𝐝𝐨𝐬, klase 𝐂 𝐧𝐮’𝐮𝐝á𝐫 t𝐞𝐫s𝐞𝐢𝐫𝐨 𝐂𝐥𝐚𝐬𝐬𝐢𝐟𝐢𝐜𝐚𝐝𝐨𝐬, klase 𝐃 𝐧𝐮’𝐮𝐝á𝐫 k𝐮𝐚𝐫𝐭u C𝐥𝐚𝐬𝐬𝐢𝐟𝐢𝐜𝐚𝐝𝐨𝐬 𝐧𝐨 klase 𝐄 𝐧𝐮’𝐮𝐝á𝐫 𝐐𝐮𝐢𝐧𝐭𝐨 𝐂𝐥𝐚𝐬𝐬𝐢𝐟𝐢𝐜𝐚𝐝𝐨𝐬.

Advertisement

Klase 𝐀  mai hosi aldeia Bairru Formoza, Suku Gricenfor ho prezépiu númeru 3 prémiu simu direta hosi Xefe aldeia, João A. do Carmo Santos, Aldeia Suka Lau, Suku Dare ho prezépiu númeru 20, prémiu sira hosi Xefe Aildeia Aida de Araújo, Suku Bidau Lecidere ho prezépiu númeru 25, prémiu simu hosi Xefe Aldeia Januário G. Prada, Aldeia 30 de Agosto, Suku Comoro ho prezépiu númeru 33, prémiu simu hosi Xefe Aldeia  Filomeno J. H. M. Alves, Audian Bloko 3, Suku Santa Cruz  ho prezépiu númeru 34, prémiu simu hosi Xefe Aldeia  Janio F. Araújo no ikus Aldeia Moris ba Dame, Suku  Bairru- Pité ho prezépio númeru 35, prémiu simu hosi Xefe Aldeia Fabianto de L. E. Calçona.

Klase 𝐁, mai hosi Aldeia Hali Dolar, Suku Hera ho prezépiu númeru 10, prémiu simu hosi Xefe Aldeia, Vikiano G. Fonseca,  Aldeia, 4 de Setembro, Suku Comoro, ho presépio númeiru 12,  prémiu simu hosi Xefe Aldeia  Saturlino D. C. Nahak, Aldeia Ai-Lok Laran, Suku Kamea ho prezépiu númeru 9, prémiu simu hosi Xefe Aldeia, Augusto Vieira, Aldeia Anin Fuik, Suku Kampo Alor ho presépio númeru 14, prémiu simu hosi Xefe Aldeia, Rogério do Carmo,  no Aldeia Kaukau Lidun, Suku Bairro-Pité ho prezépio númeru 19, prémiu simu hosi Xefe Aldeia, Rogério Manuel Guterres.

Klase 𝐂 mai hosi Aldeia Nopen, Suku Vila Verde ho przépiu númeru 6, prémiu simu hosi Xefe Aldeia, Nicson M. Pereira de Matos, Aldeia Kakeu Laran, Suku Becora ho prezépiu númeru 16, prémiu simu hosi Xefe Aldeia, Santina de Oliveira no Aldeia Fomento 3, Suku Comoro ho prezépiu númeru 31, Prezépiu simu hosi Xefe Aldeia, Romário B. de Jesus.

Klase 𝐃 mai hosi Aldeia Fila  Ba Tua, Suku Dare ho prezépiu númeru 26, prémiu simu hosi Xefe Aldeia, Alice Tilman, Aldeia Zero Um, Suku Kaikoli ho prezépiu númeru  15, prémiu simu hosi Xefe Aldeia, Francisco Rui da Silva, Aldeia Kare Laran, Suku Lahane Ocidentál ho prezépiu númeru 21, Prémiu Simu hosi Xefe Aldeia,  Jakeu Corte-Real Noronha, Aldeia 12 de Outubro, Suku Komoro ho prezépiu númeiru 23, Prémiu simu hosi Xefe Aldeia, Gil Hornai, Aldeia Sorumutu ba Dame, Suku Kulu Hun ho prezépiu númeru 29, preimiu simu hosi Xefe Aldeia, Ciser Porfírio Bento, Aldeia Likarapoma, Suku Bairro Pité ho prezépiu númeru 24, Prémiu Simu hosi Xefe Aldeia, Pedro Rufino de Oliveira no Aldeia Audian Rai Moris, Suku Santa Cruz ho prezépiu númeru 27, prémiu simu hosi Xefe Aldeia, João V.B.O. Gusmão.

Klase 𝐄 mai hosi Aldeia Bekusi Centro, Suku Bekora, ho prezépiu numeru 22, prémiu simu hosi Xefe Aldeia, Abraão I. da Silva, Aldeia Mura, Suku Santa Cruz ho prezépiu numeru 11, prémiu simu hosi Xefe Aldeia, Timóteo M. Sousa, Aldeia Beto Tasi, Suku Madohi ho prezépiu númeru 18, prémiu simu hosi Xefe Aldeia,  Antónia Noronha no Aldeia Andevil, Suku Bairro Pité ho prezépiu numeru 32, prémiu simu hosi Xefe Aldeia, Lourenço C. de Araújo.

Advertisement

Xefe Governu Xanana agradese ba inisiativa PR Ramos-Horta halibur juventude sira reprezenta suku harii prezépiu ba dame iha Palasiu Prezidente ne’ebé naloke ba povu tomak.

“𝐏𝐫𝐞z𝐢𝐝𝐞𝐧𝐭𝐞 𝐑𝐞𝐩𝐮́𝐛𝐥𝐢k𝐚 𝐦𝐚𝐤 𝐡𝐨𝐥𝐚 𝐢𝐧𝐢s𝐢𝐚𝐭𝐢𝐯𝐚 𝐢𝐝𝐚-𝐧𝐞’𝐞,  𝐤𝐚𝐩𝐚𝐳 𝐭𝐞𝐛𝐞𝐬, 𝐡𝐨𝐝𝐢 𝐟𝐨́ 𝐨𝐩𝐨𝐫𝐭𝐮𝐧𝐢𝐝𝐚𝐝𝐞 𝐛á 𝐤𝐨𝐦𝐮𝐧𝐢𝐝𝐚𝐝𝐞 𝐬𝐢𝐫𝐚 𝐛𝐞𝐥𝐞 𝐡𝐚𝐛𝐮𝐫𝐚𝐬 𝐬𝐢𝐫𝐚-𝐧𝐢𝐚 𝐢𝐦𝐚𝐣𝐢𝐧𝐚𝐬𝐚𝐮𝐧 𝐡𝐨𝐝𝐢 𝐛𝐮𝐤𝐚 𝐦𝐚𝐧𝐞𝐢𝐫𝐚 𝐨𝐢-𝐨𝐢𝐧 𝐛𝐞𝐥𝐞 𝐡𝐚𝐭𝐮𝐝𝐮 𝐬𝐢𝐫𝐚-𝐧𝐢𝐚 𝐯𝐚𝐥𝐨𝐫𝐞𝐬 K𝐫𝐢𝐬𝐭𝐚𝐮𝐧 𝐧𝐨 𝐬𝐢𝐫𝐚-𝐧𝐢𝐚 𝐭𝐚𝐥𝐞𝐧𝐭𝐮,” Hatutan.com sita deklarasaun PM Xanana  iha komunikadu.

Ho inisitiva ida ne’e, Governu, ikus mai, sinti mós responsabilidade atu fó apoia tomak ba hahalok di’ak tebes ne’e, hodi kuda Armonia, Kuda Kooperasaun, Kuda Domin no Hametin Dame iha ita-nia Rai Doben Timor Lorosa’e.

Nune’e maka, Governo harí Ekipa ida hodi haré ho di’ak, hodi analiza prezépiu ida-idak, iha rai-laron no Rai Kalan. Ekipa ne’e hare ba aspetus hotu-hotu, husi grupu ida-idak nia arte no nia improvizasaun no nia arranjus oi-oin, hodi bele apresenta prezépio sira ne’ebé furak.

Ekipa ne’e lori sira-nia observasaun no análize ba Primeiro-Ministro no sira deside, tuir kritérius ne’ebé difísil duni, atu klasifika prezépios sira ne’e.

Advertisement

Prezidente Repúblika, José Ramos-Horta rasik mós sei fó prémiu ba grupu ka juventu sira ne’ebé harii ona prezépiu furak hirak ne’e iha loron 05 Janeiru 2024.

Premiadu Novel ba dame ne’e konsidera iha mundu, uniku Palasiu Prezidente Timor-Leste nian de’it mak fó oportunidade ba juventude kreativu sira hodi harii prezépiu iha Palasiu nia oin ne’ebé halibur ema barak hodi hala’o vizita no hasai fotografia iha prezépiu hirak ne’e.

Xefe Estadu dehan, Timor-Leste sorte tebtebes, tanba ho povu nia kumpromisu, Timor-Leste moris iha mundu ho dingnidade ho respeitu no Timor-Leste nia indeks demokrasia la’o di’ak tebes iha mundu no liberdade imprensa Timor-Leste ranking 10 iha mundu.

Ba Timor-oan sira iha rai laran no rai liur ne’ebé halo’o estudu no servisu hanesan iha Reinu-Unido, Austrália, Koreia do Súl, Portugál no rai seluk, Premiadu Nobel ba Dame Ramos-Horta konsidera sira fó kontribuisaun makas ba familia no nasaun Timor-Leste, tanba osan ne’ebé sira haruka ba familia kontribui mòs ba reseita Estadu.

Jornalista: Vito Salvadór

Advertisement