Hatutan.com, (20 Janeiru 2024), Díli—Sekretáriu Jerál Organizasaun Nasoens Unidas (ONU), António Guterres kontinua kondena makás funu ne’ebé mosu iha Gaza entre Israel, Ukrainia, Rusia no raik seluk ne’ebé afeita makás liu bá povu barak mate no sai vitima, moris terus no sofre krize ai-han.

Sekretáriu Jerál Organizasaun Nasoens Unidas (ONU), António Guterres. Foto: GPM.

António Guterres  kondena funu ne’e  durante intervensaun iha ámbitu Forum Ekonómiku Mundiál (World Economic Forum) bá dala-54, iha Davos-Klosters, Suiça, (18/01/2024).

Lee Mós: TL Kontinua Kondena Konflitu Armadu iha Gaza-Ukránia Inklui Junta Militár Myanmar

“Mundu triste bainhira povu sivil ne’ebé maioria feto no labarik hetan oho, halo sira alezadu, obriga sira halai hosik hela uma no la assesu ba direitus umanus,” Hatutan.com sita deklarasaun António Guterres iha komnunikadu.

ONU sei halo intervesaun maka’as atu solusiona funu no konflitu sira hodi hari’i hikas órdem demokrasia no pás iha nasaun sira.

ONU mós sei halo esforsu maka’as hodi bolu parseiru hotu-hotu fó solusaun atu hakotu funu iha hirak ne’ebé temi.

António Guterres konsidera funu entre Rúsia, Ukraina, Sudaun, Israel no Gaza ne’e viola regra no Lei internasionál hodi riba no sama bá rai kona-bá konvensaun Jenewa no viola regra ONU ne’ebé buka harii pás no dame bá mundu tomak.

Forum Ekonómiku Mundiál iha sidade Davos Suiça ne’ebé sai uma na’in ne’e partisipa direta hosi xefe estadu no xefe governu sira hosi nasaun hamutuk 52 no seitór privádu 600,  marka prezensa mós hosi Sekretáriu Jerál Nasoens Unidas (ONU), António Guterres.

Jornalista: Rogério Pereira Cárceres