Connect with us
Pakote Ahi

Nasionál

Rogério Lobato Sei Tane Interese Povu Atoni no Investiga Ró Haksolok

Published

on

Hatutan.com (26 Janeiru 2024), Díli— Rogério Tiago Lobato ne’ebé hetan ona nomeasaun hosi IX Governu Konstitusionál hanesan Prezidente Autoridade Rejiaun Administrativa Espesiál Oecusse Ambeno (RAEAO) hodi troka Prezidente sesante Arsénio Paixão Bano iha ninia prioridade durantu hakarak atu serví no tane interese povu Atoni no mós sei halo investigasaun hodi buka solusaun bá kazu Ró Haksolok.

Prezidente Autoridade Rejiaun Administrativa Espesiál Oecusse Ambeno (RAEAO), Rogério Lobato.

Rogério Lobato fó-sai prioridade ida-ne’e hafoin enkontru ho Ministru Interiór (MI), Francisco Guterres iha Vila-Verde, Sesta (26/01/24).

Lee Mós: Prezidente Repúblika Husu MP ho KAK Labele Politiza Investigasaun Kazu Ró Haksolok

“Primeiru, loloos ha’u la devia ko’alia agora. Tanba, ha’u tutela bá Primeiru Ministru nune’e molok ha’u atu ko’alia buat ruma kona-bá Oe-cusse ha’u tenki ko’alia ho Primeiru Ministru, koordena saida mak ami tenke halo uluk. Maibé, hanesan imi husu ona, klaru preokupasaun boot liu maka oinsa bele tane interese povu Oe-cusse nian. Ami bá ne’ebá atu servi povu Oe-cusse sei la haree bá partidu. Ha’u ema FRETILIN tanba ha’u apoiu maun Xanana hanesan Prezidente CNRT no kontinuadór Prezidente Nicolau Lobato to’o ukun rasik aan,” Rogério  Lobato hateten.

Advertisement

Rogério Lobato sei koopera ho Partidu CNRT no Primeiru Ministru, Kay Rala Xanana Gusmão hodi lori Oe-cusse bá oin.

Nia dehan, maski iha demokrasia ne’e sé mak manán nia mak ukun, tanba ne’e agora CNRT mak manán nia duni mak ukun.

Maski nune’e, Rogério deklara nia hanesan FRETILIN nia laiha problema atu koopera hamutuk ho CNRT no Primeiru Ministru Kay Rala Xanana Gusmão hanesan líder nasionál no líder karismátiku, hodi lori rai ida-ne’e bá oin liuliu lori Oe-cusse bá oin.

Prezidente Autoridade RAEOA nomeadu ne’e mós iha ninia prioridade ida kona-bá kazu Ró haksolok ne’ebé nia rasik konsidera katak, iha Lian Portugés karik dehan ‘batata quente’ ida ne’ebé administrasaun sesante pasá hela mai iha administrasaun foun RAEOA nian nune’e nia ho ekipa sei buka oinsá atu hetan solusaun ida ne’ebé di’ak.

“Ha’u sempre dehan, uluk kedan imi akompaña iha televizaun iha fatin hotu-hotu katak, kazu Ró ida ne’ebé ita sosa de’it ho millaun $9 no fin ita selu tiha besik millaun $30, katak ho millaun $30 ne’e ita bele hola Ró tolu. Maibé, ita hola de’it Ró ida labele tanba oras-ne’e Ró ne’e nunka to’o iha Timor. Problema la’ós atu to’o iha Timor, maibé tanba saida mak Ró ida millaun $9 de’it nia bele sai tiha bá besik  millaun $30,” nia kestiona.

Advertisement

Durante mandatu, Rogério Lobato sei buka estabelese kooperasaun ho nasaun Portugál hodi buka hatene empreza ne’ebé mak halo asina akordu bá projetu ró ne’e rasik.

“Ami sei servisu tuir dalan investigasaun nian. Sei halo kooperasaun ho nasaun Portugál atu hatene empreza ida ne’ebé mak asina akordu ho administrasaun sesante. Tanba ita atu taka kontratu ho empreza ida válida empreza ne’e hanesan mout ona iha Portugál. Sira hatene hela maibé tanba saida mak sira taka kontratu ho empreza ida-ne’e, no osan ne’e Timor nian. Ita sei buka solusaun,” Rogério Lobato esplika.

Nia mós dehan katak, sei la lori ema ida bá Tribunál, maibé sei halo de’it investigasaun bá kazu ne’e no bainhira iha investigasaun ne’e maka haree katak iha buat ruma la loos, sei entrega bá Ministériu Públiku (MP) ka dalan legal ne’ebé baibain maka prátika iha Timor Leste atu haree.

“Lori ka la lori bá Tribunál, ou sé lori duni bá Tribunál nia tenki defende an iha Tribunál. Sé nia defende aan di’ak nia bele sai. Sé nia defende aan la di’ak ne’e Tribunál mak sei hatene,” Rogério Lobato subliña.

Foin lalais ne’e, Prezidente Repúblika (PR), José Ramos-Horta husu bá Ministériu Públiku (MP) ho Komisaun Anti Korrupsaun (KAK) labele politiza investigasaun bá kazu Ró Haksolok tanba situasaun ne’e kleur ona.

Advertisement

Antes ne’e mós Koordenadora Grupu Traballu Reforma Justisa, Lúcia Lobato hateten, Relatóriu Kamara Kontas nian públika ona no iha relatóriu ne’e hakerek buat barak kona-bá irregularidade iha prosesu sosa Ró Haksolok, maibé deskonfia Ministériu Públiku (MP) mak  budu hela hodi la halo investigasaun.

Nune’e, hatán bá ne’e foin lalais ne’e Prokuradór Jerál Repúblika (PJR), Alfonso Lopez hateten katak, Prosesu kona-bá Kazu Ró Haksolok nia labele ko’alia tanba sei iha hela segredu justisa.

Antes ne’e mós Diretór Jerál Investigasaun KAK, José de Araújo Verdiál hateten, normalmente relatóriu Kámara Kontas ne’e haruka diretamente bá Ministériu Públiku no KAK rasik labele hateten bá públiku saída de’it mak mosu iha relatóriu laran tanba iha hela faze investigasaun.

Jornalista Estajiária: Zita Menezes

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

CI ho ABC-ID Lansa Matadalan Jornalizmu Inkluzivu

Published

on

Hatutan.cm, (16 Abríl 2024), Díli—Conselho de Imprensa (CI) servisu hamutuk ho Australia Broadcasting Coorporation-International Development (ABC-ID) hala’o lansamentu bá Matadalan Jornalízmu Inkluzivu.

(more…)

Kontinua Le'e

Nasionál

Projetu Reabilitasaun Estrada iha Díli Laran “La Obedese” bá Prinsípiu Transparénsia

Published

on

Hatutan.com, (16 Abríl 2024), Díli– Iha Rejime Jurídiku Aprovizionamentu (RJA) fó sentidu katak  projetu fíziku (projetu ho karater emerjénsia ka karater normal)  ne’ebé iha implikasaun bá Orsamentu Estadu nian tenke tane as no garante prinsípiu transparénsia.

(more…)

Kontinua Le'e

Nasionál

Prezidente Repúblika ho CCI-TL Diskute Dezafiu Investimentu iha TL

Published

on

Hatutan.com, (16 Abríl 2024), Díli Prezidente Repúblika (PR), José Ramos-Horta hamutuk ho Câmara Comercio Indústria Timor-Leste (CCI-TL) hala’o diskusaun kona-bá dezafiu investimentu iha Timor-Leste liuliu liga ho lejislasaun sira.

(more…)

Kontinua Le'e
Advertisement

Trending