Connect with us
Pakote Ahi

Dili

Prepara Simu Papa Francisco iha TL, Komisaun E-PN Haree Kondisaun Aeroportu ho APORTIL

Published

on

Hatutan.com, (01 Fevereiru 2024), Díli– Komisaun E-Parlamentu Nasionál (PN)  ne’ebé trata asuntu Infra-Estrutura, Kuarta (31/01/2024), halo fiskalizasaun iha  Aeroportu Internasionál Prezidente Nicolau dos Reis Lobato, ho Autoridade Portuáriu Timor-Leste (APORTIL) hodi haree besik liu kondisaun infraestrutura aeroportu nian, liuliu fatin VIP hodi prepara atu simu vizita Papa Francisco nian mai Timor-Leste iha tinan ne’e nia laran.

Lee Mós: Komisaun E-PN Sei Halo Fiskalizasaun bá Projetu Aeroportu Internasionál Prezidente Nicolau Lobato

Aeroportu Internasionál Prezidente Nocolau dos Reis Lobato, Díli, Timor-Leste. Foto/Rogério Pereira Cárceres

“Iha loron 31 fulan-Janeiru 2024, komisaun E halo fiskalizasaun iha Díli laran, entaun ami bá iha fatin rua; Aeroportu Internationál Nicolau Lobato no APORTIL,” Prezidente Komisaun E, Marcos Xavier haktuir bá jornalista sira iha PN, Kinta (01/02/2024).

Iha fatin primeiru vizita, Aeroportu Internationál Nicolau Lobato, Komisaun E haree direitamente kondisaun ne’ebé maka iha Aeroportu iha buat barak maka tenke halo reabilitasaun liuliu fatin VIP nian no mós buat ne’ebé bele urjentimente halo realibilitasaun.

Advertisement

Komisaun E mós halo ona sorumutuk ho Autoridade Nasionál Aviasaun Timor-Leste espliká katak sira iha komisaun ida ne’ebé estabelese entre liña ministérial para halo reabilitasaun iha tempu badak bá Aeroportu Internationál Nicolau Lobato

“Bá oin sira sei hadi’a buat barak ne’ebé maka iha Aeroportu liuliu iha VIP tanba sé Papa Francisco  mai ita tenke iha kondizaun ne’ebé maka di’ak no mós sala ne’ebé tenke sufisiénte bá bainaka sira mai hosi rai-li’ur,” nia tenik. 

Problema ne’ebé komisaun E identifiká iha fiskalizasaun maka a eletrisidade iha Aeroportu ne’ebé mate-lakan. Nune’e, Komisaun E rekomenda bá  Autoridade Nasionál Aviasaun Timor-Leste atu hadi’a fali jeradór sira ne’ebé maka iha para nia bele funsiona sé kuandu ahi-eletrisidade mate.

Komisaun E rekomenda bá parte Eletrisidade Timor-Leste, Empreza Públiku (EDTL,E.P) atu halo operasaun bá ai-hun boot sira iha Díli laran hodi labele fó impaktu bá liña transmisaun eletrisidade  

“Komisaun E haree katak ita Timor ne’e haree katak udan mai, rai lakan anin boot ahi sempre mate, ha’u lahatene nian impaktu ne’e mai hosi ne’ebé, maibé ha’u nota katak  fiu ne’ebé maka agora daudaun dada iha Díli laran ne’e, fiu ne’e tempu Indonézia nian tuir loloos fiu ne’e bele troka ona agora depende bá iha IX Governu haree took sé iha orsamentu para troka fiu sira ne’e, tanba komesa Indonézia nia mai to’o ita ukun aan ne’e komesa tinan hira ona kuazé tina 30 liu ona. Entaun nia impaktu ida maka ne’e ida, tanba iha Díli laran ita -ia komunidade sira ita iha ai-hun boot-boot de’it sé ita laiha manutensaun bá iha ai sira ne’e para evita labele sirkuitu bá iha fiu entaun EDTL tenke haree halo operasaun bá iha ai sira ne’e tesi ka aparu tiha atu impaktu labele monu kona-bá fiu sira ne’e halo ahi-mate no halo populasaun sira hakilar,” Marcos Xavier hateten.

Advertisement

Komisaun E mós halo fiskalizasaun bá APORTIL  hodi haree kondizaun uma ne’ebé fó imajen ladi’ak bá iha kapitál Díli nia fuan.

“Ami mós halo fiskalizasaun iha portu Díli, APORTIL, iha kondizaun uma rua maka ita haree nia kondisaun hatudu imajen ladún di’ak entaun ami hasoru tiha  APORTIL nia mós espliká katak iha mós kompañia ida bá haree ona kondizaun bá haree ona iha portu Díli ne’e hanesan mós iha tempu besik sira sei halo reabilitasaun bá portu Díli,” nia haktuir.

Jornalista Estajiária : Zita Menezes

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Domingas Afonso Amaral Lidera FOKUPERS Períodu 2024-2027

Published

on

Hatutan.com, (14 Juñu 2024), Díli– Domingas  Alfonso Amaral, lidera Forum Komunikasaun bá Feto Timor-Leste (FOKUPERS) períodu 2024-2027 ho programa prioridade tolu.

(more…)

Kontinua Le'e

Dili

Jesus Mak iha Fuan Ida Nakonu ho Domin To’o Mate bá Lia-Loos

Published

on

Hatutan.com, (07 Juñu 2024), Díli-Sarani Parokia Sagradu Korasaun Jesus Becora, Díli, Sesta (07/06/2024), selebra festa Sagradu Korasaun  Jesus nian liuhusi misa solenidade ne’ebé prezide husi  Pe. Bernado Paivan.

(more…)

Kontinua Le'e

Dili

Sarani Katolika Selebra Festa Solenidade Kristu

Published

on

Hatutan.com, (07 Juñu 2024), Díli—Sarani Katólika iha mundu, inklui Timor-Leste, Sesta (07/06/2024), selebra festa  solenidade Kristu ka  selebra Jesus Kristu Nia Futar Fuan Santu ne’ebé fó an bá mate iha krus hodi soi ema hotu no kasu  ema nia sala sira.

(more…)

Kontinua Le'e
Advertisement

Trending