Connect with us
Pakote Ahi

Justisa & Krime

Demite La Tuir Prosesuál, GMN Selu Kompensasaun Diretu Eis-Jornalista Carmelita Isaac US$8,361,35

Published

on

Hatutan.com, (02 Fevereiru 2023), Díli- Empreza Grupo Média Nacional (GMN, SA), obrigadu tenke selu kompensasaun  direitu eis jornalista Carmelita Isaac Amaro de Jesus, ho valór $ 8,361,35 tanba  GMN, SA halo demisaun bá traballadra refere la tuir prosesuál ne’ebé vigora iha Kódigu Laborál Timor-Leste.

Lee Mós: Kazu Hasai Traballadór, Tribunál Anula Desizaun GMN no Tenke Selu Remunerasaun $8,361,35

GMN selu kompensasaun direitu eis jornalista Carmelita Isaac Amaro de Jesus, ho valór US$8,361,35 iha Edífisiu JU,S, Farol, Díli, Sesta (02/02/2024). Foto/Vito Salvadór

Kompensasaun ne’ebé empreza GMN, SA selu ba traballadora eis-jornalista Carmelita Isaac Amaro de Jesus, Sesta (02/02/2024), iha Edifísiu JU,S, Faról, Díli, bazeia bá desizaun Tribunál Judisiál Primeira Instánsia Díli (TJPID) ho Nuc 0057/20 CVTDD (Termu Pagamentu).

Advogadu Olívio Barros hosi JU,S ne’ebé fó asisténsia legál bá eis jornalista GMN Carmelita Isaac Amaro de Jesus hateten, prosesu ida-ne’e liga ho desizaun Empreza GMN,SA nian ne’ebé hapara traballadór sira iha 2019 no iha desizaun hapara kontratu sira ne’e haree katak iha lei traballu ne’e hateten klaru katak desizaun atu termina relasaun kontratu traballadór ida nia tenke liu husi prosesu disiplinár.

Advertisement

 “Ita haree katak tanba traballadór mak sala mak fó empreza foti desizaun ida-ne’e, maibé nia lala’ok ba desizaun ne’e tenke liuhosi prosesu ida mak to’o iha demisaun, katak tenke loke prosesu disiplinár. Maibé GMN, SA la halo ida-ne’e,” Advogadu privadu Olívio Barros esplika.

Nia afirma relasiona ho nia kliente nia situasaun, tuir saida mak aprezenta bá nia hanesan defeza ami haree, katak iha altura kuandu foti desizaun la loke prosesu disiplinár tuir lei traballu haruka no haree katak empreza nia maneira termina kontratu la tuir lei traballu no ho situasaun sira ne’e mak  husu bá Tribunál atu deside fila fali katak desizaun ne’ebé empreza iha ilísitu tamba ne’e mak iha inísiu 2020  halo asaun bá iha Tribunál hodi husu petisaun no liuhosi prosesu lubuk ida, julgamentu, testemuña sira ba deklara no ikus mai Tribunál a-favór bá ita hodi hateten katak desizaun Empreza nian la tuir prosesu disiplinár ne’ebé mak lei traballu haruka.

“Agora señora Carmelita Isaac Amaro de Jesus nian mak Tribunál deside kondena fali empreza GMN no tenke selu retroativu hanesan saláriu hotu ne’ebé konta hahú husi loron terminasaun kontratu sepihak husi empreza too loron desizaun Tribunál nian sai,” Advogadu Olívio Barros bá Hatutan.com.

Nia hatutan husi desizaun Tribunál ne’ebé iha, parte ida mos husi impaktu bá desizaun Tribunál nian maka tenke re-integra traballadora ne’e bá iha nia fatin servisu, kuandu empreza la justifika katak ema ne’e mai la prejudika ka empreza laiha kbiit atu selu traballadora refere. Tamba empreza GMN hanesan reu la justifika, nune’e desizaun Tribunál mós hateten katak tenke re-integra bá nia servisu fatin, ho ida ne’e mak kuandu desizaun remata ne’e nia fila fali ba servisu fatin.

No bainhira kontinua servisu mak nia sente la konfortavel no seguru nia mós iha direitu atu husu rezignasaun husi fatin ne’ebá.

Advertisement

Traballadora nu’udár eis jornalista hosi GMN, Carmelita Amaro Isaac Sarmento, simu kompensasaun ho manasa hosi empreza GMN,SA. Foto/Vito Salvadór

“Ohin ita mai halo pagamentu ida ne’e bazeia Tribunál nia desizaun sai iha 2023, maibé tamba nia bá fali servisu no sira nonook de’it, entaun ita halo fila fali asaun ida naran ezekusaun para obriga empreza GMN tenke selu, ne’e mak Tribunál, horisehik ka hodibainrua, notifika fila fali ita katak empreza sei halo pagamentu bá iha montante ne’ebé Tribunál nia desizaun antes iha ona,” Advogadu Olívio haktuir.

Defeza Empreza GMN, SA, Martinho Soares hateten prosesu ida ne’e kona-bá empreza hasai ninia traballadora sira hosi empreza. Entaun, kuandu hasai traballadór sira hosi empreza mak traballadór sira la kontente sira halo prosesu kontra empreza mai iha Tribunál.

“Iha momentu ida ne’e iha despaxu Tribunál nian katak halo pagamentu bá traballadór sira kona-bá sira-nia direitu no iha momentu ida ne’e empreza kumpre nia obrigasaun atu halo pagamentu bá traballadór sira,”  Martinho Soares hateten bá jornalista iha TJPID.

Nia hatutan, kuandu iha desizaun Tribunál nian tuir lei defeza laiha fatin atu foti prosesu ruma kuandu empreza konkorda ona.

Tribunál Judisiál Primeira Instánsia Díli, iha loron 24 fulan-Janeiru 2023,  ne’ebé Hatutan.com asesu no asina hosi juis de direitu, António José Fonseca Monteiro de Jesus, no notifika bá parte sira, empreza GMN ho Carmelita Isaac Amaro Sarmento, katak desizaun hasai traballadora Carmelita Isaac Amaro Sarmento, la iha baze no la tuir rekizitu Lei ne’ebé vigora.  

Desizaun  Tribunál Judisiál Primeira Instánsia Díli nian mak hanesan;

Advertisement
  1. Tribunál konsidera karta demisaun GMN nian bá traballadora Carmelita Isaac Amaro Sarmento nula
  2. Tanba ne’e Tribunál deside atu re-integra fali Carmelita Isaac Amaro Sarmento bá servisu fatin iha GMN
  3. Husu GMN atu selu remunerasaun bá Carmelita Isaac Amaro Sarmento  ho valor  $8,361,35 .  

Grupo Média Nacional (GMN,SA) liuhosi nia jestorial sira deside hasai traballadora nu’udár mós jornalista Carmelita Isaac Amaro Sarmento iha fulan-Novembru tinan 2019 ho razaun tanba halo dezobediénsia iha servisu fatin.

Iha fulan hanesan no tinan hanesan empreza GMN mós foti desizaun hasai nia traballadór nu’udar mós jornalista na’in-tolu (3) seluk, mak hanesan Evaristo Maris, Julito Ximenes ho Ajinha Lola.

Desizaun GMN nian ne’e parte traballadór la simu husu protesaun advokasia bá asosiasaun jornalista sira, hanesan Timor-Leste Press Union (TLPU) ho Asosiasaun Jornalista Timor Lorosa’e (AJTL)   hodi prosesa kazu disputa laborál ne’e bá parte Sekretaria Estadu Formasaun Profisionál no Empregu (SEFOPE) liuhosi Diresaun Nasionál Relasaun Traballu (DNRN), Departamentu Mediasaun no Konsiliasaun  hodi halo mediasaun. Maibé ,iha prosesu ne’e la hetan solusaun tanba parte sira la konkorda malu, liuliu GMN la aseita atu rekupera evor time bá traballadór sira-ne’e.   

Ho prosesu mediasaun ne’ebé la iha solusaun ne’e, traballadór sira  nu’udár mós jornalista ho asisténsia legal hosi JU,S Jurídiku Sosiál hodi tama prosesu legal bá  Tribunál Judisiál Primeira Instánsia Díli.

Bá kazu traballadór nu’udár mós jornalista Evaristo Maris nian, Segunda (11/4/2023), halo ona julgamentu iha   Tribunál Judisiál Primeira Instánsia Díli hodi rona sasin ka testemuña sira ne’ebé parte sira arrola. Nune’e, iha loron 18 fulan-Abríl kontinua fali julgamentu bá faze alegasaun nian.  

Iha loron 19 fulan-Abríl 2023, Tribunál Judisiál Primeira Instánsia Díli mós halo julgamentu bá kazu disputa laborál entre GMN ho traballadora nu’udár mós jornalista Ajinha Lola, no iha fali loron 25 fulan-Abríl 2023, sei iha mós julgamentu bá disputa laborál entre GMN ho traballadór ka jornalista Julito Ximenes.   

Advertisement

Iha dokumentu karta notifikasaun bá traballadór sira ne’ebé empreza GMN hasai sira ho razaun mak hanesan; traballadora nu’udár jornalista Carmelita Isaac Amaro Sarmento, GMN deside hasai tanba dezobediénsia bá ierarkia servisu, traballadora nu’udar mós jornalista Ajinha Lola, GMN deside hasai tanba abandona servisu, GMN hasai Evaristo Maris nu’udár traballadór no jornalista tanba konsidera halo violasaun repetetivu bá regra jornalizmu no traballadór nu’udár mós jornalista Julito Ximenes, hasai tanba konsidera halo dupla funsaun.

Jornalista: Vito Salvadór

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

FONGTIL Preokupa Autoridade Sira Nonook ho Kazu Ró Tranship II no Expo Dubai

Published

on

Hatutan.com, (22 Abríl 2024), Díli– Forum ONG Timor-Leste (FONGTIL) preokupa ho prosesu transparénsia hosi Ministériu Públiku (MP) kona-bá kazu Ró Tranship II ho Expo Dubai ne’ebé FONGTIL submete to’o agora la iha follow-up no MP nonook tiha de’it.

(more…)

Kontinua Le'e

Justisa & Krime

Eviksaun, PDHJ Konsidera Aprosimasaun SEATOU Sees Hosi Prinsípiu Direitus Umanus

Published

on

Hatutan.com, (19 Abríl 2024), Díli—Provedoria Direitus Humanus no Justisa (PDHJ), lamenta no konsidera aprosimasaun ne’ebé Governu halo liu hosi Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias  hasoru komunidade iha Díli, sees hosi prinsípiu direitus umanus ninian.

(more…)

Kontinua Le'e

Justisa & Krime

Prizioneiru Na’in-Lima Okupa Kuartu Ida, HAK Husu Governu Estabelese-tán Prizaun Foun

Published

on

Hatutan.com, (18 Abríl 2024), Díli—Asosiasaun HAK sujere atu Governu estabelese tán prizaun foun tanba liu hosi monitorisazaun ne’ebé mak sira halo iha prizaun Díli, Gleno no Suai hatudu katak kondisaun infra-estrutura barak mak aat no la sufisiénte bá dadur sira ne’ebé ema na’in-lima okupa lisku kuartu ida ho medida ne’ebé kiik.

(more…)

Kontinua Le'e

Trending