Connect with us
Pakote Ahi

Uncategorized

PN Prepara Rezolusaun Husu Auditoria bá TR ho MP

Published

on

Hatutan.com, (14 Marsu 2024), Díli- Sekretária Meza Parlamentu Nasionál,  Virgínia Ana Belo informa Parlamentu Nasionál prepara ona  rezolusaun ida atu submete bá Governu hodi halo auditoria bá Tribunál Rekursu (TR) ho Ministériu Públiku (MP).  

Sekretária Meza Parlamentu Nasionál, Virgínia Ana Belo. Foto/Zita Menezes

“Parlamentu Nasionál atu halo rezolusaun ida  haruka bá Governu para halo auditoria bá iha Tribunál Rekursu no Ministériu Públiku tanba durante sira-nia ezisténsia to’o agora nunka iha auditoria bá sira,” Deputada  Virgínia Ana Belo bá jornalista sira iha PN, Kinta (14/03/2024).

Nia hateten  auditoria ne’e la inklui Defensoria Públika Jerál tanba nia tutela hela iha Ministériu Justisa  entaun nian hetan auditoria kada tinan. Maibé, bá Tribunál Rekursu ho Ministériu Públiku to’o oras ne’e nunka iha auditoria bá sira tanba ida-ne’e mak Parlamentu Nasionál iha Tersa-feira sei aprova rezolusaun para haruka bá Governu depois hodi halo auditoria bá instituisaun independente rua-ne’e.

“Instituisaun Estadu hotu tenke hetan auditoria, maibé durante ne’e TR ho MP nunka hetan auditória iha tinan barak nian laran, tanba ne’e mak sira tenke hetan auditoria tuir lei hateten,” Deputada Virgínia Ana Belo hateten.

Advertisement

Jornalista Estajiária: Zita Menezes

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Advertisement

Trending