Connect with us
Pakote Ahi

Polítika

KHUNTO Apoiu Laiha Rezerva Bá IX Governu Konstitusionál

Published

on

Hatutan.com, (21 Marsu 2024), Díli—Partidu Kmanek Haburas Unidade Nasionál Timoroan (KHUNTO) apoiu laiha rezerva (total) bá IX Governu Konstitusionál ne’ebé lidera hosi Primeiru-Ministru (PM) Xanana Gusmão to’o mandatu ikus iha  2028.

Lee Mós: KHUNTO Sei A-favór bá Programa IX Governu, Husu Halais Polítika Desentralizasaun

Konselleiru Másimu Partidu KHUNTO, José dos Santos Naimori Bucar ho nia estrutura hasoru malu hato’o informasaun bá jornalista sira kona-bá audésia ho Prezidente Repúblika, JoséRamos-Horta iha Pálasiu Prezidensiál, Kinta (21/03/2024). Foto/Tome da Silva

Konselleiru Másimu Partidu KHUNTO, José dos Santos Naimori Bucar, Kinta (21/03/2024),  hateten hanesan jerasaun foun tenke estuda buat ne’ebé loos, labele sai inimigu iha polítiku ho nune’e sei apoiu tomak bá IX Governu Konstitusionál ninia mandatu.

“Uluk bainhira maun-bo’t Xanana ho maun Taur Matan Ruak iha diverjénsia polítika, ha’u hateten ha’u sei la hamonu maun Taur Matan Ruak iha VIII Governu, no agora iha IX Governu Konstitusionál mós ha’u sei la hamonu maun Xanana Gusmão, tanba ita presiza Estadu ida ne’ebé maduru atu tau matan ba povu tanba povu maka hili no fó fiar liu hosi eleisaun ida demokrátiku,” José dos Santos Naimori Bucar afirma hodi hatán jornalista sira hafoin hasoru malu ho Prezidente Repúblika, José Ramos-Horta iha Palásiu Prezidensiál, Díli.

Advertisement

Konselleiru Másimu iha partidu KHUNTO ne’e haktuir iha polítika labele hamosu diskriminasaun, bainhira povu mak hili, no halo ona desizaun ida, hotu-hotu tenke simu no aseita desizaun povu nian.

KHUNTO Apoiu Suspende GAM-GAR

Biban ne’e,  Konselleiru Másimu KHUNTO, José dos Santos Naimori Bucar hateten KHUNTO apoiu total programa no kompeténsia Governu nian  kona-ba suspensaun atividade grupu arte-marsiál (GAM) ho grupu arte-rituál (GAR) bá fulan-neen mai tan hahú hosi Abríl-Novembru 2024.

“Ida ne’e direitu Governu nian no ita hotu-hotu tenke kumpre. Se Governu dehan suspende ita atu halo nusa, importante unidade nasionál, pás no estabilidade iha rai ida ne’e, tanba povu hakarak hakmatek iha nasaun ida. Nasaun ne’e la’ós ema ida nian, ita hotu nian, tenke kumpre hodi kria estabilidade no rona-malu, tanba ida ne’e mak importante liu iha polítika ida,” José dos Santos Naimori Bucar nu’udár mós konselleiru másimu bá arte-marsiál Kmanek Oan Rai-Klaran (KORK).

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

FRETILIN Preokupa ho Kresimentu Ekonómiku TL iha 2023 La To’o 2%

Published

on

Hatutan.com, (23 Abríl 2024), DíliBankada FRETILIN iha Parlamentu Nasionál (PN) preokupa tebes ho rezultadu relatóriu hosi Asian Development Bank (ADB) kona-bá kresimentu ekonómiku Timor-Leste (TL) nian iha tinan 2023 ne’ebé fraku loos no la to’o 2%.

(more…)

Kontinua Le'e

Polítika

Membru PN Levanta iha Plenária Kona-bá Gafañotu Atake Hare no Batar iha Raimea

Published

on

Hatutan.com, (23 Abríl 2024), Díli– Membru Parlamentu Nasionál hosi  Bankada CNRT, Saul Salvador, liuhosi sesaun plenaria PN, Tersa (23/04/2024),  aprezenta preokupasaun agrikultór sira   Suku Raimea, Postu Administrativu Zumalai, Munisípiu Covalima, kona-bá fenómenu peste gafañotu atake hare ho batar sira.

(more…)

Kontinua Le'e

Polítika

Bankada FRETILIN Solidariza Komunidade Ne’ebé Hetan Eviksaun

Published

on

Hatutan.com, (22 Abríl 2024), DíliBankada FRETILIN iha Parlamentu Nasionál (PN) liu hosi deklarasaun politika hato’o solidariedade bá vitima eviksaun ne’ebé okupa espasu públiku iha Ai-mutin, Merkadu Comoro, Bidau Sengol, Bidau Santa Ana no Ai-tarak laran, ne’ebé halo hosi Sekretáriu Estadu Assuntu Toponímia Organisazaun Urbana (SEATEOU).

(more…)

Kontinua Le'e

Trending