Connect with us
Pakote Ahi

Dili

Dom Virgílio Husu Devotu Jesus Divina Mizerikórdia Aplika Obra Mizerikórdia iha Moris Loron-Loron

Published

on

Hatutan.com, (07 Abríl 2024), Díli—Iha selebrasaun Domingu dahuluk bá Domingu Paskua nian Domingu Divina Mizerikórdia, Dom Virgílio Kardeál do Carmo da Silva, SDB  husu bá sarani sira liu-liu Devotu Jesus Divina Misericordia atu aplika obra misericordia iha moris loron-loron.

Lee Mós: Prosisaun Selebra Festa Jesus Divina Mizerikórdia

Dom Virgílio Kardeál do Carmo da Silva, SDB, hakru’uk iha imajen Jesus Divina Mizerikórdia. Foto/Leopoldina de Carvalho

Arsebispu Metropolitana Díli, Dom Virgílio Kardeál do Carmo da Silva, SDB  hateten liga ho imajen Jesus Divina Mizerikórdia, ne’ebé Santa Faustina haklaken iha nia diáriu hateten katak sínal ne’ebé imajen ne’e hatudu kona-bá Jesus Nia kanek ne’ebé fó sulin bee no ran ne’e sulun desde tinan 2024 liu no kontínua suli nafatin nu’udár sínal  domin lolos.

“Loron-loron ita Nia Nai Jesus hasulin Nia laran sadia mai ita, iha ita idak -idak iha momentu oin-oin. Dala barak, ita idak -idak, ita hanoin fila-fali tinan ida nia laran ita simu buat barak, maibé ita mós husu bá ita-nia an Maromak sadia ha’u, hatudu Nia laran, Nia mizerikórdia mai ha’u atu ha’u mós aprende koko atu sai misionariu mizerikórdia nian,” Dom Virgílio Cardeal do Carmo da Silva, SDB hateten iha  nia ómilia iha misa domingu dahuluk páskua iha igreja Santu António Motael, Díli, Domingu (07/04/2024).  

Advertisement

Dom Virgílio esplika katak hosi Santa Faustina Nia ibun Jesus mós hakarak hatutan mai ita, Nia ejije hosi hahalok miserikórdia nian husi ita-nia hahalok loron-loron ne’ebe ita halo la’ós tanba ema haree, maibé  halo tanba domin bá  Maromak, no Maromak Nia domin mak sai razaun boot liu hotu.

“Ita Persija hatudu domin ba ema hotu nune’e mós iha fatin hotu-hotu. Ita Nia Nai Jesus dehan bá Santa Faustina, ita hatudu ita-nia mizerikórdia iha hahalok, maibé la’ós deit iha hahalok, maibé iha liafuan mós, iha ita-nia hanoin,” Dom Virgílio afirma.

Kardeál Timoroan dahuluk iha istória uma-kreda universal no uma-kreda lokál Timor ne’e husu bá  sarani sira atu hatene didiak obra miserikórdia nian ne’ebé boot liu,  ne’ebé atu fó hanoin de’it kona-bá buat foun ne’ebe dala barak ita halo buat saida mak bele hatudu duni Maromak Nia mizerikórdia ida-ne’e.

Nia hatutan, iha tinan 2024 selebra loron boot ida-ne’e saida mak bele sai hanesan propozitu hodi ita bele kaer no lori hodi kontínua inspira iha ita-nia moris.  Fila fali bá ema idak-idak nian an, oin atu reflete katak  iha duni tempu atu bele aplika obra mizerikórdia hodi  haree ema ne’ebe moras, la’ós iha hospital, maibé iha ita-nia família rasik, ita-nia viziñu sira.

Obra miszrikórdia nian katak fó tempo haree mós ema hirak ne’ebé moras, hirak ne’ebé hela iha prizaun, bainhira  halo vizita bele fahe ka husik hela liafuan diak ruma hodi bele motiva sira.

Advertisement

Dom Virgílio mós halo eezemplo kikoan kona-bá obra mizerikórdia ne’ebe sarani sempre halo iha idak-idak nia moris, bainhira iha fatin públiku sira, hanesan kostume ona, kuandu tama iha igrejai ida, bá iha ospitál ruma, bainhira iha kadeira ruma  sempre tuur,  maibé bainhira hare ferik oan ida mai ka ema katuas ka ema gravida ida mai, nu’udár misionariu mizerikórdia prontu ka lae hosik tuur fatin ne’e bá ema sira ne’e.

Prosisaun Selebra Festa Divina Mizerikórdia, Sábadu (06/04/2024). Foto/Leopoldina de Carvalho

“Ida-ne’e mak obra mizerikórdia haruka ita atu haree buat kiik sira ne’e.  Obra mizerikórdia ne’e liu hosi hahalok kiik-oan sira ne’ebe ita halo loron-loron. Obra mizerikórdia nian mós hanorin dala-ruma iha oportunidade ema hakanek ita, la’ós hakanek deit ita-nia fuan ho surik hanesan Jesus nian, maibé hakanek ho ita-nia nanal, ho ita-nia liafuan, hakanek ho ita-nia hahalok. Ita prontu atu bele perdua ema ne’ebé moris hakanek ita-nia fuan, Ita prontu atu bele perdua ka lae,”  Dom Virgílio haktuir.  

Obra mizerikórdia nian mós hanorin oinsá  hatene atu sai hun la’ós atu sai moru. Dala-barak ita iha oportunidade iha ita-nia família, iha instituisaun sira ne’ebé ita horik bá hanesan misionaria mizerikórdia ida ita bainhira iha oportunidade  ruma oinsá esforsu atu bele sai hanesan ponte la’ós moru atu bele haklaken Maromak Nia domin. Tanba ne’e, iha Domingu dahuluk ne’e Jesus konvida sarani hotu atu hanoin kona-bá loron boot ida ne’e saida mak Nia hakarak atu kolia mai ita idak -idak.

Nu’udár oportunidade mós mai sarani sira  atu hatene, atu harohan bá ema ne’ebé koalia at ita, harohan bá ema ne’ebé iha terus no harohan mós bá ema ne’ebé habelar lia-fuan di’ak.

“Buat rua ne’ebé hau hakarak subliña kona-bá obra mizerikórdia nian bá sarani hotu mak presiza atu bele tau iha iha ita-nia hanoin hanesan devotu mizerikórdia tenke iha hanoin hanoin no sente ema seluk nia terus.”  

Dom Virgílio mós esklrese kona-bá situasaun real iha Dili laran, ne’e sai preokupasaun públiku mak hanesan  dala-barak ema sempre halerik kona-bá udan tauk bee-sa’e, ne’e tanbasá  tanba foer ne’ebé ita so’e arbiru.  Ne’ebe obra mizerikórdia ne’e dehan mós bá sarani sira bainhira soe aqua mamuk ida, soe foer arbiru iha fatin ruma, ha’u mós tenke hanoin buat ne’ebé ha’u soe bele kontribui estraga maluk sira nia saúde, ema barak nia saúde.

Advertisement

Jesus konvida sarani hotu, hanesan iha evenjello São João dehan, “Ita hotu ne’ebé mergulla, dala barak susar atu sai hosi ita-nia sala, tanba ne’e atu ita keta dezanima, tenke aten-brani sai hasoru Maromak laran sadia ida ne’e. Rekoñese an maske ita iha sala, ita enkoraja nafatin, ita fiar iha Nia deit mak Ita bele hetan rekuperasaun.”

Festa Jesus Divinia Mizerikórdia. Foto/Leopoldina de Carvalho

Jesus rasik dehan bá iha Santa Faustina katak imajen Jesus Divina Mizerikórdia ne’e iha okos ne’e ho liafuan Ida dehan, “Jesus Ha’u Konfia Ita.”

Lia-fuan ne’e, Dom Virgílio hateten, hanesan asinatura ida Jesus nian atu sarani sira mós labele iha loron bá loron Divina mizerikórdia nian mak sarani sira besik Nia, maibe loron-loron buka hakbesik nafatin hodi renova fali sarani sira-nia  konfiansa bá Nia.

Nai Jesus rasik dehan “Festa ne’e mosu hosi Ha’u Nia Mizerikórdia ne’ebé kle’an no haforsa ho Ha’u Nia kompaixaun ne’ebé gentil, katak Ha’u Nia hakarak, atu festa ne’e selebra ho solene iha Domingu  dahuluk depois  Paskua  (Segundu Domingu Paskua)”.

Jesus hakarak festa Divína Mizerikórdia sai nu’udár fatin mahan no fatin protesaun bá klamar sira hotu, liu-liu bá pekador infeliz sira. Iha loron ne’ebá, Jesus Nia laran luak ne’ebé gentil tebes sei nakloke, Jesus sei derrama oçeano graça nian ida bá klamar sira ne’ebé hakbesik mai iha wé-matan Jesus Nia laran luak Nian.

Jesus rasik koalia ba Santa Faustina “Ha’u oan feto dehan bá katak festa Divína Mizerikórdia sai hosi Ha’u Nia Mizerikórdia (ovarium) atu mundu tomak hetan konsolasaun.

Advertisement

Nai Jesus mós promete grasa indulgensia plenaria bá sarani sira hotu bainhira  selebra festa ne’e ho diak katak  prepara an hodi halao konfesnsaun no simu Nai Jesus iha  Eukaristia Santu no reza bá Santu Padre nia intensaun.

Selebrasaun Festa divina mizerikórdia ne’e sarani sira hahú ho  novena bá Jesus Divina miserikórdia ne’ebe halao durante loron-sia (9), hahú husi Sesta-feira Santa (29/03/2024) no remata iha Sábadu (06/04/2024).

Iha Sábadu (06/04/2024), sarani sira lori imajen Jesus Divina Miserikórdia hosi Kapela Estasaun  São Miguel Arcanjo Surik-Mas to’o iha Igreja Santu António Motael, Díli.

Jornalista: Leopoldina de Carvalho

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Eletrisidade Mate iha HNGV Minutu 15 no Atendimentu Normal

Published

on

Hatutan.com, (22 Maiu 2024), Díli- Portavós Ekipa Integradu  Saúde (EIS), Vidal Lopes, konfirma katak iha Tersa kalan (21/05/2024),  akontese duni ahi-eletrisidade mate iha Ospitál Nasionál Guido Valadares (HNGV) ho durasaun minutu 15. Maske nune’e, la prejudika atendimentu bá pasiente sira tanba atendimentu la’o normal.

(more…)

Kontinua Le'e

Dili

Harii Tan Merkadu Ida iha Díli Hodi Akumula Vendedór sira

Published

on

Hatutan.com, (21 Maiu 2024), Díli- Haree bá kondisaun merkadu rua iha Díli; Manleuana ho Taibessi, la konsege akumula hotu vendedór sira, liuliu hirak ne’ebé kontinua utiliza espasu públiku hodi halo atividade, hanesan iha Elemloi-Delta nian, Kampu Baru-Comoro, iha Terminal Becora ho mós iha Audian nian, maka Bankada Parlamentár KHUNTO husu Governu harii tán merkadu hodi bele akumula  vendedór sira  ne’e.

(more…)

Kontinua Le'e

Dili

Asiste Feira iha Portu Díli, PNTL Halibur Motór 23 Tanba Estasiona iha Trotoar Leten

Published

on

Hatutan.com, (21 Maiu 2024), Díli- Polísia Nasionál Timor-Leste (PNTL) liuhosi Unidade Tránzitu Komandu Munisípiu Díli halo apreensaun ka halibur motorizada hamutuk 23 tanba estasiona fali mór iha trotoar leten.

(more…)

Kontinua Le'e
Advertisement

Trending