Connect with us
Pakote Ahi

Defeza & Seguransa

Membru UPM Na’in-50 Deklara Husik GAM-GAR

Published

on

Hatutan.com, (15 Abríl 2024), Díli—Polísia Nasionál Timor-Leste (PNTL) liu hosi Unidade Polisia Marítima (UPM) nia membru hamutuk na’in-50, deklara sai hosi orgazanizsaun Grupu Arte Marsiál (GAM) ho Grupu Arte Rituál (GAR), no jura bá bandeira lulik RDTL atu serví de’it povu no rai doben Timor-Leste.

Komandante UPM, Superintendente Polisia Eugénio Pereira informa, membru na’in-50 ne’ebé halo deklarasaun ho sira-ninian vontade tomak, aprezenta sira-ninian aan, hanesan eis membrus bá iha grupu arte marsiais no arte rituais.

Lee Mós: Governu Kontínua Suspende Atividade GAM-GAR To’o Novembru 2024

Advertisement

Deklarasaun sai hosi GAM-GAR ne’e ho ninia lala’ok bá iha orientasaun nomós bazeia bá referénsia sira ne’ebé orienta hosi Komandante Jerál PNTL, nomós mai hosi Estadu liuhosi IX Governu Timor-Leste ninian, ligadu ho asaun ka orientasaun bá iha prossesu vinkulasaun ida-ne’e.

“Iha ninia situasaun ida-ne’e, atu informa bá meza de ónra, horseik sira hahú entrega ona sira-nia atributu no hosi 50 pessoas ne’e totálmente sei entrega hotu. Hosi 50 pessoas ne’e kompostu hosi PSHT na’in 23, IKS na’in-13, KORK na’in 5 no Sete-Sete na’in-7,” Komandante Eugénio Pereira hateten iha diskursu serimónia juramentu iha Kuartél UPM nian iha Lecidere, Segunda (15/04/2024). 

Komandante Eugénio esplika, asaun juramentu ida-ne’e mosu ho ninia objetivu tolu no nia hanesan komandante unidade, hamutuk ho membru sira ne’e atu afirma sira-nia pozisaun, alende hanesan entidades ka hanesan ajente seguransa bá Estadu.

Primeiru, atu kontribui bá estabilidade nasaun ida-ne’e ninian, segundu atu nafatin atrai konfiansa mai hosi komunidade tantu internasionál nomós nasionál ninian no teriseiru, atu hatudu sira-nia profisionalizmu, hanesan ajente seguransa bá Estadu ida ne’e.

Hosi objetivu tolu ne’e, nia dehan, atu UPM bele hatudu ninia asaun prevensaun, oinsá nafatin atrai ema ninian konfiansa, nomós husu nafatin konfiansa hosi Estadu nomós hosi povu bá iha Polísia espesial bá UPM.

Advertisement

KRAM Kongratula

Iha biban ne’e, Prezidente Komisaun bá Reguladora Artes Masiais (KRAM), Octávio da Conceição hato’o ninia kongratulasaun bá inisiativa sira ne’ebé halo hosi Komandu PNTL, bá atividade juramentu ida ohin, tanba ne’e nu’udár kontinuasaun hosi kompromísiu ne’ebé mak Primeiru-Ministru (PM), IX Governu Konstitusionál, Kay Rala Xanana Gusmão halo ona iha fulan hirak bá kotuk.

Prezizdente KRAM ne’e esplika, Lei Númeru 05/2017, Artigu 24, 25 hatete momós iha ne’ebá katak, entidade hothotu ne’ebé hola kna’ar no responsábilidade bá estadu RDTL ninia kontinuasaun, labele involve iha atividade prátika artes marsiais no arte rituál.

Atu hatete ida ne’e katak nu’udár responsábilidade bá instituisaun estadu nian hotu, atu sira bele sai sasukat no matadalan di’ak bá sosiedade TL ne’ebé maka sei kontinua la’o bá oin.

Bá oin, KRAM sei kontinua ko’alia ho ministru sira iha ministériu relevante sira hanesan ministériu edukasaun, no ministériu sira ne’ebé maka nia funsionárius públikus sira involve iha arte marsiais, atu iha mandatu IX Governu ne’e husu mós atu sira koolabora ho Governu hodi bele hatudu  mós ezemplu di’ak hanesan loron ida ohin.

Advertisement

Komandante Jerál PNTL, Komisáriu Jerál Polisia Henrique da Costa hateten, PNTL hanesan instituisaun Estadu nian ho nia papél maka defende legalidade demokrátiku, garante seguransa bá ema ho nia sasán sira no asegura direitu no liberdade ema nian tuir termus konstituisaun no lei sira.

Iha loron 23 fulan Dezembru 2023, Ministru Interior, Francisco da Costa, hatutan despaixu hodi halo identifikasaun no dezvinkulasaun bá membru PNTL ne’ebé asosiadu ho GAM no GAR. Kontinuasaun hosi atividade ne’e maka, ohin loron iha Unidade Polisia Marítima hatudu ona sira nia prontidaun hodi entrega attribute GAM no GAR nian.

“Tanba ne’e, hanesan komandante jerál, hakarak hato’o apresiasaun bá komandante UPM ho ninia estrutura tomak bá realizasaun atividade ida ne’e. hakarak informa bá imi hotu ne’ebé mak konttribui ona hodi entrega imi nian atributu sira, imi nian dokumentus hotu sei hatama iha fixa pessoal imi-nian, nune’e bele hatene katak, aban-bainrua iha problema ruma, fásil atu nune’e bele identifika,” komisáriu Henrique dehan.

Ohin loron, konflitu sira no perturbasaun ordém públika, kauza hosi GAM no GAR, sai hanesan issue ne’ebé maka’as iha prátika kríme kontra ema hanesan Ofesa Integridade Fízika, to’o Omesídiu, sai mós hanesan preukupasaun komunidade sira-nian, liu-liu atendimentu polisia iha ninia atuasaun, haree liu bá kór organizasaun GAM no GAR.

Komisáriu Henrique agradese bá komandu PNTL Munisipiu Likisá, Vikeke, Manufahi no Unidade Polísia Marítima (UPM), tanba kumpri ona despaixu ne’ebé Governu hasai ona. husu nafatin membru sira atu hatudu profesionalizmu no imparsialidade hodi serví povu no nasaun ho loloos.

Advertisement

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

PNTL Detein Autór Sobu Kadeira iha GMT Laran

Published

on

Hatutan.com, (21 Maiu 2024), Díli-Polísia Nasionál Timor-Leste (PNTL) Munisípiu Díli kaptura no detein autór ida ho inisial MdS tanba harahun kadeira tuur-fatin hamutuk 14 ne’ebé baibain adeptu sira tuur durante asiste Kampionatu Nasionál Boxe iha salaun Jinájiu Munisipál Díli (GMT-sigla Indonézia).

(more…)

Kontinua Le'e

Defeza & Seguransa

UPF Prende Kombustivel Litru 245 iha Memo-Maliana

Published

on

Hatutan.com, (17 Maiu 2024), Díli-Polísia Nasionál Timor-Leste (PNTL) husi Unidade Patrullamentu Fronteira (UPF) prende  kombustivel ho kuantidade litru 245 iha área Memo, Postu Administrativu Maliana, Munisipiu Bobonaro.

(more…)

Kontinua Le'e

Defeza & Seguransa

Diretór Nasionál PCIC Vicente e Brito Rekoñese Nia Oan-mane Uza Pistola Treinu Tiru

Published

on

Hatutan.com, (14 Maiu 2024), Díli-Diretór Nacional bá Policia Científica e de Investigação Criminal (PCIC), Vicente Fernandes e Brito,  ‘rekoñese’ fó pistóla bá oan-mane hodi treinu tiru hamutuk ho membru  PCIC sira iha área Kaitehu, Suku Tibar, Postu Administrativu Bazartete, Munisípiu Liquiça.

(more…)

Kontinua Le'e
Advertisement

Trending