Hatutan.com, (22 Abríl 2024), Díli- Membru Parlamentu Nasional hosi  Bankada CNRT, Firmino Taequi,  nu’udár Oé-Cusse oan husu Governu atu halo kontratu ho aviaun Aero Dili ne’ebé sei halo operasaun aéreu Díli-Oe-Cusse no Oé-Cusse-Díli ho presu tikete  $25.00.

Lee Mós: Aero Dili Substitui Aviaun ZEESM Semo bá Oé-Cusse

Na’in bá Empreza Aero Dili, Lourenço de Oliveira entrega prenda bá MInistru Transporte no Komunikasaun, Miguel Manetelu. Foto/Dok. Vito Salvador

Membru PN hosi Bankada CNRT, Firmino Taequi fó apresiasaun bá Prezidente Autoridade Rejiaun Administrativu Espesiál Oé-Cise Abeno (RAEOA) bá servisu ne’ebé hlao ona hodi  detekta problema balu iha RAEOA nian no mós esforsu balun hodi kontakta Aero Díli subtitui aviaun ZEESM ne’ebé.

Nia husu atu aselera lalais prosesu ne’e hodi fasilita viajen populasaun Oé-Cusse no  povu tomak ne’ebé presiza bá Oe-cusse ho aviaun ida-ne’e.

“Iha biban ida-ne’e mós ha’u husu karik Aero Dili mak halo operasaun bá Díli-Oe-cusse sé bele hatuun presu billeti aviaun nian para viajen ne’e la’ós ema boot de’it mak bele, maibé povu kiik sira mós bele aproveitasae aviaun refére. Se lae, Oé-Cusse oan sira rona naran de’it,” Deputadu Firmino Taequi  haktuir iha Plenária PN, Segunda  (22/042024).

Vise-Ministru asuntu Parlamentár Áderito da Costa Hugo espliká ona sobre Aero Dili mak atu subtitui depois  suspende operasaun Aviaun ZEEMS nune’e Governu liuhosi koordensaun ho prezidente autoridade RAEOA Rogerio Tiago Lobato atu prense vagu ida bá konektividade Díli Oe-cusse atu la mamuk.

“Fó orientasaun bá presidente autóridade RAEOA atu halo kontrata bá kompañia Aero Dili hodi halo operasaun Díli Oé-cusse minimu semana ida dala-rua ho presu $25.00 no kompeténsia liu agora Prezidente Autóridade RAEOA hala’o hela orietasaun Governu sentrál nian hodi hala’o servisu namanas hela hodi implementa bá vagu bá espasu Aero Díli nian bá Díli-Oé-Cusse ho presu baratu,” Vise-Ministru asuntu Parlamentár Áderito da Costa Hugo hateten hodi hatan bá sujestaun Deputadu Firmino Taequi.

Molok ne’e, Diretór Ezekutivu nu’udár mós na’in bá Aero Dili, Lourenço de Oliveira, garante katak Aero Díli sei fó atendimentu di’ak bá sidadaun hotu ne’ebé atu halo viajen bá Oé-Cuse ho aviaun Aero Dili ho presu tikete $25,00. 

Jornalista Estajiária: Zita Menezes