Hatutan.com, (24 Marsu 2026), Díli-CEO Aero Dili, Lourenço de Oliveira, informa  impaktu husi funu iha médiu oriente  no folin konvustível sa’e iha merkadu global inklui Timor-Leste,  maka hakarak ka lakohi  Aero Dili hasa’e folin tiketi  (billete) 20%.

Lee Mós: Aero Dili Loke Tan Rota Foun Ba Kuala Lumpur no Darwin

CEO Aero Dili, Lourenço de Oliveira. Foto/Juvinal Cabral dos Santos

“Konserteza kombustível sa’e tiha ona ne’e ita halo oinsá, implika duni, hakarak ka lakohi hasa’e 20% husi folin tiketi, hanesan mós aplika ba aviaun komersiál sira hotu iha mundu,” Lourenço de Oliveira informa ba jornalista sira  hafoin  sorumutu ho Ministru Transporte no Komunikasaun  Miguel Marques Gonçalves “Manetelu” iha MTK, Tersa (24/03/2026).

Iha enkontru ho Ministru Miguel Marques Gonçalves “Menetelu” ne’e, parte rua  ko’alia kona-bá preparasaun sira iha setór aviasaun nian iha ámbitu Timor-Leste assume responsabilidade prezidésia ASEAN iha tinan 2029.

“Iha diálogu Governu ho Setór privadu iha Sentru Konvensaun Díli (CCD), Segunda (23/03/2026), ami horu iha kompromisu no koordena malu kona-bá servisu, liu-liu kona-bá aviasaun nian, oinsá mak ita mós prepara ita nia an ba tinan 2029, ita sei simu bainaka importante sira nasaun sira membru ASEAN,” Lourenço de Oliveira informa.

CEO Aero Dili haktuir, preparasaun ne’e oinsá mak bele semo ba fati-fatin sira ne’ebé mak ema barak liu. Tanba adezaun Timor-Leste nian hanesan membru ASEAN  ba dala-XI  tenke iha kondisaun atu kompre servisu sira relasiona ho serimonia sira ASEAN nian  ne’ebé sei ankontese iha Timor-Leste.

Kona-bá proposta  AirAsia Indonézia nian ne’ebé submeter proposta ba Governu atu halo operasaun mai Timor-Leste ho rute Denpasar-Dili no Dili-Denpasar, Ministru MTK Miguel Marques Manetelu ho na’in ba Aero Dili, Lourenço de Oliveira seidauk tau importánsia diskusaun tanba la’ós urjente.

“Halo oinsá mak iha opsaun barak atu ajuda nasionál Airline, hanesan ita atu haree los bá impaktu ne’e buat hotu-hotu depende ba kresimentu pasageirus. Husi parte governu mós la’ós foti desizaun arbiru de’it kuandu seidauk iha pasajeirus ho numeru persentajen over, ida-ne’e ha’u hanoin governu konsiente ida-ne’e para suporta nasionál Airline,” Lourenço de Oliveira informa.

CEO Aero Dili esplika, kona-ba operasaun  Dili-Oe-Oecusse pasajeiru menus liu mak na’in 20-30. Depois buat ida tan mak presiza  klarifika bá públiku, katak  Aeroportu internasionál Aeroporto Internacional Rota do Sândalo ne’ebé inaugural iha tinan 2019 seidauk iha sertifikasaun.

“Tanba de’it nasionalizmu no patriotismu mak Aero Dili loke rute Dili-Oe-Cusse, mais atu atu ko’alia internasionál aviasaun bá iha ne’ebá ita seidauk bele, tuir loloos la bele ba lai anba seidauk iha sertifikasaun husi International Civil Aviation Organization,” Lourenço klarifika.

Nia haktuir, atu ko’alia loloos ne’e iha sertifikasaun depois tuir fila fali mai pasageirus mós na’in 20-30 ne’e soe osan halo saida aviaun boot ida bá la viavel.

 Jornalista: Juvinal Cabral dos Santos