Connect with us
Pakote Ahi

Justisa & Krime

CAC Submete Auto Partisipasaun 22 bá MP

Published

on

Hatutan.com, (10 Maiu 2024), Díli -Maske tinan-ida liu ona Comissão Anti Corrupção (CAC)  laiha nia komisáriu, maibé parte investigador sira kontinua hala’o nia knar. Nune’e, iha  tinan-ida nia laran ne’e investigadór sira  halo averiguasaun no auto partisipasaun hamutuk 22 bá Ministériu Públiku (MP).

Lee Mós: CAC Submete Bá MP Relatóriu Finál Kazu Projetu Set-top Box RTTL,E.P

“Durante ne’e CAC rasik hasoru difikuldade boot tanba denúnsia sira ne’ebé mak mai hosi públiku ne’e la’ós iha kapitál Díli de’it, maibé balu mai hosi munisípiu entaun hosi munisípiu nian tenke pendente hela tanba investigadór sira labele dezloka bá iha munisípiu se bainhira atu bá munisípiu mós presiza lojístika, kustu administrativu  ne’ebé komisáriu laiha kleur ona, entaun difikulta tebes bá CAC atu hala’o nia servisu,” diretór jerál investigasaun CAc, José de Araújo Verdiál  informa bá jornalista sira iha eidifisiu CAC, Díli, Kinta (09/05/2024).

Advertisement

Diretór Jerál Investigasaun CAC, José de Araújo Verdial. Foto/Elio dos Santos da Costa

Husi fuIan-Janeiru 2024, CAC a nia investigadór sira konsege halo auto partisipasaun hamutuk lima (5) ba iha Ministériu Públiku, nune’e la’ós lima  (5) ne’e de’it, maibé hamutuk ho denúnsia sira ne’ebé iha tinan kotuk kuandu públiku sira mai aprezenta la konsege finaliza ninia averiguasaun iha tinan ida-ne’e hosi Janeiru to’o mai ohin loron, CAC nia  investigadór sira kontinua halo averiguasaun entaun  konsege haruka auto partisipasaun hamutuk 17 bá iha Ministériu Públiku entaun total auto partisipasaun ne’ebé haruka ba Ministériu Públiku 22.

Nia dehan, investigadór sira presiza halo averiguasaun,  halibur informasaun ho dokumentu sira hotu hosi suporta balun depois maka CAC haree fali katak iha duni ka lae ba indísiu bá korrupsaun.

Bá prosesu ka denúnsia sira seluk  balu iha tinan anterior ninian hosi denúnsia 16, investigadór sira sei nafatin kontinua halo averiguasaun entaun agora dadaluk rejista informasaun ka halo averiguasaun ne’e hamutuk 16 ne’ebé se nafatin iha faze averiguasaun ninian.

“Públiku sira hotu hatene loos duni iha tinan-ida liu fulan-ida ona, ohin, CAC la iha Komisáriu maibé servisu investigasaun nian hanesan delegasaun bá kompeténsia iha tinan-ida ne’e ita la iha maibé servisu seluk investigasaun nian hanesan atendimentu bá denúnsia hosi públiku sira ita la’o nafatin entaun komesa hosi fulan-Janeiru to’o ohin, denúnsia ne’ebé mak CAC simu hosi públiku ne’e hamutuk 11, hosi denúnsia 11 ida ne’e mak iha 5 mak konsege investigadór sira halo averiguasaun liu hosi halibur informasaun sira,” José de Araújo Verdial hateten.

Bá prosesu sira ne’ebé mak tama iha CAC hanesan iha lei hatete katak CAC iha kompeténsia atu halo ka atende no investiga de’it ba iha krime korrupsaun. Servisu sira ne’e hotu se iha prosesu averiguasaun ka auto partisipasaun entaun labele fó sai bá públiku.

Iha tinan hirak liu ba ne’e hosi CAC rasik  haree de’it ba maluk sira ne’ebé mak halo funsaun iha ezersísiu funsaun públiku ninian, nune’e depois iha lei númeru 7/2020 aprova ne’e mak fó mós kompeténsia bá CAC hodi halo investigasaun ka simu denúnsia sira bá krime korrupsaun alende iha setor estadu ka ba sira ne’ebé mak ezerse knar iha funsaun públiku ninian inklui mós bá setor privadu sira hotu.

Advertisement

Jornalista Estajiáriu :  Lazaro Pereira Quefi

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

TR Aplika Prizaun Domisiliária bá Fujitivu Arnolfo Teves Jr To’o Fináliza Prosesu Legál

Published

on

Hatutan.com, (13 Juñu 2024), Díli-Tribunál Rekursu ka Tribunál Supremu  Justisa liuhusi despaisu ikus, Kuarta (12/06/2024), aplika  medida koasaun Prizaun Domisiliária ka  “Mandado de Condução Á Prisão Domiciliaria” bá fujitivu  Arnolfo Alipit Teves Jr atu bele hela de’it iha nia rezidénsia ka uma to’o finaliza nia prosesu legál sira.

(more…)

Kontinua Le'e

Justisa & Krime

Relatóriu: Pesoál PCIC husu Osan bá Oan-Mane Arnolfo Teves Jr Komete Abuzu Podér, Estorsaun no Korrupsaun

Published

on

Hatutan.com, (12 Juñu 2024), Díli—Polísia Sientífika no Investigasaun Kriminál (PCIC, sigla portugés)  iha loron 08 fulan-Abríl 2024, finaliza ona sira-nia relatóriu kona-bá kazu pesoál PCIC ho inisiál OdCA husu osan bá oan-mane  fujitivu Arnolvo Teves Jr.

(more…)

Kontinua Le'e

Justisa & Krime

Fraksi CNRT dan Komisi A PN Desak Aparat Penegak Hukum Segara Deportasi DPO Kalumban Mali

Published

on

Hatutan.com,(11 Juni 2024), Dili-Anggota Parlemen Nasional Timor Leste, Natalino dos Santos meminta aparat berwenang untuk segera mencari tahu keberadaan DPO Kejaksaan Tinggi (Kejati), Nusa Tengara Timur (NTT), Kalumban Mali  untuk segera diproses dan dideportasi.

(more…)

Kontinua Le'e
Advertisement

Trending