Edukasaun

PDHJ Rekomenda bá PN Atu Urjente Estabelese Sentru Reabilitasaun Juvenil

Published

2 years ago

07/06/2024

Hatutan.com, (07 Juñu 2024), Díli– Provedória Diretu Umanu no Justisa (PDHJ) rekomenda bá Prezidente Parlamentu Nasionál (PPN), Maria Fernanda Lay, atu urjentimente atu hahú halo diskusaun ho Governu hodi estabelese Sentru Reabilitasaun Juvenil bá minoridade sira ne’ebé komete krime.

Lee Mós: Kazu Hadau Telefone To’o Nituchia Lakon Vida, Tribunál Liberta Arguidu Minoridade, Na’in-ida bá Prizaun Preventiva no Na’in-lima Aprezentasaun Periódika

Rekomendasaun PDHJ nian ne’e hato’o direita ba PPN Mari Fernanda Lay liuhusi audiénsia parte rua nian ne’ebé hala’o iha Gabinete Prezidente Parlamentu Nasionál, Sesta (07/06/2024).

Provedór Virgílio da Silva Guterres “Lamukan” . Foto/Dok

“Asuntu ne’ebé importante no ida ne’ebé mak urjenti ami hato’o bá Prezidente Parlamentu Nasionál mak komunika ho Governu ami reitera ninian rekomendasaun mak atu estebelesementu sentru reabilatasaun juviníl,” Provedór Virgílio da Silva Guterres haktuir bá jornalista sira hafoin enkontru ho PPN, Maria Fernanda Lay.

Nia hateten, públiku akompaña situasaun involvimentu joven minoridade sira iha krime, maibé bá tribunál lei relasaun labele julga entaun ikus mai komunidade balu sente katak sira injustisa.

“Sira lakon família tanba hahalok balu minoridade sira-nian, maibé ikus mai lei la fó sansaun bá ema ne’ebé mak involve iha laran. Tanba lei hateten katak joven minoridade labele julga ho lei ida-ne’e. Entaun iha nesesidade urjenti atu estabelese sentru reabilatasaun juvenil ne’ebé bele sai fatin rekolla joven minoridade ne’ebé mak halo komprotasaun ho lei ka halo krime,” Nia hateten.

PDHJ hato’o bá Prezidente Parlamentu Nasionál para atu halo diskusaun ho Governu no PDHJ rekomenda ona dezde uluk provedór anteriór atu hamosu sentru rehabilatasaun juviníl.

Jornalista: Zita Menezes

Related Topics:PDHJ Rekomenda bá PN Atu Urjente Estabelese Sentru Reabilatasaun Juvenil

Up Next

Timoroan 39 Gradua ho Susesu Husi USAID Nia Programa Treinadór Prinsipál bá Sistema Komandu Insidente

Don't Miss

Jornalista 12 Kompleta Formasaun Reportajen Kle’an

Click to comment

Edukasaun

Segunda, Timor-Leste hala’o ezame nasionál ba estudante finalista nivel sekundáriu

Published

4 days ago

17/10/2026

hatutan

Jornalista: Felix Fernandes

(more…)

Edukasaun

Kobransa Ilegál iha UNTL, Komisaun Instrusaun InvestigaDosente Na’in Rua

Published

6 days ago

15/10/2026

hatutan

Hatutan.com (15 Outubru 2026), Díli– Universidade Nasionál Timor-Lorosa’e (UNTL), liuhusi Komisaun Instrusaun, hala’o hela investigasaun ba dosente na’in rua iha Fakuldade Edukasaun no Humanidade, ne’ebé hetan alegasaun kona-ba kobransa ilegál ba estudante sira.

Pró-Reitor Asuntu Jurídiku, José Tomás Alves, ne’ebé nu’udar membru Komisaun Instrusaun, hatete katak kazu ne’e hahú bainhira estudante sira hato’o keixa ba estrutura kompetente iha UNTL. Depois, kazu ne’e refere ba Konsellu Disiplinár, ne’ebé kria Komisaun Instrusaun atu hala’o investigasaun.

José Tomás esplika katak Komisaun Instrusaun nomeia ona iha loron 17 Jullu 2026 no hahú servisu kedas. Tuir nia, suspensaun temporária ba dosente na’in rua ne’e importante atu evita interferénsia durante prosesu investigasaun no fó oportunidade ba estudante sira atu hato’o sira-nia deklarasaun ho liberdade.

“Nomeasaun husi Komisaun Instrusaun ne’e tun kedas iha loron 17 Jullu. Ami halo kedas servisu, tanba bainhira investigasaun la’o, profesór sira ne’e kontinua hala’o sira-nia atividade letiva, hanesan orientasaun no hanorin, ida-ne’e bele afeta estudante sira, tanba ne’e, Komisaun Instrusaun propoin ba Konsellu Disiplinár atu emite suspensaun ba dosente na’in rua,” José Tomás hatete iha Kampus Liceu, kuarta-feira, 14 Outubru 2026.

Nia hatutan, Konsellu Disiplinár emite karta suspensaun iha loron 8 Setembru 2026, ho prazu fulan ida, suspensaun ne’e atu para temporariamente atividade dosente sira ne’ebé hetan alegasaun viola sira-nia dever profisionál, no atu fasilita prosesu rona deklarasaun husi estudante sira.

“Karta suspensaun ne’e nia objetivu atu suspende temporariamente atividade profesór sira ne’ebé hetan alegasaun viola sira-nia dever, atu nune’e estudante sira bele ko’alia ho livre no fó oportunidade ba Komisaun Instrusaun atu rona sira-nia deklarasaun,” nia esplika.

Maski prazu suspensaun ne’e remata ona iha loron 8 Outubru 2026, ida-ne’e la signifika katak kazu ne’e rezolve ona. Tuir nia, prazu investigasaun bele estende se Komisaun Instrusaun konsidera katak kazu ne’e kompleksu no presiza tempu tan atu halibur evidénsia.

Nia hatete, komisaun sei kontinua rona testemuña no suspeitu sira, no halibur prova relevante sira atu bele konklui investigasaun ho kuidadu.

“Investigasaun ne’e sei kontinua, tanba ami presiza rona testemuña no suspeitu sira, no halibur prova sira. Hare’e ba komplesidade kazu ne’e, ami presiza tempu atu asegura katak prosesu investigasaun la’o ho di’ak,” nia afirma.

José Tomás hatete, depois Komisaun Instrusaun konklui relatóriu investigasaun, relatóriu ne’e sei submete ba autoridade kompetente iha UNTL, se hetan katak dosente sira viola duni sira-nia dever profisionál, Reitór sei foti desizaun tuir kompeténsia ne’ebé mak iha.

To’o agora, prosesu investigasaun sei kontinua, no alegasaun kona-ba kobransa ilegál ne’e sei presiza hetan konfirmasaun liuhusi rezultadu investigasaun.

Jornalista: Felix Fernandes