Connect with us
Pakote Ahi

Dili

MJ Atribui Rai bá PNTL Harii Kuartél Jerál no Eskuadra Rua iha Díli

Published

on

Hatutan.com, (18 Juñu 2024), Dili-Ministériu Justisa (MJ) atribui ka entrega rai bá Komandu Polísia Nasionál Timor-Leste (PNTL) hodi bele harii edifísiu foun kuartél jerál PNTL nian, inklui eskuadra Polísia nian iha Vera Cruz nian no Na’in-Feto iha kapitál Díli.

Lee Mós: Diplomata Hosi Nasaun 13 Apresia ho Servisu PNTL

MJ enkontru ho Komandu PNTL, Tersa (18/06/2024). Foto/Elio dos Santos da Costa

Ministru Justisa (MJ) Sergio Hornai informa, rai ka terrenu sira ne’ebé ekipa tékniku sira MJ nian liuhosi Diresaun Nasionál Terras Propriedade (DNTP) identifikadu mak hanesan, iha Vila-Verde, Kintál-Ki’ik, Golgota, Farol, no mós arredór ida mak lokaliza kedas iha área Komandu PNTL nian.

“La-kleur ita halo medida sira, para atu nune’e Komandu PNTL bele halo kontinuidade bá sira-nia dezeñu no konstrusaun bá iha edifísiu foun komandu PNTL nian,” Ministru Sergio Hornai hatete bá Jornalista sira, hafoin enkontru tékniku ho estrutura komandu PNTL nian iha Salaun Kuartél Jerál PNTL, Caicoli, Díli, Tersa (18/06/2024).

Advertisement

Hatán kona-bá rai sira ne’ebé molok ne’e oferese bá PNTL, balu sei iha problema, governante ne’e afirma, iha problema tenke fó solusaun. Problema labele husik estagnadu no tenke buka solusaun.

Tuir nia, problema sira ne’e mosu iha situasaun rua de’it. Ida, tanba ema okupa. Ne’e rai domíniu públiku estadu, ka rai domíniu públiku privádu. Sé rai iha domíniu públiku privadu, governu iha polítika lejizlasaun rasik, iha instrumentu legál, atu bele orienta. Maibé, sé iha domíniu públiku estadu ninian, governu iha medida própria para orienta bá iha ne’ebá.

Kona-bá komunidade afetadu iha Caicoli, tuir dadus molok ne’e, iha totál uma-kain 10 resin, mak durante ne’e impede hela projetu konstrusaun bá PNTL ninia kuartel jerál foun, Ministru Sergio Hornai dehan, iha situasaun rua mak governu halo aproximasaun. Komunidade sira voluntáriamente atu bele kolabora, atu governu liuhosi MJ bele fó kompensasaun ida razoavel.

“Parte seluk, sira dehan katak sira nian, ita iha ita-nian instrumentu, ita-nian estadu direitu ka lae, ema hothotu iha direitu atu asesu bá iha justisa. mais, estadu hakarak tenke impoin nia autoridade para atu bele tau estadu ninia sasán sira bá oin, sein halo diskriminasaun bá ninia sidadaun sira,” Sergio Hornai hateten.

Governante ne’e orgullu tanba rai ka fatin hirak ne’ebé oras ne’e ekipa DNTP sira identifikadu ona, nota katak, autoridade lokál sira mós hatudu sira-nian kolaborasaun no partisipasaun bá iha hanoin boot, oinsá mak bele halo alargamentu servisu komandu PNTL ninian iha fatin ida ne’ebé dignu, atu nune’e Polísia sira bele halo servisu ida ne’ebé mais konfortavel, hodi nune’e bele fó atendimentu bá nia sidadaun sira.

Advertisement

DNTP ninia ekipa sira sei halo levantamentu, sei halo reabertura, karik rai ida ne’ebé mak uluk halo tiha ona despeza, maibé, la konsege konklui, governu bele fó kontinuidade bá oin. Hosi identifikasaun ne’e mak foin informa fali dadus loloos kona-bá terrenu sira ne’e ninia medida, kuantidade hosi luan no naruk.

Komandante jerál PNTL, Komisáriu Polisia Henrique da Costa esplika, sorumutuk ne’e hodi hatán bá pedidu ne’ebé molok ne’e komandu PNTL submete. Nune’e, ohin Ministru Justisa (MJ), Sergio Hornai, akompañadu hosi ekipa tékniku sira Diresaun DNTP no Ministériu Interior (MI) nian, hamutuk ho PNTL hodi haree kona-bá iha pedidu hirak ne’ebé maka PNTL hatama, partikularmente bá iha rai sira Dili ninian hodi instala bá iha futuru edifísiu sira no mós Kazerna mak iha kuartél jerál rasik.

Alende ne’e, identifika ona mós rai ka terrenu balu iha área Farol, hodi harii edifísiu foun Eskuadra Vera Cruz nian, no rai bá konstrusaun edifísiu foun Eskuadra Na’in-Feto nian iha área Santa Cruz. Nune’e mós sira identifika rai hodi halo armazén bá iha PNTL.

Komandante jerál PNTL ne’e dehan, karik, iha rai ka fatin sira ne’ebé identifikadu mak komunidade sira sei okupa, husu nafatin bá komunidade sira atu koopera no kontribui ho governu ida ne’e, nune’e bele foti rai sira ne’e hodi utiliza bá nesesidade sira estadu nian, liu-liu atu harii edifísiu foun bá instituisaun PNTL.

Orsamentu sira bá konstrusaun edifísiu nian, alokadu tiha hotu ona iha Orsamentu Jerál Estadu (OJE) tinan 2024 nian, ne’ebé prevee hosi Ministériu Interior. Maibé, durante ne’e seidauk bele hahú prosesu konstrusaun fíziku, tanba seidauk iha rai ne’ebé definitivu hosi Governu.

Advertisement

“Ita bele hatete katak, 75% ne’e preparasaun la’o ona, tanba ekipa tékniku sira halo ona mós koordenasaun ho autoridade lokál sira iha ne’ebá, xefe suku, xefe aldeia sira, halo hela komunikasaun, identifika estatutu  rai ne’e halo-nusá. Rai ne’e estadu ninian, ka rai privádu, uma-kain hira mak hela iha ne’eba, depois sira ne’e foin hela, ka kleur ona. Ida ne’e mak ekipa sira hala’o hela,” Komisáriu Polísia Henrique da Costa hateten.

Jornalista: Rogério Pereira Cárceres

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Reabilitasaun Merkadu Manleu Atinje Porsentu 73 no Merkadu Taibessi Porsentu 85

Published

on

Hatutan.com, (19 Jullu 2024), Díli–Reabilitasaun merkadu Manleu atinje  73% no merkadu Taibessi atinje ona 85%.

(more…)

Kontinua Le'e

Dili

Projetu Emerjénsia Sira iha Díli Laran Atinje Porsentu 80

Published

on

Hatutan.com, (19 Jullu 2024), Díli-Maioria projetu emerjénsia sira ne’ebé Ministériu Obras Públikas (MOP) halo adjudikasaun direta bá kompañia sira hodi halo reabilitasaun estrada sira iha kapitál Díli kuaze atinje  porsentu 80 (80%).

(more…)

Kontinua Le'e

Dili

Governu Seidauk Fó Indenizasaun bá Komunidade Afetadu Eviksaun SEATOU

Published

on

Hatutan.com, (16 Jullu 2024), Díli Parlamentu Nasionál liuhosi Deputadu Bankada FRETILIN, António Calau preokupa ho promesa Governu nian atu fó  indenizasaun bá komunidade afetadu evokasaun husi polítika  Sekretará Estadu asuntu Toponomia  no Urbanizasaun (SEATOU).

(more…)

Kontinua Le'e
Advertisement

Trending