Connect with us
Pakote Ahi

Polítika

Bankada FRETILIN Husu TCC ho CAC Investiga Prosesu Kontratuál Subsídiu Foos

Published

on

Hatutan.com, (18 Juñu 2024), Díli- Bankada Parlamentár FRETILIN, Tersa (18/06/2024), aprezenta sira-nia deklarasaun polítika iha plenária PN hodi husu bá Tribunál Kámara Konta (TCC, sigla portugés)  ho  Komisaun Anti Korrupsaun (CAC) atu halo auditoria no investigasaun bá programa IX Governu  fó subsídiu bá kompañia importadór foos sira.

Lee Mós: Deskonfia, Manipulasaun iha Subsídiu Foos

Iha loron 17 fulan-Outubru 2023, Ministru Prezidénsia Konsellu Ministru, Hermenegildo “Agio” Pereira nu’udár Ministru Koordenadór Asuntu Ekonómiku ein-ezersísiu selebra akordu lima ho empreza importadora foos subsidiu. Foto/Dok.Gov

Membru Bankada FRETILIN nu’udár relator, José da Cruz ho Aniceto Guterres, xefe Bankada FRETILIN fó hanoin katak, liu ona tinan ida IX Governu ida-ne’e kaer ukun, foun-foun bá ukun IX Governu aprezenta nia programa bá Parlamentu Nasionál katak, IX Governu konsidera agrikultura hanesan baze bá dezenvolvimentu ekonómiku no sosial nasaun nian, ho objetivu atu hadi’a seguransa alimentár nasionál no mós atu redús ki’ak sira iha área rurál, atu fó apoiu bá tranzisaun husi kultura subsisténsia bá produsaun emprezariál husi produtu agrikola, pekuáriu, peska no florestál nian, no atu promove sustentabilidade ambientál no konservasaun rekursu naturál sira Timor-Leste nian.

“Infelizmente kompromisu polítika bá setór agrikultura ida-ne’e la atinje iha tinan primeiru mandatu IX Governu, tanba ita sei kontinua konsumu produtu importasaun sira duké ai-han sira ne’ebé ita nia agrikultór sira prodús,” Deputadu José da Cruz nu’udár relatór deklarasaun polítika Bankada FRETILIN nian ne’e kestiona.

Advertisement

Tuir Institutu Nasionál  Estatístika  Timór-Leste, (INETL, I.P) nia relatóriu merkadória external Timor-Leste nian bá fulan-Marsu 2024 hateten katak totál importasaun ai-han no bébida ka “food and beverages”, reprezenta 72% hosi totál importasaun sasán konsumu nian.

Iha tinan 2023 nia klaran, folin foos mós sa’e makaas iha merkadu Timor-Leste nian.  IX Governu aprezenta bá públiku katák folin foos ne’e aas tanba aplikasaun impostu bá sasán importasaun hosi 2.5% bá 5%, ne’ebé Governu anteriór aplika, nune’e, dalan di’ak atu hamenus folin foos mak atu hatún taxa importasaun ka “import duty” hosi 5% bá fali 2.5%. Maské, impostu bá importasaun nian hatún ona bá 2.5%, no mós osan millaun  $4 ne’e fahe ona bá kompañia fornesedór na’in haat iha Timor-Leste, maibé subsídiu ida-ne’e nafatin la konsege ajuda atu hatún folin foos iha komunidade sira nia leet.

Tuir Bankada FRETILIN nian dadus katak iha fatin barak, espesialmente iha área rurál sira, komunidade ki’ak sira tenke sosa foos importasaun sira ho folin ne’ebé karun liu fali.

“Triste liu mak foos sira ne’ebé karun ne’e nafatin mai hosi kompañia sira ne’ebé hetan ona subsídiu hosi IX Governu,” Deputadu José da Cruz hateten ho espresaun triste.

Bankada FRETILIN  mós aprezenta sira-nia dadus ne’ebé sira rasik kolekta katak folin foos iha variasaun bá kreximentu folin foos, ne’ebé hahú hosi 13% to’o 40% kompara ho folin foos antes primeiru semester 2023 nian. Dadus ida ne’e hetan justifikasaun hosi Timor-Leste nia relatóriu “Consumer Price Index” (CPI) ka Índise Presu Konsumidór nian iha fulan-Abríl 2024 hatudu katak iha mudansa presu, espesífikamente ba presu foos ne’ebe sa’e 23.2% kompara ho presu foos iha fulan-Abríl 2023.

Advertisement

CPI fulan-Abrīl 2024 hateten katak iha mudansa presu foos ne’ebé sa’e 6.7% iha Kapitál Díli, no 12.1% iha Baucau, enkuantu Munisípiu sira seluk iha mudansa presu ne’ebé sa’e 30.1% kompara ho presu foos iha fulan-Abríl 2023.

“Bankada FRETILIN haree katák politika IX Governu ida-ne’e sei fó de’it benefísiu bá kompañia importadór sira duké grupu produtòr sira iha rai-laran. Iha VIII Governu Konstitusional, foin lalais ne’e, intervensaun Governu nian bá krize ai-han tanba pandémia Covid-19 ne’e liuhusi programa sesta Baziká ne’ebé orienta atu fó valór bá produtu sira rai laran nian.  Hanoin katak osan sira ne’ebé gasta bá intervensaun ne’e sei sirkula iha rai laran no tama direita bá iha bolsu agrikultór sira, nune’e bele enkoraja produtór rai laran sira atu kontinua prodús,” Nia afirma.

Tuir Bankada FRETILIN nia haree programa subsídiu IX Governu nian bá kompañia importadór sira ne’e hatudu katak IX Governu mukit iha koñesimentu kona-bá efeitu hosi dominasaun produtu importasaun hasoru produtu lokál sira. Fenómenu ida ho naran Dutch Disease sempre mosu tanba produtu lokál l sira sei labele kompete ho produtu importasaun.

Bankada FRETILIN ipóteze iha fulan-Outubru 2023 justifikadu ona ho inkapasidade hosi IX Governu hodi halo intervensaun bá ba merkadu atu hatún folin foos, no iha tempu ne’ebé hanesan uza rekursu estadu nian hodi benefisia kompañia fornesedór sira, ne’ebé la’ós ona segredu katak durante iha eleisaun Parlamentár foin lalais ne’e nu’udár patrosinadór bá kampaña polítika partidu balu.

Bankada FRETILIN hakarak ezije bá TCC atu halo auditoria bá prosedimentu no objetivu polítika hosi subsídiu ida-ne’e, inklui husu investigasaun kle’an hosi CAC bá asuntu ida-ne’e, tanba, hanesan FRETILIN hateten ona iha leten katak, FRETILIN fiar katak programa subsídiu ida -ne’e nu’udár estratéjia atu fahe rekursu Estadu nian bá malu duké fó benefísiu bá povu Timor tomak.

Advertisement

Iha parte  seluk, Vise-Ministru asuntu Parlamentár Adérito Hugo da Costa hatán bá deklarasaun Bankada FRETILIN katák polítika IX Governu nian hatún taxa 5% bá 2.5% ne’e imediata atu trava tendénsia folin foos sa’e, imajina agora folin foos  sa’e ne’e iha nasaun Indonézia no rejiaun sira seluk folin foos sa’e nafatin.

“Sé antes ne’e Governu la hatún bá 2.5% imajina oras ne’e  la ko’alia ona $20, maibé bele $25 to’o $30 hanesan iha nasaun Indonézia ne’e faktu,” Adérito Hugo hateten.

“Ita labele dehan bá povu katak ita sei iha nafatin subsídiu, foos subsídiu nian kurtu prazu hotu tiha ona no agora foos iha merkadu ne’e la’ós foos subsídiu. Agora ita iha mak rezerva iha armazén Sentru Nasionál Lojistiku (CLN) para intervensaun kuandu foos folin sa’e makaas liután kuandu ita haree katák kapasidade kompras povu nian labele ona,” Adérito Hugo da Costa esplika tan.

Iha loron 17 fulan-Outubru 2023, Governu liuhusi Ministru Prezidénsia Konsellu Ministru, Hermenegildo “Agio” Pereira nu’udár Ministru Koordenadór Asuntu Ekonómiku ein-ezersísiu selebra  akordu lima ho empreza importadora ai-han nian sira, hosi implementa intervensaun temporáriu bá estabilizasaun folin foos iha merkadu. 

Akordu hirak ne’ebé selebra ona ne’e ninia objetivu mak atu asegura presu foos importadu, ne’ebé fa’an iha armazén empreza nasionál nian sira ne’ebé fa’an kuantidade boot, hodi fiksa ho montante másimu $12 bá kada saku ka parsela 25 Kg, atu permite fa’an-rahun foos ho folin másimu $0,50 kada kilograma. 

Advertisement

Hodi kumpre limite presu másimu ida-ne’e, empreza nasionál sira ne’ebé fa’an foos ho kuantidade boot ka operadór ekonómiku nasionál sira ne’ebé importa foos ho kuantidade boot sei simu subsídiu ho valór $5.00 kada saku ka parsela 25 Kg, ne’ebé korresponde ho sentavu 20 bá kada kilograma foos nian. 

Empreza lima ne’ebé  formaliza  akordu ho Governu ida-ne’e kompostu husi  Perissos Victoria Lda, Loja Creative Furak Lda, Lisun Importação no Exportação Lda, Jusibel Unipessoal Lda no Alfa Dili Unipessoal Lda.

Jornalista Estajiária : Zita Menezes

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Rogério Lobato Sei Aprezenta Prova Irregularidade Aviaun ZEESM ho Ró Haksolok Bá Governu

Published

on

Hatutan.com, (19 Jullu 2024), Díli- Prezidente Autoridade Rejiaun Administrativa Espesiál Oé-cusse-Ambeno (RAEOA), Rogério Tiago de Fátima Lobato, sei aprezenta  prova sira kona-bá irregularidade sira  Aviaun ZEESM ho Ró Haksolok atu fasilita Governu halo auditória ba RAEOA.

(more…)

Kontinua Le'e

Polítika

Fidelis Magalhães ho Mericio Akara La Submete Karta Rezignasaun bá PLP no Rejeita Harii Partidu Seluk

Published

on

Hatutan.com, (17 Jullu 2024), Díli- Fidelis Leite Magalhães no Mericio Juvenál dos Reis Akara to’o agora la submete karta rezignasaun ba Partidu Libertasaun Populár (PLP) no sira rejeita informasaun ne’ebé espalla dehan sira atu  harii partidu seluk.

(more…)

Kontinua Le'e

Polítika

Parlamentu Nasionál Resesu Fulan-Rua

Published

on

Hatutan.com, (16 Jullu 2024), Díli– Parlamentu Nasionál (PN) hahú resesu durante fulan-rua (2)  husi loron 16 fulan-Jullu to’o loron 16 fulan-Setembru 2024.

(more…)

Kontinua Le'e
Advertisement

Trending