Connect with us
Pakote Ahi

Polítika

Vise-PM Mariano Sabino Sei Akompaña MS Élia Amaral bá PN

Published

on

Hatutan.com, ( 21 Juñu 2024), Díli—Vise-Primeiru-Ministru no Ministru  Koordenadór bá asuntu Sosiál no Ministru Dezenvolvimentu Rural no Abitasaun Komunitária, Mariano Assanami Sabino,  sei akompaña Ministra Saúde Élia A.A. dos Reis Amaral, atu bá partilla informasaun no buka solusaun bá kestaun sira iha área saúde nian iha Parlamentu Nasionál (PN).

Lee Mós: (HOAX) Ema Mate iha HNGV Tanba Laiha Ai-moruk

Vise-Primeiru Ministru Asuntu Sosial, Ministru Koordenador Dezenvolvimentu Rural no Ministru Habitasaun Komunitária, Mariano Assanami Sabino.

Parlamentu Nasionál liuhusi Bankada FRETILIN husu bá Primeiru-Ministru (PM), Kay Rala Xanana Gusmão, atu autoriza Ministra Saúde (MS), Élia A.A. dos Reis Amaral hodi bá halo disukusaun no buka solusaun bá problema sira ne’ebé setór saúde enfrenta durante ne’e.

Vise-PM Mariano Assanami Sabino     prontu akompaña Ministra  Élia A.A. dos Reis Amaral  hodi bá esplika kona-bá realidade ne’ebé akontese iha setór saúde,  ezekusaun orsamentu no planu asaun MS nian.

Advertisement

“Bainhira kuandu MS Élia A.A. dos Reis Amaral persija akompaña, ha’u sei akompaña, ha’u sei husu bainhira mak bá fali, hau sei akompaña,” Mariano Assanami Sabino  hateten bá jornalista sira  iha Díli, Sesta ( 21/06 2024).

Mariano Sabino haktuir importante mak membru PN sira la bele bolu membru governu ida ho karater urjente tanba dala ruma ministra okupadu ho servisu ka hala’o hela servisu estadu nian iha munsipiu ka iha estranjeiru.

Tuir regular, antes fulan ida tenke informa ona ba Primeiru-Ministru katak sei bolu ministru ka ministra ida-ne’e tanba PM deit mak bele hatan membru governo ka ministru ida ne’e bá hatan,” Mariano Sabino hateten.

Kona-bá situasaun iha área aúde ne’ebe dau-daun ne’e kontinua sai preokupasaun públiku  Marianoa Assanami haktuir katak dau-daun ne’e  iha hela prosesu atu hadia, oinsa  atu reforma instituisaun, refoma politika, reforma programa lubuk ida ne’ebe mak la relevante.

 Presiza Dijitaliza Sistema Distribuisaun Ai-moruk

Advertisement

Kona-bá situasaun sira iha ospitál, sentru saúde ho postu saúde iha territóriu nasionál ne’ebé enfrenta estoke out ai-moruk, Mariano Assanami Sabino hateten, presiza iha estudu ida atu dijitaliza sistema distribuisaun ai-moruk no hadi’a fatin konserva produtu medikamentu no farmásia iha ospitál to’o postu saúde sira.

“Durante ne’e ema lakohi atu dijitaliza para ai-moruk bele ses, ai-moruk bele sai, ema balun foti ba fan fali iha klínika  evita atu ida ne’e labele akontese, husi armazen to’o fali distribuisaun tenke dijitaliza hotu,” Mariano Assanami Sabino hateten.

Nia rekoñese sasan barak falla ne’ebé tenke hadia no nia esklarese tan katak mosu informasaun ne’ebé lalos iha públiku tanba iha ema balun hakarak politiza  no dramatiza situasaun iha setór saúde bá sira-nia interese no benefisia bá sira-nia objetivu polítika.

Jornalista: Leopoldina de Carvalho

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Fidelis Magalhães ho Mericio Akara La Submete Karta Rezignasaun bá PLP no Rejeita Harii Partidu Seluk

Published

on

Hatutan.com, (17 Jullu 2024), Díli- Fidelis Leite Magalhães no Mericio Juvenál dos Reis Akara to’o agora la submete karta rezignasaun ba Partidu Libertasaun Populár (PLP) no sira rejeita informasaun ne’ebé espalla dehan sira atu  harii partidu seluk.

(more…)

Kontinua Le'e

Polítika

Parlamentu Nasionál Resesu Fulan-Rua

Published

on

Hatutan.com, (16 Jullu 2024), Díli– Parlamentu Nasionál (PN) hahú resesu durante fulan-rua (2)  husi loron 16 fulan-Jullu to’o loron 16 fulan-Setembru 2024.

(more…)

Kontinua Le'e

Polítika

CNRT husu PNTL ho PCIC Buka Hatene Ema Sira Partilla HOAX Kona-bá Stoke Ai-Moruk

Published

on

Hatutan.com, (15 Jullu 2024), Díli– Bankada Parlamentár CNRT liuhusi sira-nia deklarasaun polítika iha plenária PN, Segunda (15/07/2024), husu bá autoridade polisiál, hanesan Polísia Nasionál Timor-Leste (PNTL) ho Polísia Sientífika Investigasaun Kriminál (PCIC) u Nasionál liuhosi Deputada Cedelizia  Faria dos Santos husu Polisia Nasionál Timor-Leste (PNTL), Polisia Nasionál Investigasaun Kriminál (PSIK) atu buka hatene pesoál sira,  inklui deputadu sira ne’ebé mak fahe informasaun falsu ka HOAX relasiona no stoke ai-moruk.

(more…)

Kontinua Le'e
Advertisement

Trending