Connect with us
Pakote Ahi

Ekonomia

Singapura Tau Importánsia Kooperasaun Ekonomia, Komersiál no Investimentu ho Timor-Leste

Published

on

Hatutan.com, (29 Juñu 2024), Díli- Primeiru-Ministru Singapura, Lawrence Wong hateten Singapura iha interese atu hametin kooperasaun bilaterál ho Timor-Leste iha área ekonomia, komersiál no investimentu.

Lee Mós: Singapura Prontu Kapasita Timoroan Iha Área Oioin To’o TL Sai Membru Permanente ASEAN

MNEK Timor-Leste Bendito dos Santos Freitas hasoru malu ho Primeiru-Ministru Singapura, Lawrence Wong. Foto/Mídia MNEK

Asuntu interesadu ba kooperasaun bilaterál ne’e Primeiru-Ministru Singapura, Lawrence Wong hato’o bainhira simu vizita ofisiál Ministru Negósiu Estranjeiru no Kooperasaun (MNEK) Timor-Leste Bendito dos Santos Freitas iha Singapura.

Komunikadu  Imprensa ne’ebé Hatutan.com asesu husi Gabinete MNEK, Sabádu (29/06/2024), informa vizita ba Singapura ne’e nu’udár vizita ofisial dahuluk Ministru Negósiu Estranjeirus no Kooperasaun (MNEK), Bendito dos Santos Freitas, hodi hametin liután relasaun diplomátika no kooperasaun bilateral entre nasaun rua.

Advertisement

“Iha oportunidade ida ne’e ami hasoru malu ho Primeiru-Ministru Singapura Lawrence Wong, ko’alia tebe-tebes importante kooperasaun ekonómika, komersiál, investimentu iha Timor-Leste. Área prioritária ne’ebé Timor bele dezenvolve maka indústria turizmu, peska, agrikultura. Primeiru-Ministru rasik mós husu ita-nia abertura ka expansaun investimentu kona-bá manufatura nian, industrializasaun ne’ebé bele fó kampu traballu ba ita-nia joven sira, tanba ida-ne’e, haree ba setór ida-ne’ebé importante turizmu, ospitalidade, edukasaun no mós textile sira-ne’e ba konstrusaun sira-nian hotu,” Ministru Bendito dos Santos Freitas infroma.

Xefe Governu Singapura, Lawrence Wong manifesta ninia apoiu jenuinu ba Timor-Leste, no atu halo promosaun investimentu barak liután, atu bele promove potensialidade ne’ebé iha, hodi trai investor sira ba investe iha Timor-Leste.

Primeiru-Ministru Singapura iha interese atu kontaktu ho Vise-Primeiru-Ministru no Ministru Koordenadór ba Assuntu Ekonómiku no Ministru Turizmu no Ambiente Francisco Kalbuadi Lay, atu iha futuru bele halo kooperasaun ruma ho mós apoiu elementus Embaixada Timor-Leste iha Singapura, bele prepara atu halo promosaun investimentu iha Singapura, liu-liu promove Timor-Leste nia potensialidade ba áreas ne’ebé bele tulun ba dezenvolvimentu ekonómiku ita-nia rai laran.

Timor-Leste Akordu Viza Lívre ho Singapura ba Periodu Loron 30

Ministru Negósiu Estranjeiru no Kooperasaun (MNEK), Bendito dos Santos Freitas, reprezenta Governu Timor-Leste ofisiálmente selebra tan akordu ida ho Governu Singapura kona-ba aplikasaun vistu lívre durante loron 30 ba pasaporte servisu, komun no diplomátiku.

Advertisement

Akordu ne’e asina husi ho omólogu Ministru Negósiu Estranjeiru Singapura, Vivian Balakrishnan, hafoin remata enkontru bilateral.

Ministru Bendito Freitas konsidera, akordu sobre izensaun vistu ne’e importante tebes, tanba bele fasilita di’ak liután movimentasaun husi sidadaun Timor-Leste ho Singapura no seluk tan.

“Iha Singapura, asina mós akordu kona-ba izensaun de vistu ba pasaporte diplomátiku, pasaporte servisu no pasaporte komún, ligasaun Timor-Leste ho Singapura, ida-ne’e importante atu tulun ita-nia komunikasaun, ita-nia ligasaun vizita ka mobilidade ita-nia sidadaun Timor-Leste bele mai iha Timor-Leste, singapura mós bele ba Timor-Leste, haree ba parte investimentu nian,” hateten MNEK Bendito dos Santos Freitas.

Governu Singapura manifesta tebes sira-nia prontidaun atu tulun Governu Timor-Leste iha aspetu kapasitasaun rekursu umanus no seluk tan.

Iha enkontru ne’e, Ministru Bendito ho nia omólogu ko’alia mós kona-ba konektvidade transporte aero entre Timor-Leste ho Sinagpura, no posibilidade ba futuru sei aumenta tan frekuénsia voo entre Dili no Singapura, tanba oras ne’e daudauk, aviaun Aero Dili maka halo hela operasaun semana ida dala.

Advertisement

Ministru Vivian Balakrishnan dezafia Governu Timor-Leste atu tau prioridade ba kapasitasaun rekursu umanus nu’udar polítika estadu, tanba ne’e nesesidade fundamental nasaun no liu-liu partisipasaun Timoroan sira-nian iha prosesu dezenvolvimentu nasionál.

Ministru Singapura ne’e reforsa katak, momentu ida-ne’e oportunu teb-tebes ba Timor-Leste nia dezenvolvimentu, tanba iha líder ne’ebé di’ak hanesan Prezidente Repúblika no mós Primeiru-Ministru, iha kolaborasaun ne’ebé di’ak, atu bele dezenvolve iha espasu ne’ebé iha hodi aprofunda, konsolida dezenvolvimentu nasional Timor-Leste nian.

Ministru Bendito mós agradese ba Governu Singapura nia apoiu ba Timor-Leste dezde inísiu iha restaurasaun independénsia to’o ohin loron, no mós kooperasaun ne’ebé sei kontinua to’o ohin loron iha área ekonomia, kapasitasaun rekursu umanus liu husi programa stars no seluk tan.

Enkontru bilateral ne’e entre Xefe Diplomasia Timor-Leste ho Singapura ne’e, hala’o iha Ministériu Negósiu Estranjeiru Singapura nian, no akompaña husi Embaixadór Timor-Leste ba Singapura, Alex Tilman, Xefe Gabinete MNEK, Filomeno Rómulo Lay no seluk tan.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

EIF Konsidera Timor-Leste Nia Adezaun Ba OMK Sei Tulun Dezenvolvimentu Setór Ekonómiku

Published

on

Hatutan.com, (18 Jullu 2024), Díli- Diretór Ezekutivu Enhanced Integrated Framework (EIF) Ratnakar Adhikari hateten Timor-Leste nia adezaun ba Organizasaun Mundiál Komérsiu (OMK) nu’udár pasu pozitivu ba dezenvolvimentu ekonómiku iha país ne’e.

(more…)

Kontinua Le'e

Ekonomia

BTN-Indonézia Hakarak Investe Fó Kréditu Uma bá Povu Timor-Leste

Published

on

Hatutan.com, (18 Jullu 2024), DíliBanku Tabungan Negara (BTN) husi Indonézia hahú halo aproximasaun iha Timor-Leste hodi aprezenta sira-nia intensaun investimentu iha área fó kréditu uma bá funsionáriu públiku sira ho mós povu Timor-Leste ein-jerál.   

(more…)

Kontinua Le'e

Ekonomia

East Timor Trading Group Sei Haluan Nia “Business Industrial Joint” Iha Fomentu II

Published

on

Hatutan.com, (18 Jullu 2024), Díli-East Timor Trading Group planea atu haluan nia investimentu iha Timor-Leste liuhosi projetu ida ne’ebé sira hanaran “Business Industrial Joint” iha área Fomentu II, Suku Comoro, Postu Administrativu Dom Aleixo, Munisipiu Díli.

(more…)

Kontinua Le'e
Advertisement

Trending